Jona 1:3 - O Debleskro Drom 2021 (Sinte)

³ Un o Jona stas pre un kamas glan o baro Debleste an o foro Tarsis te nashell, un was tele an o foro Jafo. Un har lo i shiffo hatsas, hoi kamas pash o foro Tarsis te ulerell, das lo lowe koi, un stas dren, te nai ulerell lo lentsa pash o foro Tarsis, un te well lo glan o baro Debleskre jaka buder gar diklo.

O Debleskro Lab 2024 (Sinte-Manouche)

³ Oun o Yona stas pre oun kamas glan o baro Debleste an o foro Tarsis te nashell, oun vas tele an o foro Yafo. Oun har lo i shiffo hatsas, hoy kamas pash o foro Tarsis te oulerell, das lo love koy, oun stas dren, te nay oulerell lo lentsa pash o foro Tarsis, oun te vell lo glan o baro Debleskre yaka bouder gar diklo.

Jona 1:3 ပူးပေါင်းရင်းမြစ်များ

1. Mose 3:8

I rati, har buder gar tato his, shunan jon, kai djas o baro Dewel, maro rai, trujel an i baar. O rom un peskri romni khatran pen o Deblestar, maro rajestar, mashkral kol ruka an i baar.

1. Mose 4:16

Un o Kain djas peske o baro Deblestar. Un djas an ko them Nod wergel i baar Eden, ap koi rig, kai o kham pre djala.

1. Rajengro liil 19:3

Un har o Elija kowa shunas, tapras les i daar, un job nashas peske, te atchell lo djido. Jaake was lo an o foro Beersheba. Ko his i foro an o them Juda. Un kote mukas lo peskro budepaskres.

1. Rajengro liil 19:9

Kote djas lo an i grotta, un kamas pral i rati kate te sowell. Ap jek kopo shunas lo i rakepen. Un o baro Dewel putchas lestar: “Hoi kameh tu kate, Elija?”

2. Familjakro liil 2:15

Mer kate dah ruka tele ap o Libanon, jaake bud har tu kameh, un pandah len khetne un anah len tuke ap o baro pani an o foro Jaffa. Fun kotar nai mukeh len tu pral te anell an o foro Jerusalem.

2. Familjakro liil 2:16

Un o Salomo mukas win te hatsell, kitse wi-themarja an o them Israel hi. Glan i tsiro kras leskro dad, o David, kowa ninna. Kanna wan 153.600 (jek-sheel-pantch-deesh-te-triin-serja shob-sheel) mursha hatslo.

2. Familjakro liil 9:21

Un o rajes his bare shiffe. Kolla djan khetne kol shiffe o rajestar Hiram ap o baro pani bis pash Tarsis. Kalla wan jek kopo an triin bersha, un anan sonakai un rup, kutch parno dand, un affe un pfaue.

Esra 3:7

Un jon dan lowe kol murshen, kai budrenn i barrentsa un kol murshen, kai budrenn o kashtentsa. Ninna dan le chapen un pipen un djet kol murshen dran Sidon un Tirus, te nai anenn le Zedertikro kasht dran o Libanon pral o baro pani an ko foro Jafo. Kowa lauter kran le jaake har les lenge o Kirus, ko rai pral Persia penas.

Hiob 1:12

Kote penas o baro Dewel ap o beng: “Mishto! Halauter, hoi les hi, dau an tiro wast. Les kokres ma tape an!” Pal kowa djas o beng krik o baro Deblestar.

Hiob 2:7

Kote djas o beng win o baro Deblestar, un das o Hiobes i djungelo nasslepen ap peskro mass, hoi chandjras un dukas leske fun o shero bis tele pash i pire.

Debleskri gili 107:23

Wawar uleran ap i shiffe win ap o baro pani, te bikrenn un parenn le.

Jesaja 2:16

i tsele bare shiffe an o baro pani, un i tsele shukar bere.

Jesaja 23:1

Kate sikrell o Dewel, hoi pral o foro Tirus wella: “Tumer ap i shiffe, kai wenn khere dran Tarsis, rowenn! O foro Tirus hi khetne phagedo. Kek kheer atchas tardo.” Har wan le pash o them Kittim, shunan le kowa.

