Jona 3:4 - O Debleskro Drom 2021 (Sinte)

⁴ Un o Jona djas i tselo diwes dren. Palle das lo gole un penas: “Star-deesh diwessa, palle phagell o foro Ninive khetne.”

O Debleskro Lab 2024 (Sinte-Manouche)

⁴ Oun o Yona djas i tselo dives dren. Palle das lo gole oun penas: “Star-deesh divessa, palle phagell o foro Ninive khetne.”

Jona 3:4 ပူးပေါင်းရင်းမြစ်များ

2. Rajengro liil 20:1

An kol diwessa was i merepaskro nasslepen pral o Hiskija. Un o Debleskro rakepaskro, o Jesaja, koleskro dad o Amoz his, was pash leste un penas ap leste: “Kawa penell o baro Dewel: ‘Tu weh gar sasto kau nasslepastar un hunte meress. Doleske pen tire menshenge, har te djal pal tiro merepen dureder!’”

2. Rajengro liil 20:6

Un me kamau 15 (deesh-te-pantch) bersha pre te tchiwell ap tiro djipen. Kamau tut un kau foro win te lell dran o wast o baro rajestar pral o them Assur. Un me rikrau mire wasta pral kau foro. Ko krau mange un o Davideske, kai miro budepaskro his.’”

Jesaja 30:18

Doleske dikell o baro Dewel ap ko diwes, kai nai well lo tumenge pale latches, un te nai krell lo peskro dji tumenge pre. O baro Dewel hi i Dewel, kai hako tsiro o tchatchepen krell. Bachtelo hi hakeno, kai ap leste dikell.

Jeremia 42:10

Te atchenn tumer an kau them, palle mukau me tumen pale bares te well, un me phagau tumen gar khetne; me krau tumen soreles, un tradau tumen gar win dran o them; man khaitell, kai hunte anom sawi bibacht pral tumende.

Jona 3:10

Har o Dewel dikas, hoi jon kran, har mukan le pengre tchilatche dromma, kote khaitas o Debles koi bibacht, hoi kamas lo pral lende te anell, un job kras les gar.

Mateo 12:41

Ap ko diwes, kai o Dewel o tchatchepen pral i tsele menshende wi-rakrella, stenna ninna i menshe dran o foro Ninive pre. Un jon penenna, te hi kol menshe tchilatcho, kai kanna djiwenna. Glan i rah tsiro penas o Jona i menshenge an o foro Ninive o Debleskro lab. Un jon mukan pengro tchilatcho drom, un djan ap o Debleskro drom. Kowa, kai glan tumende tardo hi, kowa hi bareder har o Jona.

Louka 11:30

Jaake har i menshe an o foro Ninive dikan, te was o Jona bitchedo o Deblestar, jaake dikenna i menshe an kau tsiro, te was o Mensheskro Tchawo o Deblestar bitchedo.

Louka 11:32

Ap ko tsiro, kai rakrell o Dewel o tchatchepen win pral i tsele menshende ap i phub, stenna ninna i menshe dran o foro Ninive pre. Un jon penenna, te hi kal menshe, kai kanna djiwenna, tchilatcho. Glan rah tsiro penas o Debleskro rakepaskro, o Jona, i menshenge an o foro Ninive o Debleskro lab. Un jon mukan pengro tchilatcho drom, un djan ap o Debleskro drom. Kawa, kai glan tumende tardo hi, kawa hi bareder har o Jona.”

5. Mose 18:22

Djinenn: Te rakrell ko Debleskro rakepaskro an o lab o baro Deblestar, un kowa hoi job rakras well gar tchatcho, jaake his ko lab hoi job rakras gar o baro Deblestar. Ko rakepaskro kamas pes peskro rakepah bares te krell. Tu daress gar lestar!