Johanni 7:12 - O Debleskro Drom 2021 (Sinte)

¹² Ninna kol bud menshe, kai wan koi, rakran pral leste. His menshe mashkral lende, kai penan: “Job hi i latcho mursh.” Wawar penan: “Na-a, job chochella i menshen.”

O Debleskro Lab 2024 (Sinte-Manouche)

¹² Ninna kol boud menshe, kay van koy, rakran pral leste. His menshe mashkral lende, kay penan: “Yob hi i lačo morsh.” Vavar penan: “Na-a, yob rhorhella i menshen.”

Johanni 7:12 ပူးပေါင်းရင်းမြစ်များ

Mateo 10:25

Jek, kai djal an o sikepaskro kheer, koleske hi doha, te djinell lo jaake bud har peskro sikepaskro. Un i budepaskro, koleske hi doha, te haiwell lo jaake bud har peskro rai. Un te penenn le ap o rajeste pral o kheer: Beng! palle kharenn le ninna kolen jaake, kai an leskro kheer djiwenna. Doleske ma darenn lendar!

Mateo 21:46

Un jon kaman les te taprell, un kran kowa gar. Jon daran i menshendar. Kolla patsan, kai hi o Jesus o Debleskro rakepaskro.

Mateo 27:63

un penan ap leste: “Rai, menge djas an maro shero trujel, te penas ko chocheno, har job djiwas: Pal triin diwessa krell o Dewel man djido.

Louka 18:19

Penas o Jesus ap leste: “Hoske peneh tu: Latcho sikepaskro! ap mande? Kek mensho hi latcho. O Dewel kokres hi latcho.

Louka 23:47

Har ko pralstuno lurdo dikas, hoi koi djas, sharas lo o Debles un penas: “Tchatchepah, kawa his i latcho mursh.”

Louka 23:50

Koi was i mursh, ko kharella Josef. Kowa his tchatcho un latcho. Job his jek kol pralstune biboldendar,

Louka 6:45

Dran i latcho mensheskro dji well latcho koowa. Dran i tchilatcho dji well tchilatcho koowa. I mensho penell kowa, hoi an leskro dji dren hi.

Louka 7:16

Koi was i traash pral lauterende. Un jon sharan o Debles un penan: “I baro Debleskro rakepaskro hi mashkral mende. O Dewel was pash peskre menshende.”

Johanni 6:14

Har kol menshe dikan, hoi o Jesus kras an o Debleskri soor, penan le: “Kowa hi tchatchepah ko Debleskro rakepaskro, kolestar penlo was, kai well lo ap kai phub.”

Johanni 7:32

I Farisarja shunan, hoi kol menshe pral o Jesuseste rakran. Un i Farisarja un i bare rashaja bitchran klisten, te taprenn le o Jesuses.

Johanni 7:47

“Chochas lo tumen ninna?” putchan kol Farisarja.

Johanni 7:52

“Hal tu ninna dran o them Galilea?” putchan le lestar. “Tu te drawereh mishto an o Debleskre lila, palle dikeh, kai kek Debleskro rakepaskro wella dran o them Galilea.”

Johanni 9:16

Kote his Farisarja, kai penan: “Kau mursh was gar o Deblestar. Job budrell ap o Debleskro diwes.” Wawar penan: “Har nai krell i tchilatcho mursh sawo baro koowa?” Un mashkral lende djas o tchingepen.

Bičepangre 11:24

O Barnabas his i latcho mursh. Job his pherdo Debleskro Ducho. Un les his i baro patsepen. Un bud wan patslo ap o rai Jesuseste.

Remarja 5:7

Kek merell i tchatcho mensheske. Nai well, te merell jek i latcho mensheske.

Filiparja 2:14

Lauter kowa, hoi tumer krenna, krenn les i bachtelo djijestar, un tchingrenn gar!