Johanni 5:2 - O Debleskro Drom 2021 (Sinte)

² An o foro Jerusalem his i pani pash ko foreskro wudar, kai kharella bakrengro wudar. Ko pani kharella ap hebretikes Betesda. Kote his i thopaskro kheer, kai pantch bare iseme dren his, kai pre his.

O Debleskro Lab 2024 (Sinte-Manouche)

² An o foro Yerusalem his i pani pash ko foreskro voudar, kay kharella bakrengro voudar. Ko pani kharella ap hebretikes Betesda. Kote his i thopaskro kheer, kay panč bare iseme dren his, kay pre his.

Johanni 5:2 ပူးပေါင်းရင်းမြစ်များ

Nehemia 12:39

un palle dureder bis pash o Efrajimeskro Wudar, un palle pash ko Phuro Wudar un palle dureder pash ko Matchengro Wudar un dureder bis pash ko turmo, hoi kharell Hananel, un dureder bis pash ko turmo, hoi kharell Mea, un dureder bis pash o Bakrengro Wudar. Un pash ko Stilepaskro Wudar atchan le tardo.

Nehemia 3:1

Un o baro rashai Eljashib kras pes ap i budi peskre phralentsa, kol wawar rashajentsa, un jon tchiwan o foreskro wudar pale pre, hoi kharas Bakrengro Wudar. Un jon rakran o Debleskri bacht pral leste win, un tchiwan kol dui wudja dren. Un jon tchiwan ninna koi massuri pale pre bis pash ko turmo, hoi kharell Mea, un bis pash ko turmo, hoi kharell Hananel, un rakran o Debleskri bacht pral i massuri win.

Nehemia 3:32

Un mashkral i pralstuni isema ap i ekka un i Bakrengro Wudar budran i parepangre un kolla, kai krenn shukar koowa dran sonakai.

Jesaja 22:11

Un mashkral kol dui massurja kran tumer i panjeskro kheer o panjeske dran o Phuro Pani. Ap o Debleste, kai kowa lauter kras, dikan tumer gar, un ap koleste, koles kowa glan i rah tsiro an peskro dji his, rikran tumen gar.

Jesaja 22:9

Un tumer dikan pal, kai bud kotja an o foreskri massuri paash hi, un tchinan an i liil, kitse khera an Jerusalem hi, un phagan lendar tele, te lenn i barra, te krenn o foreskri massuri tseles. Un tumer lan o pani dran o telstuno pani khetne pre.

Johanni 19:13

Har o Pilato kol laba shunas, anas job o Jesuses win un beshas pes ap ko tchatchepaskro beshepaskro, hoi kharella Barrengri Phub. Ap o biboldengro rakepen kharella kowa Gabbata.

Johanni 19:17

Un job hidjras peskro trushel, un djas dran ko foro win ap ko kotar them, hoi kharella muleskro shero. Kowa kharella ap o biboldengro rakepen Golgata.

Johanni 19:20

Kowa, hoi koi pre tchinlo hi, draweran bud bibolde. Ko kotar them, kai dan le o Jesuses ap o trushel, his gar dur o forestar tchiddo. Un kol laba his tchinlo ap hebretikes, lataintikes, un grichtikes.

Johanni 20:16

“Maria!” penas o Jesus. Koi rissras pes li trujel, un penas ap hebretikes: “Rabuni!” Kowa kharella Sikepaskro.

Johanni 5:3

Kote his bud nassele tchiddo: Sawe, kai nai dikan gar, un sawe, kai nai nashan gar, un bange.

Johanni 7:21

Penas o Jesus: “Jek baro koowa krom me pash tumende an o foro Jerusalem. Un tumer han chojedo pral kowa.

Bičepangre 21:40

Un o pralstuno lurdo penas ap o Pauleste: “Palle rake!” O Paulo his tardo pral glan o kheer un hadas peskro wast, te wenn le pokones. Har jon buder gar gole dan, rakras job lentsa ap hebretikes.

Debleskro tsiro 9:11

Un len hi i rai pral pende. Kowa hi o bolepaskro pral o telstunepen. Kowa kharell ap hebretikes Abadon. Un ap grichtikes kharell lo Apoljon.