Johanni 8:54 - O Debleskro Drom 2021 (Sinte)

⁵⁴ Penas o Jesus: “Te sharoms me man, wals kowa tchi moldo. Miro dad hi kowa, kai sharell man. Kolestar penenn tumer: Job hi maro Dewel.

O Debleskro Lab 2024 (Sinte-Manouche)

⁵⁴ Penas o Yezous: “Te sharoms me man, vals kova či moldo. Miro dad hi kova, kay sharell man. Kolestar penenn t'mer: Yob hi maro Devel.

Johanni 8:54 ပူးပေါင်းရင်းမြစ်များ

Gosewe laba 25:27

Bud gwin hi gar mishto. Jaake hi ninna, te shareh tu i wawares bud shukar labentsa.

Jesaja 66:5

Shunenn, hoi o baro Dewel penell, tumer, kai glan leskro lab darenna. Tumer rikrenn pash mande, doleske choirenn pen tumare phrala pral tumende, un tchiwenn tumen pale, un praassenn tumen un penenn: Mu sikrell o baro Dewel peskro barepen un peskri soor, te dikas mer, har job tumen bachteles krell! Kolla hunte ladjenn pen palle.

Hosea 1:9

Un o Dewel penas: De les ko lab Lo-Ammi! I menshe an Israel hi gar mire menshe, un me hom gar lengro Dewel.

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Johanni 17:5

Un kanna, tata, de man ko railepen un koi soor, hoi his man pash tute, har o bolepen un i phub gar koi his!

Johanni 2:11

Kowa his o ersto kopo, kai kras o Jesus i baro koowa an o Debleskri soor. Kowa kras lo an o gab Kana an o them Galilea. Kote sikras job peskro railepen un peskri soor. Un leskre mala patsan ap leste.

Johanni 5:41

Hi mange tchi moldo, te wap sharedo i menshendar.

Johanni 7:18

Koon pral peste mishto rakrella, kowa kamella, te well job sharedo. Koon kamella, te well kowa sharedo, kai bitchras les, kowa hi tchatcho. Un an leste hi kek tchilatchepen.

Johanni 7:39

Job penas kowa pral o Debleskro Ducho, hoi kolla lenna, kai ap leste patsenna. O Debleskro Ducho his gomme gar koi. Ap ko tsiro his o Jesus gomme gar pash o Debleste an o bolepen, te bitchras lo les ap lende.

Johanni 8:41

Tumer krenn kowa, hoi tumaro dad ninna kras.” Penan jon ap leste: “Mari dai hi kek lubni. Men hi jek dad. Kowa hi o Dewel.”

Johanni 8:50

Me kamau gar, te sharenn man i menshe. Kowa hi o Dewel, kai kamella, te wap me sharedo. Job rakrell i phagi pral tumende win.

Bičepangre 3:13

Na-a! O Dewel o Abrahamestar, un o Isaakestar un o Jakobestar, ko Dewel mare dadendar sikras tumende kate, hawi bari soor un railepen job peskro budepaskres, o Jesuses, das. Koles dan tumer an o Pilateskre wasta, un dan les buchoste, har o Pilato kamas les te djal mukell.

2. Korintarja 10:18

Kowa mensho kras peskri budi mishto, kones maro rai Jesus sharell. Un gar kowa kras peskri budi mishto, kai pes kokres sharell.

1. Petro 1:12

Kol Debleskre rakepangre haiwan, kai kowa gar lenge kokres hi, hoi len o Dewel sikras. Kowa hi tumenge, kai kanna djiwenna. Tumenge was o latcho lab o Jesus Kristestar penlo. Kolla, kai penan les tumenge, rakran kowa, hoi penas lenge o Debleskro Ducho. Koles bitchras o Dewel dran o bolepen. Ninna i bolepangre kamenn o Jesuseskro railepen te dikell.

1. Petro 1:21

Job anas tumen ap o Debleskro drom. O Dewel kras les i mulendar djido, un das les peskro railepen. Doleske tchiwenn tumaro tselo patsepen ap leste!

2. Petro 1:17

O Dewel, leskro dad, das les peskro baro railepen un sharas les, har job dran o bolepen ap leste penas: “Kawa hi miro tchawo, koles me o djijestar kamau. Job krell man bachtelo.”