Johanni 5:18 - O Debleskro Drom 2021 (Sinte)

¹⁸ Doleske kaman kol bibolde gomme budeder, te marenn le les. O Jesus kras gar kokres i nasseles ap o Debleskro diwes sasto. Job penas ninna, kai o Dewel leskro dad hi, un kras pes jaake har o Dewel.

O Debleskro Lab 2024 (Sinte-Manouche)

¹⁸ Doleske kaman kol bibolde gomme boudeder, te marenn le les. O Yezous kras gar kokres i nasseles ap o Debleskro dives sasto. Yob penas ninna, kay o Devel leskro dad hi, oun kras pes yaake har o Devel.

Johanni 5:18 ပူးပေါင်းရင်းမြစ်များ

Zakarie 13:7

O baro Dewel, ko rai pral o bolepen un i phub, penell: “Miro charo, hade tut! Dja ap o bakrengro pre, kai mange budrella, ap koleste, kai pash mande tardo hi! De o bakrengres! Palle nashenn i bakre krik, hakeno ap peskri rig! Ninna ap i tiknende hadau miro wast.”

Mateo 12:5

Un tumer djinenn ninna, hoi an o Moseskre lila tardo hi, te krenn i rashaja ap o Debleskro diwes pengri budi an o Debleskro baro kheer. Un jaake krenn le o Debleskro diwes praassedo. Ninna te krenn le kowa, anenn le kek doosh ap pende.

Johanni 1:19

Har bitchran i pralstune bibolde dran o foro Jerusalem i rashajen un i Levitarjen pash o Johanneste, te putchenn le lestar: “Koon hal tu?” penas job glan i tsele menshende, kai kote tardo hi: “Tchatchepah, me hom gar o Kristo.”

Johanni 10:30

Me un o dad ham jek.”

Johanni 10:33

Penan kol bibolde ap leste: “Ko latcho koowa, hoi tu kral, koleske kamah mer tut gar mulo te dell. Tu anal ladj ap o Debleste. Tu hal i mensho un kreh, har te wals o Dewel. Doleske kamah tut te marell.”

Johanni 14:23

Koi penas o Jesus ap leste: “Te kamell man jek o djijestar, kowa krell, hoi me penau. Koles kamell miro dad. Un mer wah pash leste un atchah pash leste.

Johanni 14:9

“Jaake rah hom pash tumende un tu prindjreh man gar, Filipo?” penas o Jesus. “Koon man dikella, kowa dikell o dades. Har nai peneh tu: Sike mende o dades?

Johanni 19:7

“Pal maro biboldengro tchatchepen hunte well lo mulo dino,” penan i bibolde ap o Pilato. “Job penas, kai hi lo o Debleskro tchawo.”

Johanni 5:15

Koi djas ko mursh pash kol pralstune biboldende un penas: “Kowa his o Jesus, kai kras man sasto.”

Johanni 5:16

Pal kowa lan i bibolde o Jesuses palla. Jon his chojedo, te kras job i nasseles ap o Debleskro diwes sasto.

Johanni 5:17

O Jesus penas lenge: “Miro dad budrell o tselo tsiro. Jaake krau me kowa ninna.”

Johanni 5:23

te sharenn le halauter o tchawes, jaake har sharenn le o dades. Koon o tchawes gar sharella, kowa sharella witar gar o dades, kai bitchras o tchawes.

Johanni 7:1

Pal kowa djas o Jesus an o them Galilea trujel. Job kamas gar an o them Judea te djal. I pralstune bibolde kote kaman les te marell.

Johanni 7:19

O Mose das tumen i lila, kai tchinlo hi, har tumer hunte djiwenna. Kek tumendar djiwell jaake. Hoske kamenn tumer man te marell?”

Johanni 8:54

Penas o Jesus: “Te sharoms me man, wals kowa tchi moldo. Miro dad hi kowa, kai sharell man. Kolestar penenn tumer: Job hi maro Dewel.

Johanni 8:58

Penas o Jesus ap lende: “Tchatchepah, me penau tumenge: O Abraham his gomme gar boldo, koi homs me koi.”

Filiparja 2:6

Ninna te his lo o Dewel, mukas lo peskro railepen un peskri soor, hoi les an o bolepen his.

Debleskro tsiro 22:1

Un job sikras man o baro lengsto pani, hoi djudjo hi har i djudji wali. Ko pani dell o djipen un well kotar, kai hi o beshepaskro o Deblestar un o terno bakrestar.

Debleskro tsiro 22:3

Kanna dell tchi buder, hoi hi glan o Debleste praassedo. Un o beshepaskro o Deblestar un o terno bakrestar hi an o foro tardo. Un leskre budepangre hi leske koi,