Johanni 8:34 - O Debleskro Drom 2021 (Sinte)

³⁴ Penas o Jesus: “Tchatchepah, me penau tumenge: Koon o tchilatchepen krella, hi pandlo ap o tchilatchepen.

O Debleskro Lab 2024 (Sinte-Manouche)

³⁴ Penas o Yezous: “Čačepah, me penau t'menge: Koon o čilačepen krella, hi pandlo ap o čilačepen.

Johanni 8:34 ပူးပေါင်းရင်းမြစ်များ

1. Rajengro liil 21:25

Tchatchepah, kek his koi har o Ahab, kai bikras pes, te krell lo o tchilatchepen glan i jaka o baro Deblestar. Un leskri romni, i Isebel, his koja, kai anas les ap kau tchilatcho drom.

Gosewe laba 5:22

O tchilatcho koowa pandell koles, kai kowa krella. Leskri doosh hi har shelle, hoi les pandenn.

Mateo 5:18

Tchatchepah, me penau tumenge: Jaake rah har o bolepen un i phub atchenna, jaake rah well tchi krik lino kol labendar, hoi o Mose un kol Debleskre rakepangre penan. Witar gar o tikneder lab well krik lino jaake rah, bis te well lauter tchatcho, hoi glan i rah tsiro penlo was.

Johanni 3:3

Penas o Jesus ap leste: “Tchatchepah, me penau tuke: Kowa, kai well gar o Deblestar newes boldo, nai djiwell gar leha khetne.”

Bičepangre 8:23

Me dikau, kai hal pherdo tchilatcho koowa, un ko tchilatchepen hi o rai pral tute.”

Remarja 6:12

Mukenn gar o tchilatchepen o rai pral tumende te well! Tumer djinenn, kai well o diwes, kai hunte merenn. Ma krenn ko djungelo koowa, hoi an tumaro dji hi!

Remarja 6:16

Tumer djinenna: Koon tumaro rai hi, ap koleste hunte shunenn. Koleskre budepangre han tumer. Te shunenn tumer ap o tchilatchepen, palle hi o tchilatchepen o rai pral tumende, un tumer merenna. Te shunenn tumer ap o Debleste, palle krell lo tumen tchatcho.

Remarja 6:6

Mer djinah, maro phuro djipen was leha ap o trushel dino un meras, te well o tchilatchepen buder gar o rai pral mende.

Remarja 7:14

Mer djinah, o Moseskre laba wenna o Deblestar. Ninna djinah, mer ham menshe un pandlo ap o tchilatchepen.

Remarja 7:25

O Dewel well sharedo! Maro rai, o Jesus Kristo, kras kowa! Pral miro dji hi o Dewel o rai, un me hom leske koi. Un pral miro mass hi o tchilatchepen o rai.

Remarja 8:21

kai hunte merenn le buder gar un wenn jaake newo un railo har o Debleskre tchawe newo un railo wenna.

Efesarja 2:2

Tumer djan ap o tchilatcho drom, jaake har i wawar menshe, un shunan ap o bengeste. Kowa hi o rai pral i tchilatche sorja mashkral o bolepen un i phub. Un job budrell an i djia kolendar, kai shunenn gar ap o Debleste.

Tito 3:3

Glan ko tsiro, kai hams gar patslo, hams ninna sawe menshe, kai prindjran o tchatchepen gar. Mer shunam gar ap o Debleste, un djam gar ap leskro drom. Hams pandlo ap djungelo koowa, hams tchilatcho un dikam tchilatche jakentsa ap kowa, hoi i wawaren his. Hams tchilatcho un chojemen ap i wawarende, un jon ap mende.

2. Petro 2:19

Kolenge penenn le, te nai krenn jon, hoi jon kamenna. Kol chochene sikepangre hi pandlo ap o tchilatchepen, hoi krell lengro djipen paash. I mensho hi pandlo ap kowa, hoi sorleder hi har job.