Johanni 7:7 - O Debleskro Drom 2021 (Sinte)

⁷ I menshe hi gar tchilatcho ap tumende. Ap mande hi le tchilatcho. Me penom lenge, kai kowa, hoi jon krenna, tchilatcho hi.

O Debleskro Lab 2024 (Sinte-Manouche)

⁷ I menshe hi gar čilačo ap t'mende. Ap mande hi le čilačo. Me penom lenge, kay kova, hoy yon krenna, čilačo hi.

Johanni 7:7 ပူးပေါင်းရင်းမြစ်များ

1. Rajengro liil 21:20

Kote penas o Ahab ap o Elija: “Hatsal man pale, tu, kai kameh mange tchilatchepen?” Kote penas lo: “Awa, me hatsom tut! Tu bikral tut, te kress kowa, hoi glan i jaka o baro Deblestar tchilatcho hi.

1. Rajengro liil 22:8

O baro rai pral Israel penas ap o Josafat: “Kate hi gomme jek mursh, o Micha, koleskro dad o Jimla hi, kowa nai putchell menge o baro Deblestar. Man hi i choli ap leste. Hako kopo, kai penas lo mange tchomone glan-wi, his les kek latcho lab mange, kokres djungele laba his les mange.” O Josafat penas pale pale: “Tu, o baro rai, hunte rakress gar jaake!”

Debleskri gili 109:5

Har homs lenge latcho, dan le man tchilatchepen pale. Har sikrom len miro kamlepen, dikan le tchilatche jakentsa ap mande.

Gosewe laba 15:12

O pre-phurdo choirell pes pral koleste, kai leske penell, hoi lo gar mishto kras. Un job djal gar pash kolende, kai gosewo hi.

Gosewe laba 8:36

Kowa, kai gar pash mande well, krell peskro djipen paash. Hakeno, kai kamell tchi mandar te djinell, hi ap o drom, hoi anell an o merepen.

Jesaja 29:21

kolla, kai chochepah doosh ap i wawarende anan, un chochenn i tchatchepangre murshen, un anenn len pengre chochene labentsa jaake dur, te denn le kek tchatchepen koleste, kai kek doosh ap leste hi.

Jesaja 49:7

O baro Dewel, kowa, kai o Israel dran o tchilatchepen win lell, un kokres leskro Dewel hi, job penell koleske, kai i menshe tele dikenn ap leste, un koles i menshe dran bud themma gar kamenna, un lengre raja lestar pengro budepaskro krenn, ap koleste penell o baro Dewel: Bare raja dikenn tut, un stenn pre glan tute. Un pralstune dikenn tut un witsrenn pen ap i phub glan tute, Jon dikan, kai rikrau pash tute, me, o Israeleskro Dewel, kai tut win rodom.

Jeremia 20:8

Hako kopo, te rakrau, hoi tu mange penal, hunte dap gole: Marepen un dukepen! Doleske san le pral mande hako diwes un taprenn pen ap o shero.

3. Mose 13:10

Te dikell ko rashai palle, te hi ko dukepen parno un pesso, un i balla an ko dukepen wan parno, un ko dukepen hi pre un lolo,

Zakarie 11:8

Un an jek tchon krom me, te hunte djan penge kol triin wawar bakrengre. Me nai dikom len buder gar glan i jaka. Un jon his chojedo ap mande.

Maleachi 3:5

Un me kamau pash tumende te well, te wap tumaro tchatchepaskro rai. Un mange nai patsenna, me rakrau o tchatchepen win pral i menshende, kai hadenn man gar: kolla, kai durkrenna, kol mursha, kai chochran pengri romjat, un kol djuwja, kai chochran pengri romes, kolla, kai phagenn pengri sowel, un kolla, kai djan djungeles kolentsa trujel, kai budrenn lenge, un kolla, kai chochenn kol djuwjen, kolengro rom meras, un kolla, kai chochenn kol tchawen, kolen buder kek dad hi, un kolla, kai rikrenn kol wi-themarjen tele, kai djiwenn mashkral tumende. Ko penell o baro Dewel, ko rai pral o bolepen un i phub.

Louka 6:26

Bibacht well ap tumende, te rakrenn i tsele menshe tumendar latches. Kolengre phure rakran ninna latches pral i chochene rakepangre, kai penan, te wan le o Deblestar, un wan gar lestar.

Johanni 17:14

Me penom lenge tire laba. Jon hi gar kai phubjatar, jaake har me hom witar gar kai phubjatar. Doleske hi i menshe ap kai phub chojemen ap lende.

Johanni 3:19

O Debleskri bari momeli was ap kai phub. Un kol menshe, kai krenn o tchilatchepen, kaman o tamlepen budeder har koi momeli. Doleske hi i phagi pral lende wi-rakedo.

Remarja 8:7

Koon kamell jaake te djiwell, har job kamella, kowa kamell gar o Debles. Job shunell gar ap kowa, hoi o Dewel penella. Job nai krell les witar gar.

Galatarja 4:16

Kanna, kai penau tumenge o tchatchepen, han tumer tchilatcho ap mande?

Jakobo 4:4

Tumer chochran un mukan o Debles! Djinenn tumer gar, kai kolla, kai tchiwenn pengre djia ap i phubjakro koowa, kolla hi gar o Debleskre mala? Koon kamell ko drom te djal, hoi i menshe ap kai phub djana, kowa kamell o Debles gar.

1. Johanni 4:5

I chochene rakepangre hi menshe kai phubjatar. Doleske rakrenn le har i menshe, kai prindjrenn o Debles gar. Un i menshe shunenn ap lende.