Jona 4:2 - O Debleskro Drom 2021 (Sinte)

² Kote rakras lo ap o baro Debleste un penas: “Ach, baro Dewel, kowa hi, hoi penom an ko tsiro, har khere homs. Doleske kamom sik an o them Tarsis krik te nashell. Me djinom, kai tu i latcho Dewel hal, un tut i baro dji hi. Tu weh gar sik chojedo. Un tiro latchepen hi baro. Un koi bibacht, kolah i menshen trad deh, khaitell tut pal kowa.

O Debleskro Lab 2024 (Sinte-Manouche)

² Kote rakras lo ap o baro Debleste oun penas: “Ah, baro Devel, kova hi, hoy penom an ko tsiro, har khere homs. Doleske kamom sik an o them Tarsis krik te nashell. Me djinom, kay tou i lačo Devel hal, oun tout i baro dji hi. Tou veh gar sik rhoyedo. Oun tiro lačepen hi baro. Oun koy bibarht, kolah i menshen trad deh, khaytell tout pal kova.

Jona 4:2 ပူးပေါင်းရင်းမြစ်များ

1. Rajengro liil 19:4

Un job djas i diwes dur an o mulo them. Un kote beshas lo pes tel i burra, un kamas te merell un penas: “Kanna hi doha, baro Dewel. Muk man te merell! Me hom gar feteder har mire phure.”

Debleskri gili 103:8

O baro Dewel hi i latcho Dewel, kai krell peskro dji pre peskre menshenge. Job well gar sik chojedo. Un leskro latchepen herell gar pre.

Debleskri gili 145:8

Latches hi o baro Dewel un krell i menshenge peskro dji pre. Job well gar sik chojedo. Un leskro kamlepen hi baro.

Debleskri gili 78:38

Job kras lenge peskro dji pre, un maras len gar. Na-a, job las lendar i doosh tele. Bud kope rikras job peskri choli pale, un mukas gar peskri tseli choli ap lende te well.

Debleskri gili 86:15

Tu, baro Dewel, hal i latcho Dewel, un kreh tiro dji tire menshenge pre. Tu weh gar sik chojedo, Tiro latchepen hi baro un tu rikreh pash tire menshende.

Debleskri gili 86:5

Tu hal latcho, miro baro Dewel, un leh i doosh krik. Tiro latchepen hi baro kolenge, kai ap tute gole denn.

Debleskri gili 90:13

Baro Dewel, har rah kameh te choireh tut ap mende? Dik pale latches ap mende, tire budepangre!

2. Mose 32:14

Koi rikras pes o baro Dewel pale un mukas gar koi bari bibacht pral peskre menshende te well.

Jeremia 18:8

Te mukenn jon palle pengro tchilatcho koowa, khaitell man kowa, kai dom len trad, te well bibacht pral lende.

Jeremia 20:7

Baro Dewel, tu rakral jaake rah ap mande dren bis te krom, hoi tu kamal. Tu hal sorleder har me. Kanna wom lenge sapaske, un hakeno sal man win.

Jeremia 26:13

Kanna mukenn tumaro tchilatcho drom un o tchilatcho koowa, hoi krenna. Un shunenn ap tumaro baro Debleste! Palle rikrell lo pes pale un anell gar koi bibacht pral tumende, kolatar job rakras.

Jeremia 42:10

Te atchenn tumer an kau them, palle mukau me tumen pale bares te well, un me phagau tumen gar khetne; me krau tumen soreles, un tradau tumen gar win dran o them; man khaitell, kai hunte anom sawi bibacht pral tumende.

Amos 7:3

Koi khaitas kowa o baro Debles, un job penas: “Mishto, kowa well gar jaake!”

Amos 7:6

Koi khaitas ninna kowa o baro Debles. Un o baro Dewel, maro rai, penas: “Kowa te well gar jaake!”

Jona 1:3

Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.

Jona 3:10

Har o Dewel dikas, hoi jon kran, har mukan le pengre tchilatche dromma, kote khaitas o Debles koi bibacht, hoi kamas lo pral lende te anell, un job kras les gar.

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

Micha 7:18

Kek Dewel hi har tu, kai lell o tchilatchepen krik, hoi mer kram, un kai bistrell koi doosh, hoi anam ap mende – mer, kai tire menshendar pral atcham. Tu atcheh gar chojedo pral mende hako tsiro, un kreh tiro dji pre menge.

Louka 10:29

Un ko mursheske his kowa, hoi o Jesus leske penas, gar doha, un job putchas pale: “Koon hi kol wawar, te wap latches ap lende?”

5. Mose 4:31

O baro Dewel hi i Dewel, kai tumenge peskro dji pre krell. Job mukell tumen gar, un mukell tumen gar win te merell, un bistrell gar, hoi lo tumare phurentsa win kras.