Johanni 7:24 - O Debleskro Drom 2021 (Sinte)

²⁴ Tumer te penenn, kai i mensho i doosh ap peste anas, palle djan pal o tchatchepen un gar pal kowa, hoi dikenn tumare jakentsa!”

O Debleskro Lab 2024 (Sinte-Manouche)

²⁴ T'mer te penenn, kay i mensho i doosh ap peste anas, palle djan pal o čačepen oun gar pal kova, hoy dikenn t'mare yakentsa!”

Johanni 7:24 ပူးပေါင်းရင်းမြစ်များ

Debleskri gili 82:2

“Har rah djan tumer gar pal o tchatchepen? Har rah denn tumer koleste peskro tchatchepen, koles gar tchatcho hi?

Gosewe laba 17:15

Kowa hi dui kope i djungelo koowa glan o baro Debleskre jaka: te rakrell jek koles tchatches, kai doosh ap peste las, un ninna, te tchiwell jek doosh ap koleste, kai o tchatchepen kras.

Gosewe laba 24:23

Ninna kolla hi laba, hoi i gosewe penan: Kowa hi gar mishto, te dikenn i tchatchepangre mursha jekes feteder an har o wawares.

Jesaja 5:23

Djungeles djal kolenge, kai i lowenge koles an o tchatchepen tchiwenn, kai doosh ap peste anas, un kolenge lengro tchatchepen krik lenn, kai an o tchatchepen tardo hi.

3. Mose 19:15

Te well o tchatchepen win kerdo, palle de koles peskro tchatchepen, koles tchatcho hi! Ma tserde koles glan, kai tchorwelo hi, witar gar koles, kai brawelo hi. Hakeno hunte lell peskro tchatchepen.

Zakarie 7:9

Me, o baro Dewel, ko rai pral o bolepen un i phub, penom glan bud bersha mire menshenge: “Tumer hunte denn jak, te well o tchatchepen kerdo. Un hakeno hunte krell peskro dji pre peskro phraleske un well leske latches.

Johanni 7:25

Koi penan kolla, kai hi dran o foro Jerusalem: “Hi kowa gar ko mursh, kai kaman le les te marell?

Johanni 8:15

Tumer dikenn i menshes tumare jakentsa, un penenn: Kowa anas doosh ap peste! Me krau kowa gar.

2. Korintarja 10:7

Haiwenn, har kowa hi! Jek, kai penell: O Jesus Kristo hi leskro rai, kowa hunte dikell ninna, te hi o Jesus Kristo ninna miro rai.

Jakobo 2:1

Mire phrala, tumer patsenn ap maro rajeste, o Jesus Kristeste. Job hi o rai pral i tsele rajende. Doleske, ma dikenn ap i menshende, koon jon hi, un har brawelo jon hi!

Jakobo 2:4

Kowa wals jaake, har te penans: “Ko railo hi feteder har ko tchorwelo.” Te dikenn tumer jaake ap tumare phralende, hi kowa tchilatcho.

Jakobo 2:9

Tumer te dikenn ap jekeste, koon job hi un har brawelo job hi, palle lenn tumer doosh ap tumende. Un o Debleskro lab penell tumenge, kai mukan tumer o Debleskro drom.