Johanni 4:23 - O Debleskro Drom 2021 (Sinte)

²³ Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an.

O Debleskro Lab 2024 (Sinte-Manouche)

²³ Ko tsiro vella, oun hi kanna kay, koy della menshe, kay mangenn o dades an o čačepen an. Kal menshen hounte vell o Debleskro Dourho. O dad rodell kolen, kay mangenn les yaake an.

Johanni 4:23 ပူးပေါင်းရင်းမြစ်များ

1. Familjakro liil 29:17

Miro Dewel, djinau, te dikeh an o dji. Un tuke hi mishto, te hi i menshes i tchatcho dji. Doleske dom tut kawa lauter mandar dran i tchatcho dji, un hom bachtelo te dikau, kai tire menshe, kai kate glan tute tardo hi, tute ninna lauter pendar win dan.

Debleskri gili 147:11

O baro Debleske hi kolla shukar, kai leha djiwenna un ap leste dikenna, te well lo lenge latches.

Debleskri gili 17:1

I mangepen o Davidestar. Baro Dewel, shun, hoi tutar mangau: De man miro tchatchepen! De jak, har dau ap tute gole! Shun miro mangepen, hoi well dran i mui, hoi gar chochella!

Debleskri gili 32:2

Bachtelo hi ko mensho, koneske o baro Dewel i doosh gar glan-rikrell, un an koleste kek chochepen hi.

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Gosewe laba 15:8

O baro Dewel dikell chojedes ap kowa, hoi o tchilatcho leske anell. Te mangenn les kolla an, kai an o tchatchepen tardo hi, dikell lo latches ap lengro mangepen.

Kamlepaskri gili 2:14

Miri tauba, ma khate tut glan mande, har i tchirklo khatrell pes mank i bare barra, an o khatepen ap i berge! Muk man tut te dikell, muk man tut te shunell! Gudlo hi tiro rakepen, un kamles dikeh tu win.

Jesaja 10:20

I tsiro wella, kai atchan buder gar bud menshe pral an Israel. Kolla, kai hi gomme djido o Jakobeskre tchawendar, rikrenn pen palle buder gar ap kolende, hoi len dawa dan. Na-a, kolla rikrenn pen palle ap o baro Debleste, kai o Israeleskro Dewel hi, un mukenn lestar gar buder tele.

Jesaja 29:13

O baro Dewel, maro rai, penas: Kal menshe sharenn man labentsa. Lengre tchipja hadenn man. Lengre djia hi dur krik mandar. Te mangenn le man an, rakrenn le palla, hoi lenge glan penlo was.

Jesaja 43:21

Un mire menshe Israel, kolen mange krom, sharenn man glan i wawarende.

Jesaja 58:2

Jon wenn hako diwes, har te rodans le man, un penenn, te kamans le mire dromma te djinell, har te wans le menshe, kai o tchatchepen krenn, un pengro Debles gar mukan. Un jon kamenn, te krap me o tchatchepen lenge win, un te wap pash lende.

Jeremia 3:10

Un an ko tselo koowa was i Juda, lakri pheen, gar pash mande o tselo djijestar, kokres o mujeha, penas o baro Dewel.

Jeremia 4:2

Te denn tumen sowel un penenn: Me dau man sowel pash o djido Debleste … un tumer chochenn gar koi pashel, un rikrenn tumaro lab, palle putchenn mandar i menshe an i wawar themma, te tchiwap miri bacht ap lende, un jon sharenn pen, kai prindjrenn jon man.

Ezekiel 22:30

Un me rodom i murshes mank lende, kai krals i massuri trul o foro pale newes. Rodom jekes, kai tchiwas pes pre glan mande kote, kai i barra win phagedo wan, un rakrals mishto kol menshenge, te hunte marap len gar. Un me hatsom kekes.

Johanni 1:17

O Mose das men kol laba, kai penenna, har mer djiwas. O Jesus Kristo anas menge o Debleskro latchepen un tchatchepen.

Johanni 12:23

O Jesus penas ap lende: “Ko tsiro hi kanna kai, kai o Dewel sikrell o Menshengro Tchaweskro railepen.

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Johanni 16:32

“Dikenn, ko tsiro wella un hi koi, kai nashenn tumer halauter mandar. Hakeno djal pale khere. Un man mukenn tumer kokres. Ninna te mukenn man, hom me gar kokres. O dad hi pash mande.

Johanni 4:21

Penas o Jesus: “Romnija, pats man, ko tsiro wella, kai mangenn tumer o Debles gar ap kai berga an, witar gar an o foro Jerusalem.

Johanni 5:25

Tchatchepah, me penau tumenge: Ko tsiro wella un hi kanna kai, kai i mule shunenn i gole o Debleskro tchawestar. Un kolla, kai shunenn, kai dell job gole, kolla djiwenna.

Johanni 5:28

Ma krenn bare jaka, te penau tumenge: Ko tsiro wella, kai i tsele mule shunenna, te kharell lo len.

Remarja 1:9

Maro Dewel, koleske budrau o tselo djijeha un penau i menshenge leskro tchawestar, job djinella, me penau o tchatchepen: Me mukau gar tele, te mangap les tumenge.

Remarja 8:15

O Dewel das tumen gar peskro Ducho, te darenn lestar, har i budepangre darenna pengro rajestar. Na-a, tumer han o Debleskre tchawe. Un o Debleskro Ducho krell, te penah mer: “Tata” ap o Debleste.

Remarja 8:26

Ninna well o Debleskro Ducho ap mari rig, kai ham gar sorelo. Te kamah mer te rakras o Debleha un djinah gar, hoi te mangas lestar, palle rakrell o Debleskro Ducho menge i labentsa, hoi kek nai rakrell win.

Galatarja 4:6

Kanna ham leskre tchawe. Doleske das o Dewel peskro tchaweskro Ducho an mare djia. Kowa dell gole: Tata, miro dad!

Efesarja 6:18

Rakrenn hako tsiro o Debleha! Mangenn lestar kowa, hoi o Debleskro Ducho an tumare djia tchiwella! Ma mukenn tele te mangell les i tsele patslenge!

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Josua 24:14

Un o Josua penas dureder: “Pash halauter, hoi krenn, rikrenn tumenge o baro Debles glan i jaka! Mangenn les an i djudjo un tchatcho djijeha! Tchiwenn i chochene deblen krik, kolen tumare phure an-mangan, har his le ap i wawar rig o panjestar Eufrat un an o them Egiptia. Mangenn kokres o baro Debles an!

1. Petro 2:9

Tumer han kolla, kai o Dewel peske win rodas. Tumaro baro rai hi o Jesus Kristo. Koleskre rashaja han tumer, te wenn leske koi. Tumer han o Debleskre menshe, kolen job khetne gole das, te penenn tumer i menshenge, hawo baro un latcho koowa o Dewel kras. Job las tumen dran i rati win, un anas tumen pash peste, kai hi lauter shukar un djudjo.

1. Samuel 12:24

Tumer hunte darenn o baro Debles un mangenn les kokres an tumaro tselo djijeha! Ma bistrenn, hawo baro koowa job tumenge kras.