Johanni 7:13 - O Debleskro Drom 2021 (Sinte)

¹³ I darjatar i pralstune biboldendar rakran le halauter tchorchanes pral leste.

O Debleskro Lab 2024 (Sinte-Manouche)

¹³ I daryatar i pralstoune biboldendar rakran le halauter čorrhanes pral leste.

Johanni 7:13 ပူးပေါင်းရင်းမြစ်များ

Gosewe laba 29:25

Kowa, kai darell i menshendar, perella. Kowa, kai rikrell pes ap o baro Debleste, pral koleste rikrell lo peskre wasta.

Johanni 19:38

Pal kowa djas o Josef, kowa, kai dran o foro Arimatia his, pash o Pilateste, un mangas lestar, te dell job les o mulo Jesuses. O Josef patsas ap o Jesuseste tchorchanes i darjatar i pralstune biboldendar. Un o Pilato penas, kai job o Jesuses o trushelestar nai tele lella. Un jaake djas job pash o trushel, un las les tele.

Johanni 20:19

Har rati his ap kau diwes, – kowa his i kurko – his o Jesuseskre mala khetne. I darjatar kol biboldendar his lengro wudar klidedo. Ap jek kopo was o Jesus dren, un djas mashkral lende, un penas ap lende: “O Debleskri bacht tumentsa!”

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 7:1

Pal kowa djas o Jesus an o them Galilea trujel. Job kamas gar an o them Judea te djal. I pralstune bibolde kote kaman les te marell.

Johanni 7:11

Koi rodan les kol pralstune bibolde mashkral kolende, kai wan ap o festo, un putchan hakenestar: “Kai hi ko mursh?”

Johanni 7:15

Koi kran i pralstune bibolde bare jaka, un penan: “Har nai djinell job jaake bud? Kek anas leske kowa pashel.”

Johanni 9:22

Len his daar kol pralstune biboldendar. Doleske rakran jon jaake. I pralstune bibolde kaman hakenes pale-tchiddo te krell, kai penella o Jesusestar: Job hi o baro rai, kolestar o Dewel penas, te well job.

Johanni 9:34

Koi penan jon ap leste: “Tu, kai boldo hal an o tchilatchepen, kameh kanna maro sikepaskro te well?” Un jon witsran les win.

Debleskro tsiro 2:13

Me djinau, tumer djiwenn kote, kai o beng o rai pral i menshende hi. Tumer rikrenn soreles ap mande, un mukan o patsepen gar, ninna an kol diwessa, har was o Antipas maredo, har job i menshenge mandar penas an tumaro foro, kai o beng djiwella.