Johanni 7:27 - O Debleskro Drom 2021 (Sinte)

²⁷ Mer djinah, dran hawo foro ko mursh wella. Te well ko baro rai, kolestar o Dewel penas, te well job, djinell kek dran hawo foro job wella.”

O Debleskro Lab 2024 (Sinte-Manouche)

²⁷ Mer djinah, dran havo foro ko morsh vella. Te vell ko baro ray, kolestar o Devel penas, te vell yob, djinell kek dran havo foro yob vella.”

Johanni 7:27 ပူးပေါင်းရင်းမြစ်များ

Jesaja 11:1

Jaake har well i tikno newo kasht dran i tele dino ruk, un i newo tikno ruk mank leskre draba win, jaake well i newo baro rai dran o Davideskro kheer.

Jesaja 53:8

Job was stildo un glan i tchatchepangre anlo un krik lino, te well lo maredo. Un kek nai rakrell leskre tchawendar, kai pal leste wenna. I doshake mire menshendar was job win tserdedo dran o them, kai i djide djiwenn.

Jeremia 23:5

Ko diwes wella, penell o baro Dewel, kai mukau dran o Davideskri familja i mursh bares te well. Kowa hi an o tchatchepen tardo. Job well i latcho baro rai, un rikrell pes ap o Debleskro tchatchepen, un krell hoi mishto un tchatcho hi an o them.

Jeremia 30:21

Un lengro rai well dran lende. Awa, lengro pralstuno hi jek lendar. Me mukau les glan mande te well. Kek nai well glan mande un atchell djido, te mukau les gar. Kowa penell o baro Dewel.

Micha 5:2

Jek tsiro dell o baro Dewel peskre menshen an i wasta wawar menshendar, bis te well ko diwes, kai anell i djuwel ko tchawes ab i phub. Palle wenn leskre phrala, kai pral atchan, pale an pengro them pash i wawar Israelitarja.

Markus 6:3

“Hi kowa gar ko mursh, kai budrell i kashtentsa? Hi leskri dai gar i Maria? Hi leskre phrala gar o Jakobo, o Josef, o Simon, un o Judas? Un ninna leskre phenja djiwenn pash mende.” Un jon choiran pen pral leste.

Louka 4:22

Lauter rakran lestar mishto, un leskro rakepen his lenge pherdo latchepen. Un jon kran bare jaka. Un jon penan: “Hi kawa gar o Josefeskro tchawo?”

Johanni 6:42

“Hi kowa gar o Jesus, ko Josefeskro tchawo?” penan jon. “Mer prindjrah leskro dades un leskri da. Har nai penell lo: Me wom dran o bolepen?”

Johanni 7:15

Koi kran i pralstune bibolde bare jaka, un penan: “Har nai djinell job jaake bud? Kek anas leske kowa pashel.”

Johanni 9:29

Mer djinah, kai o Dewel o Moseha rakras. Konestar kawa wella, djinah mer gar.”

Bičepangre 8:33

Jon kran leha, har te wals lo tchi moldo un rakran gar o tchatchepen, har anan le les glan i tchatchepangre. Kek nai rakrell leskre tchawendar. Leskro djipen was kai phubjatar krik lino.