Johanni 4:32 - O Debleskro Drom 2021 (Sinte)

³² Penas o Jesus ap lende: “Man hi i chapen, kowa prindjrenn tumer gar.”

O Debleskro Lab 2024 (Sinte-Manouche)

³² Penas o Yezous ap lende: “Man hi i rhapen, kova prindjrenn t'mer gar.”

Johanni 4:32 ပူးပေါင်းရင်းမြစ်များ

Hiob 23:12

Me rikrom man ap hako lab, hoi was dran leskro mui. Un rikrom halauter an miro dji, hoi lo rakras.

Debleskri gili 119:103

Tiro lab hi har i gudlo chapen mange, awa, gudleder har gwin hi lo.

Debleskri gili 25:14

O baro Dewel hi o maal kolenge, kai djiwenn leha, un lende sikrell lo, te hi lo lengro Dewel un jon peskre menshe.

Debleskri gili 63:5

Me parkrau man pash tute jaake rah har me djiwau. Un me hadau mire wasta pre, te mangap tut an.

Gosewe laba 14:10

Ko mensho, koleskro dji rowell, hi kokres. Un ninna te stell leskro dji i bachtjatar, nai haiwell kek wawar tchatchepah leskri bacht.

Gosewe laba 18:20

I mursh lell, hoi leskro mui rakras. Dran leskre laba lell lo doha djipaske.

Jesaja 53:11

Job las jaake bud daar un duka ap peste, doleske dikell job ninna i momeli, un leskro dji well tchalo. Miro budepaskro hi tardo an o tchatchepen. Un dran kowa lauter, hoi ap leste was, nai tchiwell job ninna bud menshen an o tchatchepen. Un lengri doosh lell job ap peste.

Jeremia 15:16

Baro Dewel, tu rai pral o bolepen un i phub, me hom tiro. Jaake was tiro lab miro chapen hako kopo, kai me kowa shunau. Te shunau tiro lab, giwell miro dji, un well pale sorelo.

Johanni 4:31

Har i djuwel an o foro his, penan leskre mala ap leste: “Sikepaskro, cha tchomone!”

Johanni 4:33

Koi putchan leskre mala mashkral pende: “Anas leske jek tchomone chapaske?”

Johanni 4:34

Penas o Jesus lenge: “Me djiwau kolestar, te krap, hoi o Dewel mandar kamella. Un leskri budi krau jaake rah, har job kamella. Doleske bitchras man lo ap i phub.

Bičepangre 20:35

Jaake sikrom tumende, kai hunte budras, te nai dah ninna i tchorwelende tchomone. Ma bistrenn kol laba, hoi o rai Jesus penas: Kowa, kai della, hi bachtleder har kowa, kai lella.”

Debleskro tsiro 2:17

Shunenn halauter mishto, hoi o Debleskro Ducho penella ap i patslende! Kowa, kai soreles an o patsepen atchas, un gar pre das, koles dau ko maro dran o bolepen te chal, hoi kharella Manna. Ninna dau les i parno bar. Ap koleste hi o newo lab tchinlo, koles kek prindjrell, har kowa, kai les lella.”