Johanni 7:19 - O Debleskro Drom 2021 (Sinte)

¹⁹ O Mose das tumen i lila, kai tchinlo hi, har tumer hunte djiwenna. Kek tumendar djiwell jaake. Hoske kamenn tumer man te marell?”

O Debleskro Lab 2024 (Sinte-Manouche)

¹⁹ O Mose das t'men i lila, kay činlo hi, har t'mer hounte djivenna. Kek t'mendar djivell yaake. Hoske kamenn t'mer man te marell?”

Johanni 7:19 ပူးပေါင်းရင်းမြစ်များ

Mateo 12:14

Koi djan i Farisarja win, un rakran khetne, har jon les nai marenna.

Mateo 21:38

Har i hache leskro tchawes dikan, rakran le mashkral pende: Kowa hi leskro tchawo, kai lauter lella pal peskro dadeskro merepen. Awenn, maras les, te well kau kotar them menge, hoi leske hunte wals.

Markus 11:18

Un kowa shunan i bare rashaja un i biboldengre tchatchepangre. Un jon dikan, har kran i tsele menshe bare jaka pral leskro rakepen. Doleske daran le lestar un rodan, har te nai marenn le les.

Markus 3:4

Palle penas lo ap lende: “Hoi kras mer pal maro tchatchepen ap o Debleskro diwes? Hi gar feteder te kras mer latcho koowa har tchilatcho koowa? Hi gar feteder te kras mer i nasselen sasto, har te mukas mer len te merell?” Jon penan tchi.

Markus 3:6

Un kol Farisarja djan win, un djan pash kolende, kai shunenn ap o Herodeste, un rakran lentsa, har jon nai marenn les.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 10:39

Koi kaman jon les pale te taprell. Job khatras pes lendar.

Johanni 11:53

Kowa his ko diwes, kai wan le o ersto kopo khetne, te rodenn le i drom, har nai marenn jon les.

Johanni 5:16

Pal kowa lan i bibolde o Jesuses palla. Jon his chojedo, te kras job i nasseles ap o Debleskro diwes sasto.

Johanni 5:18

Doleske kaman kol bibolde gomme budeder, te marenn le les. O Jesus kras gar kokres i nasseles ap o Debleskro diwes sasto. Job penas ninna, kai o Dewel leskro dad hi, un kras pes jaake har o Dewel.

Johanni 5:45

Ma patsenn, kai me phukrau ap tumende pash miro dadeste. Koi hi i wawar, kai phukrell ap tumende: O Mose, kolestar patsenn tumer, kai hi lo ap tumari rig.

Johanni 7:1

Pal kowa djas o Jesus an o them Galilea trujel. Job kamas gar an o them Judea te djal. I pralstune bibolde kote kaman les te marell.

Johanni 7:25

Koi penan kolla, kai hi dran o foro Jerusalem: “Hi kowa gar ko mursh, kai kaman le les te marell?

Bičepangre 7:38

Un har kol Israelitarja an ko mulo them pash koi berga Sinai glan o Debleste khetne wan, his o Mose ap i berga Sinai tardo mashkral o bolepaskro un mare phurende. Un o bolepaskro das les kol Debleskre laba, hoi denn o djipen, te anell o Mose len pash mende.

Galatarja 3:19

Hoske hi o Moseskre laba koi? O Dewel das len mende, te dikas mer, har baro maro tchilatchepen hi. O Moseskre laba atchan tardo jaake rah, bis te was o Abrahameskro tchawo, ko jek, konestar o Dewel penas, te well job. I bolepangre anan kol laba o Moseske. Kowa his tardo mank i menshende un o Debleste. Un o Mose das kol laba i menshende.

Galatarja 6:13

Jon ninna, kai mukan pen ap o mass te tchinell, krenn gar lauter, hoi o Moseskre laba penenna. Doleske kamenn le, te mukenn tumen ap o mass te tchinell, jaake te sharenn jon pen glan i menshende.

5. Mose 1:17

Un dikenn gar koi pre, koon glan tumende tardo hi! Shunenn i tiknen un i baren! Ma darenn kekestar! Krenn jaake o tchatchepen win, har te krals kowa o Dewel! Sawo koowa, hoi tumenge phares hi, kowa anenn pash mande, te shunap me kowa.”

5. Mose 33:4

O Mose sikras mende o Debleskro drom. Kal tchatchepaskre laba hi o Israeleskro brawlepen.