Johanni 8:6 - O Debleskro Drom 2021 (Sinte)

⁶ Kowa putchan le lestar, te nai taprenn le les an leskre laba, jaake te nai anenn le i doosh ap leste pre. O Jesus tchiwas pes glan tele, un tchinas o gushteha an i phub.

O Debleskro Lab 2024 (Sinte-Manouche)

⁶ Kova poučan le lestar, te nay taprenn le les an leskre laba, yaake te nay anenn le i doosh ap leste pre. O Yezous čivas pes glan tele, oun činas o goushteha an i phoub.

Johanni 8:6 ပူးပေါင်းရင်းမြစ်များ

1. Mose 49:9

Miro tchawo, tu hal sorelo har i terno lewo, kai hi tchalo o viechestar, hoi maras lo, un djal pale, kai lo khere hi, beshell pes un tchiwell pes tele. Un hakenes hi daar, te taprell lo les an.

Debleskri gili 39:1

I gili o rajeske pral i gipangre, o Jedutun. O David kras kai gili.

Gosewe laba 26:17

Kowa, kai pes dren mukell an i wawarengro tchingepen, kowa hi har jek, kai taprell i djukles pash i kanda.

Sikepaskro 3:7

Koi hi jek tsiro, kai krenn i menshe pengre koola paash, un jek wawar tsiro, kai siwenn le penge newe koola. Koi hi jek tsiro, kai rakrah gar, un i wawar tsiro, kai rakrah.

Jeremia 17:13

Tu, baro Dewel, hal kowa, ap koleste i Israelitarja dikenn. Pral halauterende, kai mukan tut, well ladj. Un kolla, kai djan tutar krik, kolengre laba wenn bistedo har te wans le tchinlo an i tchik. Jon mukan tut, o baro Debles, kowa, kai hi har i quella, dran kolate djido pani well.

Daniel 5:5

Ap jek kopo wan gushte diklo har i menshengro wastestar. Un kolla tchinan laba ap i parni massuri, hoi wergel i momelengri hi an o rajeskro kheer. Un o baro rai dikas ko wast, hoi kote tchinell.

Amos 5:10

Chojedo han tumer ap koleste, kai tumenge o tchatchepen penell, un tumende sikrell, kai kowa gar mishto hi, hoi kran.

Amos 5:13

An sau tchilatcho tsiro hi ko mensho gosewo, koon penell kek lab koi pral.

4. Mose 14:22

Kol tsele mursha, kai dikan miro railepen un ko baro un sorelo koowa, hoi krom an o them Egiptia un an o mulo tato them, un kaman bud kope gar te patsell, kai hom lentsa, un shunan gar ap kowa, hoi me penom,

Mateo 10:16

Djinenn, me bitchrau tumen har bakre mank i diwje djuklende. Doleske wenn gosewo har i sapa un djudjo har i parne tchirkle, an kolende kek chochepen hi!

Mateo 15:23

O Jesus penas tchi ap late. Koi wan peskre mala pash leste, un penan ap leste: “Joi dell sawi bari gole pal mende. Bitche lat tutar!”

Mateo 16:1

Un i Farisarja un i Sadduzarja wan pash o Jesuseste. Jon kaman te taprenn le les leskre labentsa un penan ap leste: “Kre menge i baro koowa, hoi sikrell mende, te well tiri soor o Deblestar!”

Mateo 19:3

Un i Farisarja wan pash leste, un kaman les leskre labentsa te taprell. Un jon putchan lestar: “Nai tradell i mursh peskri romjat pestar, ninna te kras li kek tchilatchepen?”

Mateo 22:18

O Jesus haiwas lengro tchilatchepen un penas ap lende: “Tumer rakrenn dui tchipjentsa. Hoske kamenn tumer man an mire laba te taprell?

Mateo 22:35

Un jek lendar, i biboldengro tchatchepaskro, kamas te taprell lo les an leskre laba un putchas lestar:

Mateo 26:63

O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Markus 10:2

Un i Farisarja wan pash leste, un kaman les leskre labentsa te taprell. Un jon putchan lestar: “Nai mukell i mursh peskri romjat pal maro tchatchepen?”

Markus 12:15

Job haiwas, te rakran le dui tchipjentsa, un penas ap lende: “Hoske kamenn tumer man mire labentsa te taprell? Anenn mange i rupeni bema, te dikap lat!”

Markus 3:2

Un jon dikan ap leste, un putchan pendar: “Krell lo kanna kau murshes ap o Debleskro diwes sasto?” Jon rodan tchomone, te nai anenn le les glan i tchatchepangre.

Markus 8:11

Un i Farisarja wan win pash leste, te rakrenn le leha. Jon kaman te taprenn le les leskre labentsa un penan ap leste: “Kre menge i baro koowa, hoi sikrell men, te well tiri soor o Deblestar!”

Louka 10:25

His i diwes, koi was i biboldengro tchatchepaskro pash o Jesuseste. Un kowa putchas lestar tchomone, te djinell lo, har gosewo o Jesus hi. Un job putchas lestar: “Sikepaskro, hoi hunte krap me, te lap o djipen, hoi gar pre-herella?”

Louka 11:16

Wawar kaman lestar i baro Debleskro koowa te dikell, te sikrell lo, kai o Dewel les bitchras.

Johanni 8:2

O wawar diwes taissarlake was job pale an o Debleskro baro kheer. Un i tsele menshe wan pash leste. Un job beshas pes tele, un penas lenge o Debleskro lab.

1. Korintarja 10:9

Ma choirenn o Jesus Kristes, har kolla an o phuro tsiro o Debles choiran, har kran le, har te wals les kek soor. Un i sapa dandran len. Un jon meran.