Jona 1:4 - O Debleskro Drom 2021 (Sinte)

⁴ Kote mukas o baro Dewel i sorelo phurdepen pral o baro pani te well, hoi jaake sorelo his, te kamas ko shiffo khetne te phagell.

O Debleskro Lab 2024 (Sinte-Manouche)

⁴ Kote moukas o baro Devel i zorelo phourdepen pral o baro pani te vell, hoy yaake zorelo his, te kamas ko shiffo khetne te phagell.

Jona 1:4 ပူးပေါင်းရင်းမြစ်များ

Debleskri gili 135:6

Lauter, hoi job kamell te krell, krell lo an o bolepen un ap i phub, an o baro pani, un an o telstunepen.

Debleskri gili 135:7

Job mukell wolke pral i phub pre te djal, dell brishin ap i phub, ninna koi jag, hoi ap o bolepen pre un tele karje dell. Job anell o baro ducho win, hoi pral i phub phurdell.

Debleskri gili 148:8

jag, brishineskre barra, gib un jagakro ducho, un o sorelo phurdepen, hoi krell, hoi job penell.

2. Mose 10:13

Un o Mose hadas peskro kasht pral o them Egiptia. Kote mukas o baro Dewel ko tselo diwes un i tseli rat jek sorelo ducho pral o them te phurdell, hoi was katar, kai o kham pre djal. Un taissarlakro phurdas ko ducho i stepangre an o them.

2. Mose 10:19

Un o baro Dewel kras, te phurdas ko baro ducho kanna soreles katar, kai o kham tele djal. Un ko ducho hadas i stepangre pre un witsras len an o baro pani, hoi kharella ‘Baro Lolo Pani’. An o tselo them Egiptia atchas kek stepaskro pral.

2. Mose 14:21

Un o Mose hadas peskro wast pral o baro pani. Un o baro Dewel mukas i baro sorelo ducho pral o pani te phurdell, hoi was kotar, kai o kham pre djal. Ko ducho phurdas i tseli rat. Un o baro pani djas pale. Kote, kai pani his, hi kanna phub, hoi gar sapenes hi. Un o baro pani kras pes pre, te was i drom.

2. Mose 15:10

Tu phurdal tiro ducho, – un o baro pani tchakras len. Jon tassan un djan tele har saster an o baro pani.

Jeremia 51:16

Te dell job gole, well bud pani khetne an o bolepen; i wolke mukell job te well fun dural, un mukell jag pral un tele karje te dell an o brishin. Ninna o phurdepen well win dran peskro kheer.

Amos 4:13

O Dewel hi kowa, kai kras i berge, un mukell o phurdepen pral i phub te djal. Job sikrell i menshende, hoi kamell lo te krell. Job mukell o kham pre un tele te djal. Job hi o rai pral i tseli phub. Leskro lab hi: Baro Dewel, rai pral o bolepen un i phub.

4. Mose 11:31

Koi bitchras o baro Dewel i baro ducho pral o them, hoi was kotar, kai o baro pani hi, un anas pesse tchirklen peha, un mukas len ap i platsa te perell, jek diwes dur trul i platsa, jaake jek metari pral i phub.