Johanni 8:9 - O Debleskro Drom 2021 (Sinte)

⁹ Har jon kowa shunan, djan le penge, jek pal o wawar. I phureder djan sikeder lendar, har kol wawar. Job atchas kokres koi romjah, kai kote tardo his.

O Debleskro Lab 2024 (Sinte-Manouche)

⁹ Har yon kova shounan, djan le penge, yek pal o vavar. I phoureder djan sikeder lendar, har kol vavar. Yob ačas kokres koy romyah, kay kote tardo his.

Johanni 8:9 ပူးပေါင်းရင်းမြစ်များ

1. Rajengro liil 17:18

Kote penas joi ap o Elija: “Hoske kral tu kowa mantsa, Debleskro mursh? Tu wal pash mande, te was miri doosh an o Debleskro shero. Doleske hunte meras miro tchawo.”

1. Rajengro liil 2:44

Un o baro rai penas dureder ap o Shimi: “Tu djineh an tiro dji ko tselo tchilatchepen, hoi kral miro dadeske, o Davideske. Kau tchilatchepen mukell o baro Dewel ap tiro shero te well.

Hiob 20:27

O bolepen rakrell win, hawi doosh job ap peste anas, un i phub hadell pes un penell: Tu hal tchilatcho.

Hiob 20:5

well koi bachteli gole kol tchilatchendar kokres i tikno tsiro shunlo. Un koi bacht kolestar, kai kamell tchi o Deblestar te djinell, djal sik trujel.

Debleskri gili 40:14

Baro Dewel, dik latches ap mande, un le man win dran o tchilatchepen! Ab sik ap miri rig!

Debleskri gili 50:21

Kowa kral tu, un me penom kek lab. Koi rikral tu man har jek, kai hi jaake har tu. Me sikrau tut koi doosh, hoi anal ap tute, un anau tuke tiro tchilatcho koowa glan tire jaka.

Debleskri gili 71:13

Mu wenn le tele witsedo un merenn, kolla, kai mange o tchilatchepen kamenn. Praassepen un ladj mu well ap kolende, kai kamenn miri bibacht.

Sikepaskro 7:22

Tu djineh, bud kope tchingral pral wawarende.

Louka 13:17

Har job kowa penas, ladjan lauter, kai chojedo ap leste his. Un kol bud wawar, kai kote tardo hi, his bachtelo pral ko tselo railo koowa, hoi o Jesus kras.

Johanni 8:10

Kanna hadas pes o Jesus pale pre, un putchas koi romjatar: “Hi kek koi, kai kamell, te less i phagi?”

Johanni 8:12

Pale rakras o Jesus i menshentsa un penas: “Me hom koi momeli i menshenge. Koon mange palla djala, djal gar an o tamlepen. Me hom koi momeli, kai o djipen della.”

Johanni 8:2

O wawar diwes taissarlake was job pale an o Debleskro baro kheer. Un i tsele menshe wan pash leste. Un job beshas pes tele, un penas lenge o Debleskro lab.

Johanni 8:3

Koi wan i tchatchepangre un i Farisarja. Kolla anan i romedini romjat pash leste. Koja was tapedo koi pashel, har joi i wawar mursheha khetne his. Jon tchiwan lat mashkral i menshende, jaake, kai dikell lat nai hakeno.

Johanni 8:8

Un pale tchiwas pes job glan tele, un tchinas pale an i phub.

Remarja 2:15

Jaake dikah, an lengre djia hi tchinlo, hoi o Dewel kamella. Te kran le o tchilatcho koowa, penell lenge lengro dji: Kowa his gar mishto, hoi kral. Te kran le latcho koowa, penell lenge lengro dji: Kowa his mishto, hoi kral.

Remarja 2:22

Tumer penenn: ‘Ma choche tiri romjat i wawar djuwjah!’ Un tumer krenn kowa. Tumer penenn: ‘Kowa hi gar mishto, te mangenn wawar koowa an har o Debles.’ Un tumer tchorenn ko koowa.

1. Johanni 3:20

Ninna te penell menge maro dji: “Tu djiwal gar jaake, har hunte wess,” palle hi o Dewel bareder har maro dji, un djinell lauter.