Johanni 5:23 - O Debleskro Drom 2021 (Sinte)

²³ te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.

O Debleskro Lab 2024 (Sinte-Manouche)

²³ te sharenn le halauter o čaves, yaake har sharenn le o dades. Koon o čaves gar sharella, kova sharella vitar gar o dades, kay bičras o čaves.

Johanni 5:23 ပူးပေါင်းရင်းမြစ်များ

Debleskri gili 2:12

Tchumrenn o tchawes, te well lo gar chojedo ap tumende, un tumer ap o drom merenna. Leskri choli nai chatchella sik. Bachtele hi kolla lauter, kai khatrenn pen pash leste.

Jesaja 42:8

Me hom o baro Dewel, kowa hi miro lab. Un ko railepen, hoi mange hi, dau me kek wawares, witar gar dau i chochene deblen ko sharepen, hoi mange hi.

Jesaja 44:6

O baro Dewel, ko rai pral o Israel, kai ginas les win dran i tchilatche wasta, – job, kai hi o rai pral o bolepen un i phub, penell: Me hom o glanstuno un me hom o palstuno, un dell kek wawar debles har man kokres.

Jesaja 45:15

Tchatchepah, tu hal i Dewel, kai rikrell pes khatedo, tu o Dewel pral o Israel, tu leh dran o tchilatchepen win!

Jesaja 45:21

Awenn un sikrenn, te hi tumen tchatcho. Rakrenn khetne un krenn win, hoi kamenn te penell! Koon hi kowa, kai mukas glan i rah tsiro te shunell, hoi kanna djal? Koon penas kowa glan-wi? Homs me kowa gar, o baro Dewel? Un dell kek wawar Dewel har man. Me hom i Dewel, kai o tchatchepen penell un krell. Un i Dewel, kai dran o merepen win lell, hom me kokres un kek wawar.

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Mateo 10:37

Koon kamell peskro dades un peskri dai budeder har man, hi gar moldo, te well lo miro maal. Un koon kamell peskro tchawes un peskri tchat budeder har man, hi gar moldo, te well lo miro maal.

Mateo 11:27

Lauter das miro dad an mire wasta. Kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell kolen, kai patsenn ap leste, koon o dad hi.

Mateo 12:21

Un i tsele menshe ap i phub dikenn ap leste.

Mateo 15:8

O Dewel penas: Kal menshe sharenn man pengre muja. Lengre djia hi dur mandar.

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Louka 10:16

Pale penas o Jesus ap peskre malende: “Koon ap tumende shunella, kowa shunella ap mande. Un koon shunell gar ap tumende, kowa shunell witar gar ap mande. Kowa, kai shunell gar ap mande, kowa shunell ninna gar ap koleste, kai bitchras man.”

Johanni 14:1

“Tumaro dji hunte trashell gar. Patsenn ap o Debleste un patsenn ap mande!

Johanni 16:14

Job sharell man. Halauter, hoi job penell tumenge, well mandar.

Johanni 17:10

Halauter, hoi miro hi, hi ninna tiro. Un hoi tiro hi, hi ninna miro. Ap lende well miro railepen un miri soor diklo.

Remarja 1:7

Ap tumende halauterende tchinau kau liil. O Dewel kamell tumen o djijestar, un das tumen gole, te djiwenn leha khetne. Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

Remarja 15:12

Un o Debleskro rakepaskro, o Jesaja, penas glan i rah tsiro: Koi well i mursh i menshendar, kolengro dad hi o Isai, kowa well o rai pral i menshende an i tsele themma. Ap koleste dikenn le, te well lo lenge latches.

Remarja 6:22

Kanna han tumer buder gar pandlo ap o tchilatchepen. Tumer wan o Debleskre budepangre. Un tumer djiwenn o Debleskro djipen. Un kowa anell tumen an o djipen, hoi gar pre-herella.

Remarja 8:9

Tumer djiwenn buder gar tumaro phuro djipen. Na-a. Te hi o Debleskro Ducho an tumende, djiwenn tumer ko newo djipen, hoi job tumende das. Kones hi gar o Jesus Kristeskro Ducho an leste, kowa hi gar i Debleskro tchawo.

1. Korintarja 1:3

Mu well tumen latchepen un bacht an o dji! Kowa dell tumen o Dewel, maro dad, un maro rai, o Jesus Kristo!

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

1. Korintarja 16:22

Koon o Jesuses, maro rajes, gar kamella, ap koleste well i bibacht! Maranatha!

1. Korintarja 6:19

Djinenn tumer gar, kai han tumer o kheer, kai o Debleskro Ducho djiwella? Kowa hi an tumende un well o Deblestar. Un tumer han leskre, un nai krenna buder gar, hoi kamenna.

2. Korintarja 1:9

Maro merepen his glan mare jaka. Kau pharo koowa was ap mende, te dikas buder gar ap mende, na-a, te dikas ap o Debleste, kai krell i mulen djido.

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

2. Korintarja 5:19

O Dewel his an peskro tchaweste, o Jesus Kristeste, un kras, te nai wenn i menshe leha khetne. Lengri doosh las lo lendar krik. Jaake was kowa krik lino, hoi his mank lende un o Debleste tardo. Mende das lo kai budi, te penas kal latche laba i menshenge.

Efesarja 6:24

O Debleskro latchepen well pral lauterende, kai kamenn maro rajes, o Jesus Kristes, o tselo djijeha! Job dell len o djipen, hoi gar pre-herella!

2. Timoteo 1:12

Doleske hunte lap kawa lauter ap mande kate an o stilepen, un me ladjau gar. Me djinau, ap koneste patsaua. Un me djinau, kai o Jesus Kristo rikrell peskre wasta pral kowa, hoi job an miro wast das, bis te job pale wella.

Hebrearja 1:6

O Debleskro tchawes hi peskro dadeskro wast. Lestar penas o Dewel, har job les ap i phub bitchras: I tsele Debleskre bolepangre hunte witsrenn pen glan leste tele, te sharenn le les.

2. Petro 1:1

Me, o Simon Petro, tchinau kau liil. Me budrau o Jesus Kristeske un hom leskro bitchepaskro. Me tchinau ap lauterende, kai lan ninna ko patsepen har mer. Ko kutch patsepen, kai tchiwas men an o tchatchepen glan o Debleste, das men maro Dewel un o Jesus Kristo, kai las men dran o tchilatchepen win.

2. Petro 3:18

Djiwenn bud un budeder dran o latchepen, hoi maro rai, o Jesus Kristo, tumen della! Job las men win dran o tchilatchepen. Prindjrenn les bud un budeder! Sharedo well job kanna un hako tsiro. Amen.

1. Johanni 2:23

Hakeno, kai o Debleskro tchawes buchoste della, prindjrell witar gar o Debles, kai leskro dad hi. Koon ap o Jesuseste patsella, un i menshenge penella, te hi o Jesus o Debleskro tchawo, kowa prindjrella ninna o Debles, leskro dades.

2. Johanni 1:9

Hakeno, koon atchell gar pash kol laba, hoi o Jesus Kristo menge penas, un penell wawar koowa, kowa atchell gar o Debleha. Kowa, kai atchell pash kol laba, hoi o Jesus Kristo menge penas, kowa atchell o Debleha, maro dadeha, un peskro Tchaweha.