Johanni 3:10 - O Debleskro Drom 2021 (Sinte)

¹⁰ O Jesus putchas lestar: “Tu hal i sikepaskro an o them Israel un djineh kowa gar?

O Debleskro Lab 2024 (Sinte-Manouche)

¹⁰ O Yezous poučas lestar: “Tou hal i sikepaskro an o them Israel oun djineh kova gar?

Johanni 3:10 ပူးပေါင်းရင်းမြစ်များ

1. Familjakro liil 29:19

Un miro tchaweste Salomo de i tchatcho dji, te rikrell lo tire laba, un krell, hoi tu lestar kameh, un djiwell pal tiro tchatchepen; te krell job ninna lauter, te well tuke kau kheer kerdo, koleske kau tselo koowa khetne anom.

Debleskri gili 51:10

Muk man pale bacht te haiwell! Tu phagal man, kanna muk man pale te stell!

Debleskri gili 51:6

Ap tute kokres krom, hoi tchilatcho hi. Awa me krom, hoi midjak hi glan tire jaka. Doleske hi tut tchatches an tiro rakepen. Tu kreh o tchatchepen, te deh man i phagi.

Debleskri gili 73:1

I gili, hoi o Asaf kras. O Dewel hi latcho ap o Israel, ap lauterende, kolen i djudjo dji hi.

Jesaja 56:10

Kol mursha, kai hunte jak denn ap mire menshende, hi korelo, un jon halauter haiwenn tchi, un hi har djukle, kai kek gole denn. Jon hi koi tchiddo un dikenn suni, un kamenn te sowell.

Jesaja 9:16

Doleske nai well o Dewel gar bachtelo pral lengre terne murshende, un les nai hi kek dji kol tchawenge, kolen kek dad buder hi, ninna kol djuwjenge, kolengre romma meran. Jon halauter peran o Debleskro dromestar tele, kran tchilatcho koowa, un rakrenn pen dinlepen khetne. Pral kowa lauter mukell o Debleskri choli lendar gar tele, un leskro wast atchell pre hadedo, te dell lo len i phagi.

Jeremia 31:33

Ko newo koowa, hoi palle i menshentsa Israel win krau, hi wawartchandes. Me dau len mire laba an lengre djia un an lengre sherja. Me wau lengro Dewel, un jon wenn mire menshe. Kawa penell o baro Dewel.

Ezekiel 11:19

Un me dau len i newo dji, un tchiwau i newo ducho an lende dren. Un me lau ko dji dran bar dran lengro betch win. Un dau len i masselo dji.

Mateo 11:25

Un ap kau tsiro penas o Jesus: Tata, tu hal o rai pral o bolepen un i phub. Me sharau tut. Kowa, hoi tu kreh, sikral tu kolende, kai gar bud djinenna. Kolla, kai gosewo hi un bud djinenna, kolla haiwenn kowa gar.

Mateo 15:14

Mukenn le te rakrell! Jon hi korele un kamenn i korelen ap o wast te lenn. Un te lell i korelo i koreles ap o wast, perenn hake dui.”

Mateo 22:29

Penas o Jesus ap lende: “Tumer prindjrenn gar o Debleskro lab un o Debleskri soor witar gar. Doleske haiwan tumer tchi.

Louka 2:46

Pal triin diwessa hatsan le les an o Debleskro baro kheer. Un job his beshdo mashkral i sikepangre. Un job shunas, hoi jon rakran, un job putchas bud lendar.

Louka 5:17

His i diwes, kai job i menshenge o Debleskro lab penas. Un bud Farisarja un biboldengre tchatchepangre his mashkral lende beshdo. Jon wan dran i themma Galilea un Judea, un dran o foro Jerusalem. Un o Jesus kras i menshen sasto an o Debleskri soor.

Johanni 3:9

“Har djal kowa nai?” putchas o Nikodemus.

Bičepangre 5:34

Mank kol pralstunende his i Farisari, leskro lab his Gamalijel. Job his i biboldengro tchatchepaskro un an-diklo pash i tsele biboldende. Un kowa stas pre un penas: “Bitchrenn len i tikno tsiro win!”

Remarja 2:28

I tchatcho biboldo hi gar kowa, kai hi tchinlo ap peskro mass.

5. Mose 10:16

Doleske shunenn kanna ap o baro Debleste, un djan gar buder pal tumaro shero!

5. Mose 30:6

Tumaro baro Dewel dell tumen djia, hoi shunenn un krenn, hoi lo tumendar kamell. Tumen un kolen, kai tumendar wenna, dell lo sawe djia, jaake te kamenn tumer tumaro baro Debles o tselo djijestar un tumari tseli sorjah. Un tumer atchenn djido.

Filiparja 3:3

Mer, kai ap o Jesus Kristeste patsah, ham tchatchepah o Debleskre menshe. Ap mende hi o Debleskro Ducho. Jaake nai krah o Debleskri budi. Mer ham bachtelo pral kowa, hoi o Jesus Kristo menge kras un hunte rikras kek koowa, hoi wella i menshendar. Mer djinah, sawo koowa nai anell men gar pash o Debleste.

Kolossarja 2:11

Har mukan tumaro phuro djipen pal tumende, wan tumer o Debleskre menshe. I bibolde wan tchinlo i wastentsa ap pengro mass. Tumer wan gar tchinlo i wastentsa. Na-a! Tumer lan i newo dji, hoi das tumen o Jesus Kristo.