Johanni 8:32 - O Debleskro Drom 2021 (Sinte)

³² Un tumer prindjrenna o tchatchepen. Un o tchatchepen krella, te han buder gar pandlo.”

O Debleskro Lab 2024 (Sinte-Manouche)

³² Oun t'mer prindjrenna o čačepen. Oun o čačepen krella, te han bouder gar pandlo.”

Johanni 8:32 ပူးပေါင်းရင်းမြစ်များ

Debleskri gili 119:45

Hoi tu mange penal, krau me. Doleske djau bachteles miro drom.

Debleskri gili 25:5

Sike mande, har te djiwap miro djipen an tiro tchatchepen! Tu hal miro Dewel, kai rikrell man! Hako diwes dikau ap tute.

Gosewe laba 1:23

Te shunans ap mande, har dom tumen trad, sikroms tumende, hoi an miro dji hi, un mukoms tumen mire laba te haiwell.

Gosewe laba 1:29

Jon kaman o tchatchepen gar te djinell, un gar o baro Debleha te djiwell.

Gosewe laba 4:18

O drom kolendar, kai o tchatchepen krenn, hi har o kham, hoi taissarlakro pre djal, un o diwes anell un sorleder well bis te hi lo pralstunes tardo.

Jesaja 2:3

un penenn: “Awenn, te djas pre ap i berga o baro Deblestar, pash o kheer o Jakobeskro Deblestar, te sikrell lo men peskre dromma, te djinas, hoi lo mendar kamell.” O baro Debleskre laba djan win dran Zion. Dran o foro Jerusalem rakrell lo i menshentsa.

Jesaja 30:21

Te kamenn ap i tchatchi oder ap i serwi rig leskro dromestar tele te djal, palle shunenn tumare kanda i rakepen, hoi pal tumende rakrell: Kawa hi o drom, kowa djan!

Jesaja 35:8

Un kote hi palle i drom, hoi kharell ‘Debleskro drom’. Kek, kai pale-tchiddo glan o Debleste hi, nai djal ap leste. Kokres o Debleskre menshe djan ap leste. Kek, kai djal ap ko drom, nashrell pes, witar kek, kai gar bud haiwell.

Jesaja 54:13

O baro Dewel sikrell peskro drom tire tsele tchawende, un lenge djal mishto.

Jesaja 61:1

O baro Debleskro ducho hi ap mande. O baro Dewel rodas man win un bitchras man, te penap i tchorwelenge o latcho lab. te krap i phagede djia sasto, te penap i pandlen, te hi le buder gar pandlo, un penap i stilden, te nai djan le win dran o stilepen.

Jeremia 6:16

O baro Dewel penas lenge: Atchenn tardo ap ko drom, kai tumer djan! Dikenn un putchenn pal i phure dromma! Hatsenn win, hawo drom anell tumenge latchepen! Un djan kau drom! Palle well shukapen an tumare djia. Jon penan: Kowa kamah mer gar te krell.

Hosea 6:3

Mer te das jak koi pre o tselo djijestar, te prindjras o baro Debles! Job wella! Kowa hi jaake tchatcho, har o kham hako diwes pre djala. Job wella, har i brishin pash mende wella, awa, har i brishin pal o wend i phub sapenes krella.

3. Mose 25:41

Palle mukess les tu pale djal, ninna leskre tchawe leha, te nai djan le pale pash lengre menshende un pash lengro kotar phub, hoi jon lengre phurendar lan.

Mateo 11:29

Me hom tumenge i latcho rai, un dikau ap kekeste tele. Shunenn ap mande un krenn, hoi me tumenge penaua! Un tumaro dji well pale sorelo.

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 16:13

Te well o Debleskro Ducho, kai o tchatchepen an leste hi, sikrell lo tumende o tselo tchatchepen. Job rakrell gar dran peste. Hoi job shunella, kowa rakrell job. Un hoi wella, penell job tumenge glan-wi.

Johanni 17:17

Muk len tiro tchatchepen te dikell, te djiwenn le pengro tselo djipen tuke kokres! Tiro lab hi o tchatchepen.

Johanni 6:45

An o Debleskro lab tchinan kol Debleskre rakepangre: O Dewel hi o sikepaskro halauterenge. Hakeno, koon ap o dadeste shunella un krell, hoi job kamella, well pash mande.

Johanni 7:17

Koon kowa krella, hoi o Dewel kamella, kowa haiwella, kai mire laba o Deblestar wenna, un gar mandar.

Johanni 8:36

Te krell o Debleskro tchawo, kai han buder gar pandlo, jaake han tchatchepah buder gar pandlo.

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Remarja 8:2

Un o Debleskro Ducho, koles o Jesus Kristo men das, hi kanna o rai pral mende. Un kowa dell men o djipen un lell men win dran o tchilatchepen un o merepen.

1. Korintarja 7:22

Koon i pandlo budepaskro his ap ko tsiro, har o Jesus Kristo les gole das, kowa hi glan leste buder kek pandlo budepaskro. Un koon kek pandlo budepaskro his ap ko tsiro, har o Jesus Kristo les gole das, kowa hi kanna o Jesus Kristeskro budepaskro.

Galatarja 5:1

O Jesus Kristo las men win dran hako koowa, ap kowa pandlo hams. Atchenn soreles un mukenn tumen buder gar te pandell!

Galatarja 5:13

Mire phrala, o Dewel das tumen gole, te djiwenn i djipen, kai han buder gar pandlo ap tchomone. Kal labentsa penau gar, te krenn tumer nai, hoi kamenna, un djiwenn nai tumaro phuro djipen. Na-a, awenn jek o wawareske koi! Krenn kowa dran o kamlepen!

2. Timoteo 3:7

Kalla djuwja kamenn hako tsiro newo koowa te shunell un haiwenn gar, hoi o tchatchepen hi.

Jakobo 1:25

Koon dikell pale un pale an o Debleskro latcho lab, hoi i menshen win lella dran lengro phuro djipen, ko mensho bistrell gar, hoi job dikas un shunas. Un kowa krella, hoi ko lab penella. Koles dell o Dewel peskri bacht an lauter, hoi job krella.

Jakobo 2:12

Rakrenn un djiwenn pal o Debleskro tchatchepen! Kau tchatchepen lell i menshen dran kowa win, hoi len pandas.

1. Petro 2:16

Tumer han buder gar pandlo ap o tchilatchepen. Doleske penenn gar: “Mer nai krah halauter, hoi kamah.” Un pal sawo rakepen khatrenn tumer tumaro tchilatchepen. Ma bistrenn, kai han pandlo ap o Debleste!

2. Johanni 1:1

Me, i phureder, tchinau ap koi rajetsa, kolat o Dewel peske win rodas, un ap lakre tchawende. Me kamau tumen o tselo djijestar, un gar me kokres, ninna kol wawar, kai prindjrenn o tchatchepen, kamenn tumen o djijestar.