Jona 2:6 - O Debleskro Drom 2021 (Sinte)

⁶ O pani djas mange bis ap i meen. O telstunepen his trul mande, un o panjeskro khass pandas pes trul miro shero.

O Debleskro Lab 2024 (Sinte-Manouche)

⁶ O pani djas mange bis ap i meen. O telstunepen his troul mande, oun o panyeskro khass pandas pes troul miro shero.

Jona 2:6 ပူးပေါင်းရင်းမြစ်များ

Hiob 33:24

palle krell o bolepaskro peskro dji leske pre, un penell ap o Debleste: “Le les win, te hunte djal lo gar tele pash i mulende. Me hatsom leske i lowe, hoi les dran o merepen win ginenn.”

Hiob 33:28

Job las miro djipen win dran o merepen, te djap gar pash i mulende. Un me hom bachtelo te atchom djido.”

Debleskri gili 104:6

I panja tchakran lat har i ripen, un o pani his pral haki berga tardo.

Debleskri gili 104:8

un nashas i berge pral tele an i tala, jaake dur har tu penal.

Debleskri gili 116:3

O merepen pandas man an peskre shelle. Djinom buder gar dren un win, jaake baro his miri daar te hunte meroms un djoms pash i mulende.

Debleskri gili 143:7

Baro Dewel, shun man sik! Man hi buder kek soor. Ma khate tut mandar, te wap gar har kolla, kai hunte merenn.

Debleskri gili 16:10

Tu mukeh man gar an o merepen, un kameh gar, te merell miro mass tele an i phub.

Debleskri gili 18:5

O merepen pandas man an peskre shelle, un merepaskri daar djas pral mande har sorele panja.

Debleskri gili 30:3

Miro baro Dewel, har dom gole ap tute, kral tu man sasto.

Debleskri gili 30:9

Ap tute, baro Dewel, dom gole, ap tute, miro rai, rowom un penom:

Debleskri gili 55:23

Witse kowa, hoi tuke phares hi, ap o baro Debleste! Job hi kowa, kai lell tiro koowa an peskro wast. An kek tsiro mukell job koles te perell, kai an o tchatchepen tardo hi.

Debleskri gili 65:6

Tu rakreh mentsa dran baro koowa, hoi tu kreh an tiri soor un an tiro tchatchepen. Tu, Dewel, leh men win dran o tchilatchepen. Ap tute dikenn i menshe ap i tseli phub. Ninna kolla dikenn pal tute, kai djiwenn pash i bare panja, hoi jaake dur krik hi.

Debleskri gili 69:2

Le man win, mo Dewel! O pani djal mange bis pash i meen.

Jesaja 38:10

Me penom mange: Mashkral an miro djipen hunte merap un pash i mulende hunte djap. I bersha, hoi mange hunte wans, wan mange randedo!

Jesaja 38:17

Dik, kowa his mange mishto, te wom nasselo: An tiro kamlepen tserdal tu miro djipen win dran o merepen. I tseli doosh, hoi me ap mande anom, witsral tu pal tiro dumo.

Jesaja 40:12

Koon hi jaake baro, te nai lell lo i tsele panja an peskro wast? Koon nai tchiwell peskro wast ap o bolepen un penell, har buchlo kowa hi? Koon nai tchiwell i tseli tchik i phubjatar an i baro tcharo, te dikell lo har bud kowa hi? Un koon nai penell, har pharo i berge hi, un nai tchiwell len ap i waga? Kek mensho nai krell kowa!

Ezekiel 26:20

Un witsrau tut tele pash kolende an o mulengro them, pash kol menshende, kai meran glan i rah tsiro. Dur tella an i phub, pash kowa, hoi kol phure forjendar pral atchas, hoi tele djan, dau tut i platsa pash i mulende. Jaake nai djiwell buder kek an tute. Tu weh buder kek foro ap i phub, kai i djide djiwenn.

Ezekiel 31:14

An ko tsiro, hoi wella, well buder kek ruk jaake baro – bareder har i tsele wawar – te nai phurdell lo pes pre, ninna te hi lo pash o pani tardo. Kek ruk nai hadell pes pral i wawarende. Kol tsele ruka hunte merenn, un djan tele an o mulengro them, pash i wawar menshende, kai meran.

Habakuk 3:10

I berge dikan tut un trissan. Sorelo brishin peras tele dran o bolepen. O baro pani das bari gole. O kham bistras te djal lo pre.

Habakuk 3:6

Tchiwell job peskro piro ap i phub, palle trissell li. Lell job i wawar themma an o jak, trashenn i tsele menshe. Kol bare phure berge phagenn an kotja, un kol tikne phure berge perenn khetne, te nashell job – har an o phuro tsiro – pral i phub.

Mateo 16:18

Doleske penau tuke: Tiro lab hi kanna Petro. Kowa, hoi tu kate penal, hi har i sorelo bar, ap koleste tchiwau miro kheer. Un miro kheer hi kolla, kai patsenn ap mande. Un kek nashte lell len dran mire wasta win, ninna kek merepen.

5. Mose 32:22

Miri choli chatchell pre har i jag, un chatchrell i tseli phub, un halauter, hoi ap late bares was, un chatchell tele bis an o telstunepen, un well bis tele pash i berge.