Johanni 3:6 - O Debleskro Drom 2021 (Sinte)

⁶ Koon i menshestar boldo wella, hi i mensheskro tchawo. Koon dran o Debleskro Ducho boldo wella, hi i Debleskro tchawo.

O Debleskro Lab 2024 (Sinte-Manouche)

⁶ Koon i menshestar boldo vella, hi i mensheskro čavo. Koon dran o Debleskro Dourho boldo vella, hi i Debleskro čavo.

Johanni 3:6 ပူးပေါင်းရင်းမြစ်များ

1. Mose 5:3

Har o Adam 130 (sheel-te-triin-deesh) bersha phuro his, was job o dad i tchawestar, kai win dikas har job. Un das les ko lab Set.

1. Mose 6:5

O baro Dewel dikas, kai o menshengro tchilatchepen baro hi ap i phub. Halauter, hoi len an lengre djia hi, his tchilatcho o tselo diwes.

Hiob 14:4

I tsele menshen hi doosh ap pende. Har nai well lendar jek, koles kek doosh ap peste hi?

Hiob 25:4

Glan o Debleskre jaka hi kek mensho an o tchatchepen tardo. Kek mensho hi erligo glan leste.

Debleskri gili 51:10

Muk man pale bacht te haiwell! Tu phagal man, kanna muk man pale te stell!

Johanni 1:13

Kowa wan le gar, har jon boldo wan. O newo djipen was gar dran o menshengro kamlepen. Na-a, o newo djipen lan le kokres o Deblestar.

Johanni 3:7

Kre kek bare jaka, te penau tuke: Tumer hunte wenn o Deblestar newes boldo!

Remarja 7:18

Me djinau, kek latchepen djiwella an mande – an miro mass. Me kamau o latchepen te krell, un man hi kek soor, te krap les.

Remarja 7:25

O Dewel well sharedo! Maro rai, o Jesus Kristo, kras kowa! Pral miro dji hi o Dewel o rai, un me hom leske koi. Un pral miro mass hi o tchilatchepen o rai.

Remarja 7:5

Har djiwam maro phuro djipen, was o tchilatchepen soreles an mende. O Moseskre laba, hoi menge penan, hoi te kras mer gar, kol laba kran, te was o bok pal o tchilatchepen bares an mende. Jaake kram mer kowa, hoi an o merepen anella.

Remarja 8:13

Te djiwenn tumer tumaro phuro djipen, merenn tumer. Te djiwenn tumer jaake, har o Debleskro Ducho kowa kamella, un penenn ‘na-a’ ap o tchilatchepen, hoi an tumaro shero hi, palle djiwenna.

1. Korintarja 6:17

Ko mensho, kai djal o Jesuseha, maro rajeha, koles hi jek ducho leha.

2. Korintarja 5:17

Kanna djinah: Koon o Jesus Kristeha djiwella, kowa hi i newo mensho, un djiwell buder gar peskro phuro djipen. I newo koowa was an leskro djipen.

Galatarja 5:24

Kolla, kai djiwenn o Jesus Kristeha, kolla anan ko tsele tchilatcho koowa, hoi jon kran, pash o Jesuseste. Un kanna penenn le ‘na-a’ ap o djungelo koowa, hoi kamell an lengro dji te well.

Efesarja 2:3

His i tsiro, kai djiwam mer halauter har jon, un kram o tchilatchepen, hoi an mende hi. Mer kram, hoi mer kamam, un hoi menge an o shero was. Un o Debleskri choli his ninna pral mende har pral kol wawar menshende.

Kolossarja 2:11

Har mukan tumaro phuro djipen pal tumende, wan tumer o Debleskre menshe. I bibolde wan tchinlo i wastentsa ap pengro mass. Tumer wan gar tchinlo i wastentsa. Na-a! Tumer lan i newo dji, hoi das tumen o Jesus Kristo.

1. Johanni 3:9

Kolla, kai o Debleskre tchawe hi, djiwenn gar an o tchilatchepen. O Debleskre tchawen hi o Debleskro djipen an lende. Un jon nai djiwenn gar an o tchilatchepen.