Jona 1:15 - O Debleskro Drom 2021 (Sinte)

¹⁵ Un jon lan o Jona un witsran les an o baro pani. Kote was ko baro pani ap jek kopo pokones un his buder gar diwjo.

O Debleskro Lab 2024 (Sinte-Manouche)

¹⁵ Oun yon lan o Yona oun vitsran les an o baro pani. Kote vas ko baro pani ap yek kopo pokones oun his bouder gar divyo.

Jona 1:15 ပူးပေါင်းရင်းမြစ်များ

2. Samuel 21:14

Un jon paskran len khetne i kokale o Saulestar un leskro tchawestar Jonatan an ko them Benjamin, an o gab Zela, an o mulengro kheer peskro dadestar Kish. Un jon kran lauter jaake har o baro rai David penas. Pal kowa his o baro Dewel pale kamlo ap ko them.

Debleskri gili 107:29

un kras, te phurdas o sorelo ducho buder gar. Un o pani tchiwas pes pale.

Debleskri gili 65:7

Tiri sorjah tchiwal tu i berge soreles ap i phub, un tchiwal tiri bari soor trul tute har i ripen.

Debleskri gili 89:9

Tu baro Dewel un rai pral o bolepen un i phub, koon hi jaake sorelo har tu? Koon rikrell jaake pash peskre menshende har tu?

Jona 3:9

Koon djinella? – Kowa, hoi o Dewel kamas te krell, nai khaitell les, un job mukell peskri choli gar pral mende te well, te meras gar halauter.”

Mateo 8:26

Koi penas lo: “Hoske trashenn tumer? Kai hi tumaro patsepen?” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o baro pani penas lo: “Muk tele!” Un o sorelo ducho phurdas buder gar, un o pani his buder gar diwjo.

Louka 8:24

Un jon djan pash leste, djangran les pre, un penan: “Sikepaskro, sikepaskro, ste pre, mer tassah!” Un job stas pre, un penas ap ko sorelo ducho, hoi phurdas pral o pani: “Atch kanna!” Un ap o diwjo pani penas lo: “Muk tele!” Un o sorelo ducho phurdas buder gar. Un o pani his buder gar diwjo, un das buder kek gole.