Johanni 3:17 - O Debleskro Drom 2021 (Sinte)

¹⁷ O Dewel bitchras peskro tchawes gar ap i phub, te anell job o Debleskri choli pral i menshende. Job was, te lell lo len dran o tchilatchepen un o merepen win.

O Debleskro Lab 2024 (Sinte-Manouche)

¹⁷ O Devel bičras peskro čaves gar ap i phoub, te anell yob o Debleskri rholi pral i menshende. Yob vas, te lell lo len dran o čilačepen oun o merepen vin.

Johanni 3:17 ပူးပေါင်းရင်းမြစ်များ

Zakarie 9:9

Ab bachtelo, tu foro Zion! Denn gole i bachtjatar, tumer menshe an Jerusalem! Dikenn, tumaro baro rai wella pash tumende! Job anell o tchatchepen, un well ap tumari rig. Job krell pes gar bares, un klissell ap i burika, awa, ap i terni burika.

Mateo 1:23

I terni tchai, kai gomme kek murshestar an tapedo was, lella i ternepen. Un jon denn les o lab Emmanuel. Kowa kharella: O Dewel hi mentsa.”

Mateo 18:10

Ma tchiwenn kol tiknen ap i rig, har te wans le tchi moldo. Me penau tumenge: I bolepangre, kai ap lende jak denna, kolla nai djana hako tsiro glan miro dadeste an o bolepen, te mangenn le les lenge.

Mateo 18:11

O Mensheskro Tchawo was ap i phub, te anell lo kolen ap o Debleskro drom pale, kai nashedo hi.

Louka 19:10

O Mensheskro Tchawo was, te rodell lo kolen, kai nashedo hi, un te anell lo kolen ap o Debleskro drom, kai ap o tchilatcho drom hi.”

Louka 9:56

Un jon djan an i wawar gab.

Johanni 1:29

Ap o wawar diwes dikas o Johanni, kai o Jesus pash leste wella. Un o Johanni penas: “Dikenn, kawa hi o Debleskro bakro, kai lell i menshengri doosh ap peste.

Johanni 10:36

Man hi o dadeskro wast. Un miro dad bitchras man ap kai phub. Me te penau, kai hom o Debleskro tchawo, har nai penenna tumer ap mande: Tu kreh, har te wess o Dewel?

Johanni 11:42

Me djinau, kai tu man hako tsiro shuneh. Me penau kawa kol bud menshenge, kai hi kai tardo, te dikenn le un te patsenn le, kai tu man bitchral.”

Johanni 17:18

Me bitchrau len pash i menshende, jaake har tu man pash i menshende bitchral.

Johanni 17:21

Me mangau tutar, te wenn le halauter jek, jaake har tu, tata, an mande hal, un me an tute hom. Jaake te wenn jon jek an mende, te patsenn i menshe, kai tu man bitchral.

Johanni 17:23

Me djiwau an lende. Un tu djiweh an mande. Jaake te wenn jon jek. Un i menshe dikenna, kai tu man bitchral, un kai tu len jaake kameh, har tu man kameh.

Johanni 17:25

Tata, tu hal an o tchatchepen tardo! I menshe ap kai phub prindjrenn tut gar. Me prindjrau tut. Un kalla haiwan, kai tu man bitchral.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Johanni 17:8

Hoi tu mange penal, penom me lenge dureder. Un jon lan mire laba pre un haiwan, kai me tchatchepah tutar wom. Un jon patsan, kai tu man bitchral.

Johanni 20:21

Pale penas o Jesus ap lende: “O Debleskri bacht tumentsa! Har miro dad man bitchras, jaake bitchrau me tumen.”

Johanni 3:34

Koles, kai o Dewel pash mende bitchras, kowa rakrell o Debleskre laba. O Dewel dell an leste peskro tselo Debleskro Ducho, un rikrell tchi pale.

Johanni 5:36

Man hi tchomone, hoi penell tumenge feteder o tchatchepen pral mande win har o Johanni. Kowa hi ko koowa, hoi krau, kolestar o dad mange penas, te krap kowa. Kowa sikrella, kai o dad bitchras man.

Johanni 5:38

Tumer patsenn gar an tumare djia, hoi job penas. Doleske patsenn tumer gar, kai me kowa hom, kones o Dewel bitchras.

Johanni 5:45

Ma patsenn, kai me phukrau ap tumende pash miro dadeste. Koi hi i wawar, kai phukrell ap tumende: O Mose, kolestar patsenn tumer, kai hi lo ap tumari rig.

Johanni 6:29

Penas o Jesus ap lende: “O Dewel kamella, te patsenn ap koleste, kai job bitchras.”

Johanni 6:38

Me wom gar dran o bolepen te krap kowa, hoi me kamau. Me wom te krap, hoi kowa kamella, kai bitchras man.

Johanni 6:40

Kowa kamell miro dad: Hakeno, koon o tchawes dikella, un ap leste patsella, lell o djipen, hoi gar pre-herella. Un me krau les i mulendar djido ap o palstuno diwes.”

Johanni 6:57

Jaake har o dad, kai bitchras man, hi djido, un das man o djipen, jaake dau me o djipen kolende, kai chan miro mass.

Johanni 7:29

Me prindjrau les! Me wom lestar! Un job bitchras man!”

Johanni 8:11

“Na-a, miro rai, kek hi koi,” penas koi romni. Penas o Jesus: “Jaake kamau me witar gar, te less i phagi. Dja khere, un ma an buder kek doosh ap tute!”

Johanni 8:42

“Te wals o Dewel tumaro dad”, penas o Jesus, “kamans man tumer. Lestar wom me. Me wom gar mandar. Hi o Dewel, kai bitchras man.

1. Johanni 2:2

Job kokres las mari doosh mendar, un las lat ap peste, har job menge ap o trushel meras. Gar mari doosh kokres las lo ap peste. Na-a, job las ninna i doosh i tsele menshendar ap kai phub ap peste.

1. Johanni 4:14

Mer dikam, kai o Dewel, maro dad, peskro tchawes bitchras. Doleske penah mer i menshenge, kai job kowa hi, kai lell len win dran o tchilatchepen un o merepen.