Johanni 5:21 - O Debleskro Drom 2021 (Sinte)

²¹ Har o dad i mulen pre djangrella, un dell len o newo djipen, jaake nai dell ninna o tchawo o newo djipen, kones job kamella.

O Debleskro Lab 2024 (Sinte-Manouche)

²¹ Har o dad i moulen pre djangrella, oun dell len o nevo djipen, yaake nay dell ninna o čavo o nevo djipen, kones yob kamella.

Johanni 5:21 ပူးပေါင်းရင်းမြစ်များ

1. Rajengro liil 17:21

Un job tchiwas pes triin kope pral o tchaweste, un das pashel gole: “Miro baro Dewel, muk te well o djipen kau tchawestar pale an leste!”

2. Rajengro liil 5:7

Un har o baro rai pral Israel ko liil draweras, tserdas job i koola pestar tele un penas: “Hom me o Dewel, kai nai marau un krau djido? O baro rai pral Syria bitchrell kau murshes pash mande, te krap les sasto un lap ko nasslepen ap leskro mass lestar krik. Tumer dikenn, har rodell job tchingepen mantsa!”

Johanni 11:25

Penas o Jesus ap late: “Me hom kowa, kai djangrau len pre dran o merepen un dau len o djipen. Koon ap mande patsella, djiwella, ninna te merell job.

Johanni 17:2

Tu dal les i soor pral i tsele menshende, te dell job lauteren, kai tu les dal, o djipen, hoi gar pre-herella.

Johanni 6:63

O Debleskro Ducho hi kowa, kai dell o djipen. O mensheskri soor nai krell kowa gar. Mire laba, hoi me tumenge penom, wan dran o Debleskro Ducho. Doleske anenn le tumenge ko djipen.

Bičepangre 26:8

Hoske patsenn tumer gar, te krell o Dewel i mulen djides?

Remarja 8:11

O Dewel kras o Jesus Kristes i mulendar djido. Te djiwell leskro Ducho an tumende, palle krell lo tumen ninna djido. O Debleskro Ducho, kai an tumende hi, krell kowa.

1. Korintarja 15:45

An o Debleskro lab hi tchinlo: O ersto mensho, o Adam, las o djipen. Un o Jesus Kristo, koles nai kharams mer ‘o duito mensho’ – job hi i djido ducho, kai dell o djipen.

5. Mose 32:39

Dikenn kanna dren, te hom me kokres o Dewel, dell kek wawar Dewel har man! Me marau un me krau djido, me dukrau un me krau sasto, un dell kek, kai jekes dran miro wast nai win lell.