Johanni 3:26 - O Debleskro Drom 2021 (Sinte)

²⁶ Un jon djan pash o Johanneste, un penan leske: “Sikepaskro, ko mursh, kai his pash tute ap o wawar panjeskri rig, pral koleste rakral, un bud menshe shunan kowa, kowa hi kate, un taufrell i menshen. Un hakeno djal pash leste.”

O Debleskro Lab 2024 (Sinte-Manouche)

²⁶ Oun yon djan pash o Yohanneste, oun penan leske: “Sikepaskro, ko morsh, kay his pash toute ap o vavar panyeskri rig, pral koleste rakral, oun boud menshe shounan kova, kova hi kate, oun taufrell i menshen. Oun hakeno djal pash leste.”

Johanni 3:26 ပူးပေါင်းရင်းမြစ်များ

Debleskri gili 65:2

Tu, Dewel, kai djiweh ap i berga Zion, tu hal moldo, te sharas tut, un rikras mare sobja, hoi tuke dam.

Sikepaskro 4:4

Un me dikom, har marenn pen i menshe tele un krenn latchi budi, te wenn le feteder har kol wawar, jaake te silwerenn kolla ap lende. Kowa hi ninna tchi-moldo, un jaake har te nashals jek pal o ducho, hoi djal pral i phub.

Jesaja 45:23

Me dom man sowel pash mande kokres, un hoi penom, hi tchatcho un nai well gar krik lino: Hakeno hunte witsrell pes glan mande ap i phub, un hako mui dell pes sowel

Mateo 23:7

Te djan le an o foro, kamenn le, te penenn i menshe ap lende: Latcho diwes, mo rai.

Mateo 23:8

Tumenge penau me: Ma mukenn tumen te kharell: Mo rai! Tumer han halauter phrala. Jek kokres hi tumaro rai.

Johanni 1:15

O Johanni rakras lestar, un das gole: “Job hi kowa, kolestar penom: Kowa, kai pal mande wella, hi pral mande. Job his glan mande koi.”

Johanni 1:7

Job was, te penell lo hakeneske, koon koi bari momeli hi, te patsenn halauter ap koi momeli.

Johanni 1:9

Koi tchatchi momeli was ap i phub, te chatchell li hakeneske.

Johanni 11:48

Te mukah les mer jaake dureder te krell, patsell hakeno ap leste. Un kol Remarja wenna un lenn menge o tselo them un i menshen mendar krik.”

Johanni 12:19

Un i Farisarja rakran mashkral pende: “Tumer dikenna, kai wah jaake gar dureder. I tsele menshe nashenn leske palla.”

Johanni 3:2

Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

Johanni 4:1

I Farisarja shunan, kai bud menshe djan o Jesuseske palla. Jon shunan ninna, kai job taufras budeder menshe har o Johanni.

Johanni 4:2

His gar o Jesus, kai taufras len. Kowa kran leskre mala.

Johanni 4:31

Har i djuwel an o foro his, penan leskre mala ap leste: “Sikepaskro, cha tchomone!”

Johanni 5:33

Tumer bitchran murshen pash o Johanneste, te shunenn lestar pral mande. Un job penas pral mande o tchatchepen.