Jesaja 23:10

Tumer menshe an o them Tarsis, kanna hunte tchiwenn tumenge djob an i phub an tumaro them, jaake har krenn i hache pash o pani Nil. Kek shiffe wenn buder pash tumende dran Tirus.

Jesaja 23:6

Ulerenn wergel pash o them Tarsis! Rowenn un denn gole, tumer kai pash o baro pani djiwenn.

Jesaja 60:9

Ap mande dikenn i menshe wergel o baro pani. Un i shiffe, hoi wenna dran Tarsis, ulerenna glan win, te anenn le tire tchawen, hoi dur krik his, khere. Un lengro sonakai un rup anenn le peha, te sharenn le tiro baro Debles. Job kokres hi o Israeleskro tchatcho Dewel, un kowa, kai kras tut railo.

Jeremia 10:9

Jon hi kerdo menshendar, kai haiwenn mishto pengre wastentsa te budrell. Rupeno saster dran o them Tarsis un sonakai dran o foro Ufas tserdenn le pral kol figuren, un riwenn len an blaueto un lolo ripja.

Ezekiel 2:8

Un tu mensho, shun, hoi me tuke penau! Ab tu gar har kolla, kai kamenn lauter feteder te djinell! Kre tiro mui pre un cha kowa, hoi me tuke dau!

Ezekiel 27:12

Tu hals i brawelo foro. Bud koowa nai ginan le pash tute. O foro Tarsis ginas pash tute, un das tut koleske rup, saster, zinno un blaio.

Ezekiel 3:14

Un o ducho hadas man pre un las man krik. Un an mande his i bari choli. Kowa, hoi o baro Dewel mande sikras, his phares tchiddo ap mande.

Jona 1:10

Ninna penas lo lenge, kai job o baro Deblestar krik nashas. Kote trashan kol mursha budeder, un putchan lestar: “Hoske kral tu kowa?

Jona 4:2

Kote rakras lo ap o baro Debleste un penas: “Ach, baro Dewel, kowa hi, hoi penom an ko tsiro, har khere homs. Doleske kamom sik an o them Tarsis krik te nashell. Me djinom, kai tu i latcho Dewel hal, un tut i baro dji hi. Tu weh gar sik chojedo. Un tiro latchepen hi baro. Un koi bibacht, kolah i menshen trad deh, khaitell tut pal kowa.

Louka 9:62

Ap leste penas o Jesus: “Koon kamell o Debleske te budrell, un dikell ap wawar koowa, kowa budrella gar mishto o Debleske. Job hi har i hacho, kai budrell ap peskri kotar phub, un dikell pal peste. Leskri budi hi tchi moldo.”

Bičepangre 15:38

O Paulo penas ap o Barnabeste: “Kowa hi gar mishto, te las o Markes peha. Job mukas men an o them Pamfilia kokres, djas peske, un budras gar mentsa.”

Bičepangre 26:19

Doleske krom kowa, baro Agrippa, hoi ko rakepen dran o bolepen mange penas.

Bičepangre 9:36

An o foro Joppe djiwas i patsli. Lakro lab his Tabita ap hebretikes un Dorkas ap grichtikes. Koja kras bud latcho koowa, un das bud lowe kol tchorwelende.

Bičepangre 9:38

O foro Joppe his pash o foro Lidda tchiddo. Un har i patsle shunan, kai o Petro an ko foro his, bitchran jon dui murshen pash leste, un mangan les, te well job jaake sik har djala pash lende.

Bičepangre 9:42

Kowa shunan i tsele menshe an o foro Joppe, un bud wan patslo ap o rai Jesuseste.

Bičepangre 9:43

Un o Petro atchas bud diwessa an o foro Joppe pash ko mursheste, kai kharell Simon. Kowa his jek, kai budrell viechengre mortsi.

1. Korintarja 9:16

Me sikrau i menshende leskro drom gar, te wap sharedo. Na-a, me hunte rakrap lestar. Har bibachtelo woms, te kroms kowa gar!

2. Tessalonikarja 1:9

Kolla lenn i phagi: Jon djan hako tsireske nashedo, un nai wenn buder gar pash o Debleste, un dikenna gar leskro baro railepen

Josua 19:46

Me-Jarkon un Rakkon un ko kotar them trul o foro Jafo.