Johanni 2:2 - O Debleskro Drom 2021 (Sinte)

² Kol bijabengre mangan o Jesuses ninna ap ko bijab te well peskre malentsa, un jaake his lo lentsa ninna ap ko bijab.

O Debleskro Lab 2024 (Sinte-Manouche)

² Kol biyabengre mangan o Yezouses ninna ap ko biyab te vell peskre malentsa, oun yaake his lo lentsa ninna ap ko biyab.

Johanni 2:2 ပူးပေါင်းရင်းမြစ်များ

Mateo 12:19

Job tchingrell pes gar, un dell gar bari gole. Un job krell kek baro rakepen ap o drom.

Mateo 25:40

Un o baro rai penell lenge: Tchatchepah, me penau tumenge: Ko latchepen, hoi tumer jekeske mire tchorwele phralendar kran, ko latchepen kran tumer mange.

Mateo 25:45

Palle penell lo ap lende: Tchatchepah, me penau tumenge: Ko latchepen, hoi tumer gar jekeske mire tchorwele phralendar kran, ko latchepen kran tumer mange ninna gar.

Johanni 2:12

Pal kowa djas lo peskri dah, peskre phralentsa un peskre malentsa an o foro Kapernaum. Koi atchan le gar rah.

Johanni 2:17

Koi was o Jesuseskre malenge an o shero, hoi an o Debleskro lab tchinlo hi: Miro kamlepen tiro khereske chal man pre har i jag.

Johanni 2:22

Pal i tsiro, har o Jesus i mulendar pre stas, wan leskre malenge kol laba pale an o shero, hoi o Jesus penas. Un jon patsan, kai kowa lauter tchatcho hi, hoi an o Debleskro lab tchinlo hi, un hoi o Jesus penas.

Johanni 2:3

Har len kek mool buder his, penas o Jesuseskri dai ap peskro tchaweste: “Len hi buder kek mool.”

Johanni 3:22

Pal kowa djas o Jesus peskre malentsa an ko them Judea, un atchas i tsiro kote, un taufras i menshen.

Johanni 4:2

His gar o Jesus, kai taufras len. Kowa kran leskre mala.

Johanni 4:33

Koi putchan leskre mala mashkral pende: “Anas leske jek tchomone chapaske?”

Johanni 4:8

Leskre mala his gar koi. Jon his an o foro, te ginenn le tchomone te chal.

Johanni 6:12

Har jon halauter tchalo his, penas job ap peskre malende: “Tchiwenn i tsele kotja khetne, hoi pral atchan, te djal kowa gar nashedo!”

Johanni 6:16

Har i rat was, djan leskre mala tele pash o pani,

Johanni 6:60

Har kolla, kai leha djan, kowa shunan, penan bud lendar: “Kowa hi kek shukar koowa, hoi job koi penella. Koon shunell kowa nai?”

Johanni 6:66

Ap ko tsiro tserdan pen bud kolendar pale, kai leske palla djan, un djan buder gar leha.

Johanni 6:67

Koi putchas o Jesus kol deesh-te-dujendar: “Kamenn tumer man ninna te mukell?”

Johanni 6:70

O Jesus penas lenge: “Me rodom tumen deesh-te-dujen win. Un an jekeste tumendar hi o beng.”

Johanni 6:71

Job rakras o Judasestar, leskro dad hi o Simon Iskariot. O Judas his jek kol deesh-te-dujendar, kowa kai phukrella ap leste.

Johanni 6:8

Jek leskre malendar, o Andreas, ko phraal o Simon Petrestar, penas ap o Jesuseste:

Bičepangre 11:26

Har o Barnabas les hatsas, anas lo les an o foro Antiochia. Un kol dui atchan i tselo bersh kote pash i patslende, un penan bud menshenge o Debleskro lab. Kote dan jon i patslen ko lab Kriste.

Bičepangre 11:29

Koi penan kol patsle an o foro Antiochia: “Mer dah mare phralen an o them Judea jaake bud lowe, har hakeno nai della.”

1. Korintarja 10:31

Hoi tumer ninna krenna un chana un pijenna, kowa krenn lauter jaake, te well o Dewel sharedo.

1. Korintarja 7:39

I romni hi ap peskro romeste pandlo jaake rah har job djiwella. Te merell o rom, hi li buder gar pandlo ap leste. Un joi nai romedinerell, kones joi kamella. Ap jek koowa hunte rikrell li pes: Joi hunte lell peske i patslo romes.

Kolossarja 3:17

Un lauter, hoi tumer krenna un penenna, kowa krenn un penenn jaake, te well maro rai Jesus sharedo! Un parkrenn tumen pash o Debleste, maro dadeste, lautereske, hoi o Jesus Kristo tumenge kras!

Hebrearja 13:4

Kolla, kai romedino hi, hunte bistrenn gar, te hi jon romedino. O rom hunte well gar khetne i wawar djuwjah, un i romni hunte well gar khetne i wawar mursheha. Djinenn, o Dewel dell i phagi kol murshende, kai chochenn pengri romjat, un kol djuwjende, kai chochenn pengro romes, ninna lauterende, kai lubrenn trujel.

Debleskro tsiro 3:20

Dikenn, me hom glan o wudar tardo, un dau ap ko wudar. Koon shunell, hoi me penau, un krell mange o wudar pre, pash koleste djau me dren, un chau leha, un job chal mantsa.