Johanni 7:23 - O Debleskro Drom 2021 (Sinte)

²³ Tumer tchinenn tumare tchawen ap o mass ap o Debleskro diwes, te well rikedo, hoi o Mose tchinas an peskre lila. Hoske han tumer jaake chojedo ap mande, kai krom i tselo menshes sasto ap o Debleskro diwes?

O Debleskro Lab 2024 (Sinte-Manouche)

²³ T'mer činenn t'mare čaven ap o mass ap o Debleskro dives, te vell rikedo, hoy o Mose činas an peskre lila. Hoske han t'mer yaake rhoyedo ap mande, kay krom i tselo menshes sasto ap o Debleskro dives?

Johanni 7:23 ပူးပေါင်းရင်းမြစ်များ

2. Mose 31:14

Rikrenn o Debleskro diwes tumenge! Koon les gar rikrella, well temerl dino. Awa, hakeno, hoi ap o Debleskro diwes budrella, hunte djiwell buder gar mank peskre menshende.

Mateo 12:10

Koi his i mursh, koles his i bango wast. Jon kaman i doosh ap o Jesuseste pre te anell, te anenn le les nai glan i tchatchepangre. Doleske putchan le lestar: “Nai krah mer jekes ap o Debleskro diwes sasto?”

Mateo 12:2

Kowa dikan i Farisarja un penan ap o Jesuseste: “Dik, tire mala krenn ap o Debleskro diwes, hoi hi gar pal o biboldengro tchatchepen.”

Mateo 12:5

Un tumer djinenn ninna, hoi an o Moseskre lila tardo hi, te krenn i rashaja ap o Debleskro diwes pengri budi an o Debleskro baro kheer. Un jaake krenn le o Debleskro diwes praassedo. Ninna te krenn le kowa, anenn le kek doosh ap pende.

Johanni 5:10

Dran kowa penan kol pralstune bibolde ap koleste, kai sasto was: “Kau diwes hi o Debleskro diwes. Kau diwes hidjress tu tiro tchiben gar!”

Johanni 7:21

Penas o Jesus: “Jek baro koowa krom me pash tumende an o foro Jerusalem. Un tumer han chojedo pral kowa.

Johanni 9:16

Kote his Farisarja, kai penan: “Kau mursh was gar o Deblestar. Job budrell ap o Debleskro diwes.” Wawar penan: “Har nai krell i tchilatcho mursh sawo baro koowa?” Un mashkral lende djas o tchingepen.