Johanni 9:5 - O Debleskro Drom 2021 (Sinte)

⁵ Jaake rah, har me ap kai phub hom, jaake rah hom me koi momeli i menshenge.”

O Debleskro Lab 2024 (Sinte-Manouche)

⁵ Yaake rah, har me ap kay phoub hom, yaake rah hom me koy momeli i menshenge.”

Johanni 9:5 ပူးပေါင်းရင်းမြစ်များ

Jesaja 49:6

Job penas: Kowa hi gar doha, te hal miro budepaskro, te tchiwess o them Israel pale pre, un aness kolen pale pash mande, kai o Jakobeskre tchawendar pral atchan. Na-a, me krau ninna, te wess i momeli i tsele natsjonenge, hoi sikrell halauterenge ap i phub, kai lau len dran o tchilatchepen win.

Mateo 4:16

Tumenge hi ko lab, hoi o Debleskro rakepaskro penas: Tumer djiwenna an i rati, un dikenna i bari momeli. Jaake har o kham pre djala, wella i momeli pash kolende, kai hi len traash o merepastar.

Mateo 5:14

Tumer han i momeli ap kai phub. Un i foro, hoi pral ap i berga hi, nai atchell gar khatedo.

Louka 2:32

Job hi har i momeli, te sikrell lo kolen tiro drom, kai prindjrenn tut gar. Koleske sharenn jon i menshen an Israel.”

Johanni 12:46

Me hom koi bari momeli, hoi was ap kai phub. Hakeno, koon ap mande patsella, atchell gar an i rati.

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Bičepangre 13:47

Kowa penas menge o Dewel: Me krom, te wenn tumer i momeli kol menshenge, kai hi gar bibolde. Penenn lenge, te lau me len dran o tchilatchepen un dran o merepen win!”

Bičepangre 26:18

Tu kress lenge i jaka pre, te wenn jon dran o tamlepen pash i momeli, te less len dran o bengeskro wast win, un te aness len pash o Debleste. Te patsenn le ap mande, palle lell o Dewel lengri doosh lendar krik. Un jon wenn o Debleskre tchawe, un djiwenn leha an o bolepen khetne lauterentsa, kai Debleskre tchawe hi.

Bičepangre 26:23

Kolla penan: Ko baro rai, koles o Dewel bitchrella, hunte lell bud duka ap peste, un hunte well maredo. Un job hi o ersto mensho, koles o Dewel i mulendar djido kras. Un job sikrell i biboldende un kolende, kai kek bibolde hi, i bari momeli, hoi anell len dran o tchilatchepen un o merepen win.

Efesarja 5:14

Un kowa, hoi diklo wella, atchell gar an o tamlepen. Doleske giwah mer an i gili: “Tu, kai soweh, ste pre! Ste i mulendar pre! Un o Kristo well tuke har i momeli.”

Debleskro tsiro 21:23

Pral o foro hi buder kek kham un kek tchon. O Debleskro railepen hi har o kham, un o terno bakro hi i momeli o foreske.