Jona 2:7 - O Debleskro Drom 2021 (Sinte)

⁷ Me djom tele bis kote kai hadenn pen i berge, bis an o mulengro them, kai o wudar well pandlo pal mande hako tsireske. Tu baro Dewel, miro Dewel, anal man djides win dran o merepen.

O Debleskro Lab 2024 (Sinte-Manouche)

⁷ Me djom tele bis kote kay hadenn pen i berge, bis an o moulengro them, kay o voudar vell pandlo pal mande hako tsireske. Tou baro Devel, miro Devel, anal man djides vin dran o merepen.

Jona 2:7 ပူးပေါင်းရင်းမြစ်များ

2. Familjakro liil 30:27

Un i rashaja un i Levitarja stan pre un rakran o Debleskri bacht pral i tsele menshende win. Un o baro Dewel shunas lengro rakepen, un hoi le lestar mangan, was pash leste an o bolepen shunlo.

Debleskri gili 11:4

O baro Dewel hi an peskro railo baro kheer. Leskro rajeskri beshepaskri hi an o bolepen. Leskre jaka dikenna tele ap i menshende, un job lell len an o jak.

Debleskri gili 142:3

Leske penau lauter, hoi ap miro dji hi, un mukau les te djinell, hoi mange phares hi.

Debleskri gili 143:5

Mange djal kowa an o shero, hoi tu lauter kral glan i rah tsiro. Pral kowa, hoi tire wasta kran, rakrau miro djijeha.

Debleskri gili 18:6

I mulengro them pandas peskre shelle trul mande, un o merepaskre shelle tserdan man tele.

Debleskri gili 20:7

Kanna djinau, kai well o baro Dewel ap i rig kolestar, koles job win rodas, te well lo baro rai. Dran o bolepen, kai job khere hi, shunell lo ap leste, un peskri bari sorjah well lo ap leskri rig.

Debleskri gili 22:14

Pengre bare muja krenn le pre, un denn bari gole ap mande har i lewo glan peskro chapen.

Debleskri gili 27:13

Me djinau, te dikau me o latchepen o baro Deblestar an kau djipen.

Debleskri gili 42:11

Jon sanenn pral mande un putchenn mandar hako diwes: “Kai hi tiro Dewel? Kai atchell lo?” Lengro praassepen hi mange har i merepaskro dukepen an mire kokale.

Debleskri gili 42:5

Miro dji phagell an mande, har mukau mange an miro shero trujel te djal, har djom bud menshentsa ap o drom un anom len an o Debleskro kheer. Ap o drom sharam les bari goljah, te parkras men pash leste, un hams bud, kai giwan leske gilja i bachtelo djijeha.

Debleskri gili 43:5

Hoske rowell miro dji un hi jaake pharo an mande? Ap miro Debleste kamau te dikell. Me djinau, te well i tsiro, kai parkrau man pash leste, miro Debleste, te was lo ap miri rig.

Debleskri gili 65:4

Ko tchilatchepen, hoi krom, hi phares ap mande tchiddo. Tu hal kowa, kai i doosh krik lell.

Jesaja 38:17

Dik, kowa his mange mishto, te wom nasselo: An tiro kamlepen tserdal tu miro djipen win dran o merepen. I tseli doosh, hoi me ap mande anom, witsral tu pal tiro dumo.

Jesaja 50:10

Kowa tumendar, kai krell, hoi o baro Dewel kamell, un shunell ap leskro budepaskro, kowa nai djinell: Ninna te djiwell lo an i kali rat un dikell kek momeli glan peste, hi lo an o baro Debleskro wast. Un kowa krell leske halauter mishto.

Jona 2:4

Tu witsral man dur tele an o baro pani. Sorele panja his trul mande. Tire tsele panja djan pral un tele un phagan pral mande khetne.

Micha 1:2

Shunenn tumer tsele themma! Denn jak, tumer ap i tseli phub! O baro Dewel, maro rai an o bolepen, kamell tumentsa te rakrell pral kowa, hoi kran!

Habakuk 2:20

O baro Dewel hi an peskro kheer, kai job djiwell. Ma rakrenn tchi glan leste, tumer menshe ap i tseli phub!

Hebrearja 12:3

Dikenn, hawo tchilatcho koowa i tchilatche menshe ap leste kran, te wenn tumer gar khino an tumare djia, un te atchenn soreles an o patsepen!

1. Samuel 30:6

Un i murshengre djia rowan pral lengre tchawende un tchen, un jon wan jaake chojedo ap o Davideste, te kaman le les mulo te dell i barrentsa. Un o David was an i pharo tsiro. Un job las peskri soor o baro Deblestar, kai leskro Dewel hi.