Johanni 3:2 - O Debleskro Drom 2021 (Sinte)

² Kowa was an i rat pash o Jesuseste, un penas: “Rai, mer djinah, kai tu hal i sikepaskro. O Dewel bitchras tut pash mende. Kek nai krell kowa, hoi tu kreh an o Debleskri soor. Ap kowa dikah mer, kai hi o Dewel tuha.”

O Debleskro Lab 2024 (Sinte-Manouche)

² Kova vas an i rat pash o Yezouseste, oun penas: “Ray, mer djinah, kay tou hal i sikepaskro. O Devel bičras tout pash mende. Kek nay krell kova, hoy tou kreh an o Debleskri zoor. Ap kova dikah mer, kay hi o Devel touha.”

Johanni 3:2 ပူးပေါင်းရင်းမြစ်များ

1. Rajengro liil 17:24

Kote penas koi djuwel ap o Elija: “Kanna djinau, kai tu hal i Debleskro mursh. Un ko rakepen, hoi tu win rakreh an o baro Debleskro lab, hi o tchatchepen.”

Jesaja 51:7

Shunenn, hoi penau, tumer, kai prindjrenn o tchatchepen, tumer menshe, kai kamenn miro drom te djal. Ma darenn glan ko praassepen, koleha i menshe tumen praassenn! Ma darenn glan lengro baro mui!

Jeremia 38:16

Kote das pes o baro rai Zedekja tchorchanes sowel un penas: Glan o djido Debleste, kai men maro djipen das, penau tuke: Me mukau tut gar te marell, un me dau tut witar gar an o wast kol murshendar, kai kamenn tut te marell.

Mateo 22:16

Un jon bitchran pengre murshen pash leste. Lentsa djan ninna wawar mursha. Kolla his o Herodeskre mala. Un jon penan ap leste: “Sikepaskro, mer djinah, tu peneh o tchatchepen, un sikreh mishto i menshende o Debleskro drom. Tu rakreh kekeske pal o mui, ninna te hi len bud penepaske.

Mateo 23:7

Te djan le an o foro, kamenn le, te penenn i menshe ap lende: Latcho diwes, mo rai.

Mateo 23:8

Tumenge penau me: Ma mukenn tumen te kharell: Mo rai! Tumer han halauter phrala. Jek kokres hi tumaro rai.

Markus 12:14

Un jon wan pash leste, un penan: “Sikepaskro, mer djinah, tu peneh o tchatchepen, un rakreh kekeske pal o mui, ninna te hi les bud penepaske. Awa, tu sikreh mishto i menshende o Debleskro drom. Pen menge, hi mishto pal maro tchatchepen, te das mer o themeskre lowe o baro rajeste an o foro Rom? Plaissras len? Plaissras len gar?”

Johanni 1:38

Un o Jesus rissras pes trujel, un dikas len. Un job putchas lendar: “Hoi rodenn tumer?” Penan jon: “Sikepaskro, kai chah un soweh tu?”

Johanni 10:38

Te krau me, hoi o dad mange penas, patsenn ap kowa, hoi me krau! Jaake dikenn un prindjrenn tumer, kai o dad an mande hi un me an leste.”

Johanni 12:37

Ninna te kras job bud baro un sorelo koowa glan lende, kai kek mensho nai krella, patsan jon gar ap leste.

Johanni 14:10

Patseh tu gar, kai me an o dadeste hom un o dad an mande hi? Hoi me tumenge penau, kowa well gar mandar. Na-a! O dad, kai an mande hi, krell kowa halauter.

Johanni 15:24

Te kroms me gar glan lengre jaka ko baro koowa, hoi nai kek wawar kras, wals len kek doosh. Kanna dikan jon kowa. Un ninna te dikan le les, hi le tchilatcho ap mande un ap miro dadeste.

Johanni 2:11

Kowa his o ersto kopo, kai kras o Jesus i baro koowa an o Debleskri soor. Kowa kras lo an o gab Kana an o them Galilea. Kote sikras job peskro railepen un peskri soor. Un leskre mala patsan ap leste.

Johanni 20:16

“Maria!” penas o Jesus. Koi rissras pes li trujel, un penas ap hebretikes: “Rabuni!” Kowa kharella Sikepaskro.

Johanni 3:26

Un jon djan pash o Johanneste, un penan leske: “Sikepaskro, ko mursh, kai his pash tute ap o wawar panjeskri rig, pral koleste rakral, un bud menshe shunan kowa, kowa hi kate, un taufrell i menshen. Un hakeno djal pash leste.”

Johanni 4:31

Har i djuwel an o foro his, penan leskre mala ap leste: “Sikepaskro, cha tchomone!”

Johanni 5:36

Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man.

Johanni 6:2

Bud bud menshe djan leske palla. Jon dikan, hawo baro koowa job an o Debleskri soor kras ap i nasslende.

Johanni 7:31

Bud kol menshendar patsan ap leste un penan: “Te well o baro rai, kolestar o Dewel penas, te well job, nai krell kowa bareder koowa, har kau mursh Jesus?”

Johanni 9:16

Kote his Farisarja, kai penan: “Kau mursh was gar o Deblestar. Job budrell ap o Debleskro diwes.” Wawar penan: “Har nai krell i tchilatcho mursh sawo baro koowa?” Un mashkral lende djas o tchingepen.

Bičepangre 10:38

Tumer djinenn, har das o Dewel o Jesuseste dran Nazaret peskro Ducho un peskri soor. Un job djas trujel un kras latcho koowa, un kras lauteren sasto, kai o beng pandas. O Dewel his pash leste.

Bičepangre 2:22

Murshale dran Israel, shunenn kal laba, hoi penau tumenge! O Dewel bitchras ko murshes, o Jesuses dran Nazaret, pash tumende. Kowa kras baro un sorelo koowa mank tumende, hoi kek wawar nai krella. Jaake sikras o Dewel, kai o Jesus lestar was. Tumer djinenn kowa, un dikan kowa lauter.

Filiparja 1:14

Ninna bud patsle wan sorleder an o patsepen ap o rajeste, o Jesuseste, kanna, kai me stildo hom. Kolen hi buder kek traash, te sikrenn le i menshende o Jesuseskro drom.

Čačepangre 6:27

Kote las o Gideon deesh murshen peskre budepangrendar, un kras kowa jaake, har o baro Dewel leske penas. Un har daras lo i menshendar an peskro dadeskro kheer un an o foro, kras lo kowa an i rat un gar ap o diwes.