Johanni 4:21 - O Debleskro Drom 2021 (Sinte)

²¹ Penas o Jesus: “Romnija, pats man, ko tsiro wella, kai mangenn tumer o Debles gar ap kai berga an, witar gar an o foro Jerusalem.

O Debleskro Lab 2024 (Sinte-Manouche)

²¹ Penas o Yezous: “Romniya, pats man, ko tsiro vella, kay mangenn t'mer o Debles gar ap kay berga an, vitar gar an o foro Yerusalem.

Johanni 4:21 ပူးပေါင်းရင်းမြစ်များ

Jesaja 66:1

O baro Dewel penell: O bolepen hi miri raili beshepaskri, un i phub i tikno banko, kai me mire herja pre tchiwau. Hawo kheer kamenn tumer mange pre te tchiwell, An hawo kheer kamenn tumer, te djiwap?

Ezekiel 14:3

Tu, mensho, kal mursha rikran ap pengre chochene deblen, un tchiwan len pre glan pende, kolen, kai anenn len ap o tchilatcho drom. Hoske mukap man sawendar te putchell?

Ezekiel 20:3

Tu, mensho, pen kol phurenge dran Israel: Kawa penell o baro Dewel, maro rai: Tumer wan, te putchenn mandar? Me dau man sowel pash miro djipen: Me mukau man gar tumendar te putchell, me gar, penell o baro Dewel, maro rai.

Maleachi 1:11

O baro Dewel, ko rai pral o bolepen un i phub, penell: Fun kotar, kai o kham pre djala, bis kote kai o kham tele djal, well miro lab sharedo pash kolende an i wawar themma. An bud gaba un forja chatchrenn le mange sungepaskro koowa un viechen, hoi hi latcho an mire jaka. Kolla lauter sharenn miro lab.

Mateo 18:20

Un kote, kai dui, triin menshe khetne wenna an miro lab, kote hom me mashkral lende.

Mateo 28:19

Doleske djan pash i menshende an hake themma, un penenn lenge mire laba, te patsenn le ap mande! Taufrenn len ap o lab o dadestar, o tchawestar un o Debleskro Ducho!

Louka 21:24

Bud wenna maredo o chareha. Wawar wenna pandlo un wenna an i wawar themma anlo. Un o foro Jerusalem well kol menshendar khetne stakedo, kai wenna dran wawar themma. Kowa djal jaake rah, har o Dewel mukell len kowa te krell.”

Johanni 14:6

“Me hom o drom, un o tchatchepen un o djipen,” penas o Jesus. “Dell kek wawar drom pash o dadeste, har man.

Johanni 16:2

Jon krenn tumen pale-tchiddo. Un ko tsiro wella, kai denn jon tumen mulo un penenn: O Dewel kamas kowa jaake.

Johanni 16:32

“Dikenn, ko tsiro wella un hi koi, kai nashenn tumer halauter mandar. Hakeno djal pale khere. Un man mukenn tumer kokres. Ninna te mukenn man, hom me gar kokres. O dad hi pash mande.

Johanni 4:23

Ko tsiro wella, un hi kanna kai, koi della menshe, kai mangenn o dades an o tchatchepen an. Kal menshen hunte well o Debleskro Ducho. O dad rodell kolen, kai mangenn les jaake an.

Johanni 5:25

Tchatchepah, me penau tumenge: Ko tsiro wella un hi kanna kai, kai i mule shunenn i gole o Debleskro tchawestar. Un kolla, kai shunenn, kai dell job gole, kolla djiwenna.

Johanni 5:28

Ma krenn bare jaka, te penau tumenge: Ko tsiro wella, kai i tsele mule shunenna, te kharell lo len.

Bičepangre 6:14

Mer shunam, har job penas: O Jesus dran Nazaret phagell o Debleskro baro kheer tele un krella, te hunte rikras mer buder gar ap kowa, hoi o Mose menge penas.”

Efesarja 2:18

Mende halauterende das job o Debleskro Ducho. Un kowa krell, te nai wah mer lauter glan o Debleste, maro dadeste.

Efesarja 3:14

Doleske perau ap mire tchanga, un parkrau man pash o Debleste, maro dadeste.

1. Timoteo 2:8

Jaake kamau me, te mangenn i mursha o Debles an, kote, kai i patsle khetne wenna. Kal mursha hunte djiwenn pengro djipen jaake, har o Dewel kamella. Te hadenn le pengre wasta pre, te mangenn le o Debles an, palle hunte denn le jak, te well kek choli un kek tchingepen an lengre djia.

1. Petro 1:17

O Dewel hi o tchatchepaskro rai, kai rakrell o tchatchepen win pral hakeneste pal kowa, hoi job kras. Un o Dewel dikell gar koi pre, koon ko mensho hi. Ap leste penenn tumer: “Tata!” Doleske djiwenn jaake, har job kowa kamella, jaake rah har tumer kate ap i phub djiwenna.

Debleskro tsiro 21:22

Un me dikom kek Debleskro kheer an ko foro, kai mangenn le o Debles an. O baro Dewel kokres, kai hi o rai pral halauter, hi mashkral lende, job un o terno bakro.