Johanni 4:19 - O Debleskro Drom 2021 (Sinte)

¹⁹ Penas koi djuwel: “Romeha, me dikau, tu hal i Debleskro rakepaskro.

O Debleskro Lab 2024 (Sinte-Manouche)

¹⁹ Penas koy djouvel: “Romeha, me dikau, tou hal i Debleskro rakepaskro.

Johanni 4:19 ပူးပေါင်းရင်းမြစ်များ

2. Rajengro liil 5:26

O Elisa penas ap leste: “Me homs an miro ducho koi pashel, har ko mursh dran peskro wurdin djas un pash tute was. Kanna hi gar ko tsiro, te less rup un raile ripja, te giness tuke bakre un grumja, un them, kai djeteskre ruka un drakengre ruka baro wenn, un budepangre: mursha un djuwja.

2. Rajengro liil 6:12

Koi penas jek leskre pralstunendar: “Kek mendar, miro baro rai. O Elisa, ko Debleskro rakepaskro an Israel, phukrell lauter o baro rajeske pral Israel, ninna, hoi tu rakreh an tiri isema, kai soweh.”

Mateo 21:11

Un kol bud menshe, kai leha djan, penan lenge: “Kawa hi o Debleskro rakepaskro, o Jesus, kai was dran o foro Nazaret, hoi an o them Galilea tchiddo hi.”

Louka 24:19

Un o Jesus penas: “Hoi djas?” Un jon penan: “Kowa, hoi kran le o Jesuseha dran Nazaret. Job his o Debleskro rakepaskro, ap koleste o Debleskri soor his. O Dewel bitchras les. Kowa dikas hakeno ap kowa, hoi job penas un kras.

Louka 7:16

Koi was i traash pral lauterende. Un jon sharan o Debles un penan: “I baro Debleskro rakepaskro hi mashkral mende. O Dewel was pash peskre menshende.”

Louka 7:39

Har o Farisari kowa lauter dikas, penas lo ap peste kokres: “Te wals kau rom tchatchepah i Debleskro rakepaskro, hunte djinals lo, hawi djuwel les an-tapras. Job hunte djinals, te hi li pale-tchiddo.”

Johanni 4:18

Pantch romma his tut. Un kowa, kai tut kanna hi, kowa hi gar tiro rom. Koi penal tu o tchatchepen.”

Johanni 4:29

“Awenn un dikenn! Me taprom i murshes, kowa djinas halauter pral mande. Nai hi job ko Kristo?”

Johanni 6:14

Har kol menshe dikan, hoi o Jesus kras an o Debleskri soor, penan le: “Kowa hi tchatchepah ko Debleskro rakepaskro, kolestar penlo was, kai well lo ap kai phub.”

Johanni 7:40

Mashkral kolende, kai shunan ko rakepen, his menshe, kai penan: “Kau mursh hi tchatchepah ko Debleskro rakepaskro, kolestar penlo was, te well job.”

Johanni 9:17

Un pale putchan le kolestar, kai sasto was: “Hoi peneh tu lestar, kai job tire jaka pre kras? Hoi peneh tu, koon job hi?” “Job hi i Debleskro rakepaskro,” penas lo.

5. Mose 18:15

I Debleskro rakepaskro, har me jek hom, jek, kai well tumendar, koles bitchrell tumaro baro Dewel pash tumende. Ap koleste shunenn!