Johanni 7:6 - O Debleskro Drom 2021 (Sinte)

⁶ Koi penas o Jesus ap lende: “O tsiro hi mange kanna gar kai, te djap kote. Tumer nai djan hako tsiro koi.

O Debleskro Lab 2024 (Sinte-Manouche)

⁶ Koy penas o Yezous ap lende: “O tsiro hi mange kanna gar kay, te djap kote. T'mer nay djan hako tsiro koy.

Johanni 7:6 ပူးပေါင်းရင်းမြစ်များ

Debleskri gili 102:13

Tu, baro Dewel, atcheh hake tsirenge, tut denn le an-gole an ko tsiro, hoi wella.

Mateo 26:18

Koi penas job lenge, pash hawo mursheste an o foro Jerusalem jon hunte djan. “Koleske penenn”, penas job, “maro sikepaskro penell tuke: Miro tsiro hi kanna kai. Pash tute kamau te chal o chapen mire malentsa.”

Johanni 13:1

His o diwes glan kol bare diwessa, kai kharenna Passa. O Jesus djinas, kai leskro tsiro was, te mukell lo i phub, te djal lo pale pash peskro dadeste. O tselo tsiro kamas lo kolen o djijestar, kai leskre his. Un job mukas gar tele, te kamell lo len.

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Johanni 2:4

“Romnija,” penas o Jesus, “hoi me hunte krap, hi miro koowa un gar tiro koowa. O tsiro hi mange kanna gar koi.”

Johanni 7:30

Koi kaman jon les te taprell. Un kek nai hadas o wast ap leste. O tsiro his leske kanna gar koi, kai well job tapedo.

Johanni 7:8

Djan tumer ap o festo! Me djau gar peha. O tsiro hi mange kanna gar kai.”

Johanni 8:20

Har job kawa penas, his job an o Debleskro baro kheer, kote, kai i pirja tardo his, kai i menshe lowe o Debleske dren tchiwan. Kote penas job i menshenge o Debleskro lab. Un kek tapras les. I tsiro his leske kanna gar koi.

Bičepangre 1:7

Koi penas o Jesus: “O tsiro, kai o dad kowa krella, hi leskro koowa. Tumer hunte djinenn kowa gar.