Johanni 21:7 - O Debleskro Drom 2021 (Sinte)

⁷ Koi penas ko jek kol deesh-te-dujendar, koles o Jesus o djijestar kamas, ap o Petreste: “Kowa hi maro rai.” Har o Simon Petro kowa shunas, riwas lo peskro pralstuno ripen an, hoi riwas lo win, un witsras pes an o pani, te well lo sikeder ap o them.

O Debleskro Lab 2024 (Sinte-Manouche)

⁷ Koy penas ko yek kol deesh-te-douyendar, koles o Yezous o djiyestar kamas, ap o Petreste: “Kova hi maro ray.” Har o Simon Petro kova shounas, rivas lo peskro pralstouno ripen an, hoy rivas lo vin, oun vitsras pes an o pani, te vell lo sikeder ap o them.

Johanni 21:7 ပူးပေါင်းရင်းမြစ်များ

Debleskri gili 118:23

O baro Dewel kras kowa. Un kowa hi menge i baro koowa, hoi haiwah gar.

Kamlepaskri gili 8:7

Ninna bud panja nai krenn o kamlepen gar win, un i sorele panja nai hidjrenn o kamlepen gar krik. Te kamals jek o kamlepen te ginell, un dals peskro tselo brawlepen koleske, sans i menshe les win.

Markus 11:3

Un te penell jek ap tumende: Hoske krenn tumer kowa? palle penenn ap leste: Hi maro rajeske, te beshell job ap late. Un job bitchrell lat sik pale pale.”

Louka 12:35

“Awenn hako tsiro mange koi! Un mukenn gar tumari momeli win te djal!

Louka 2:11

Kau diwes was tumenge an o foro Betlehem kowa boldo, kai lell tumen dran o tchilatchepen win. Job hi ko baro rai, kolestar o Dewel penas, te well job.

Louka 7:47

Un me penau tuke kanna: Lakri bari doosh hi latar krik lino. Doleske kamell li man o tselo djijeha. Koneske gar bud doosh krik lino wella, kowa kamell man gar i tselo djijeha.”

Johanni 13:23

Jek lendar, koles, kai kamas o Jesus o djijestar, his pash leste beshdo.

Johanni 19:26

Har o Jesus peskri dat dikas un pash late peskro males, koles, kai job o djijestar kamas, penas lo ap peskri date: “Romnija, dik, kowa hi kanna tiro tchawo!”

Johanni 20:2

Koi nashas joi pash o Simon Petreste un pash ko wawareste kol deesh-te-dujendar, koles, kai kamas o Jesus o djijestar, un penas ap lende: “Jon lan o rajes dran ko mulengro kheer win. Un mer djinah gar, kai jon les tchiwan.”

Johanni 20:20

Har job kowa penas, sikras job lende peskre wasta, un peskri rig. Koi wan o Jesuseskre mala bachtelo, kai dikan le pengro rajes.

Johanni 20:28

Koi penas o Thomas ap leste: “Miro rai un miro Dewel!”

Johanni 21:20

O Petro rissras pes trujel, un dikas koles kol deesh-te-dujendar, kai o Jesus les o djijestar kamas. Job his kowa, kai tchiwas pes ap o Jesuseskro betch an koi rati, har jon khetne chan, un putchas lestar: “Rai, koon mendar phukrella ap tute?”

Johanni 21:24

Kau maal o Jesusestar hi kowa, kai nai penell, kai kowa lauter tchatcho hi. Job dikas kowa un tchinas les an kau liil. Un mer djinah, kai kowa, hoi job penas, tchatcho hi.

Johanni 21:8

Kol wawar mala wan an ko bero, un tserdan ko matchengro gono pal pende. Jon his gar dur o themestar, nai well sheel metarja.

Bičepangre 10:36

Job mukas i biboldenge o latcho lab te penell, te hi o Jesus Kristo kowa, kai anell len pash o Debleste. Job hi gar lengro rai kokres, na-a, job hi o rai pral halauter.

Bičepangre 2:36

I tsele menshe an Israel hunte djinenna, o Dewel kras, te hi kau Jesus, koles tumer ap o trushel dan, o rai pral halauter. Job hi ko baro rai, kolestar o Dewel penas, te well job.”

1. Korintarja 15:47

O ersto mensho was i phubjatar un dran tchik kerdo. O duito mensho, o Jesus Kristo, was dran o bolepen.

2. Korintarja 5:14

O baro kamlepen, hoi o Jesus Kristo men das, bitchrell men pash i menshende. Un mer djinah, te meras jek menge, hi kowa jaake, har te merans le lauter.

Jakobo 2:1

Mire phrala, tumer patsenn ap maro rajeste, o Jesus Kristeste. Job hi o rai pral i tsele rajende. Doleske, ma dikenn ap i menshende, koon jon hi, un har brawelo jon hi!