Johanni 19:9 - O Debleskro Drom 2021 (Sinte)

⁹ Job djas pale an peskro kheer un putchas o Jesusestar: “Kai weh tu?” O Jesus penas tchi koi pre.

O Debleskro Lab 2024 (Sinte-Manouche)

⁹ Yob djas pale an peskro kheer oun poučas o Yezousestar: “Kay veh tou?” O Yezous penas či koy pre.

Johanni 19:9 ပူးပေါင်းရင်းမြစ်များ

Jesaja 53:7

Job was phares dino, un rikras kowa win, un das kek gole. Har sau terno bakro his lo, koles jek koi anella te well lo maredo. Un har sau bakro, hoi gar gole dell, te wenn lestar i balla tele tchinlo. Jaake kras job peskro mui gar pre.

Mateo 26:63

O Jesus penas tchi. Pale penas o baro rashai ap leste: “Glan o djido Dewel, pen menge: Hal tu ko baro rai, kolestar o Dewel penas, te well job? Hal tu o Debleskro tchawo?”

Mateo 27:27

Palle anan o Pilateskre lurde o Jesuses an o baro kheer o themeskro rajestar. Un jon dan i tsele lurden gole, te wenn le kote khetne.

Louka 23:9

Kanna, har o Jesus glan leste tardo hi, putchas job o Jesusestar bud koowa. O Jesus penas tchi pale.

Johanni 18:28

Kanna anan le o Jesuses dran o Kajafeskro kheer win, un anan les an o baro kheer o themeskro rajestar, kai i Remari his. His taissarlake. I bibolde djan gar leha an ko baro kheer dren, te wenn le gar pale-tchiddo. Jon kaman te nai chan le ko chapen ap ko baro diwes, kai kharella Passa.

Johanni 18:33

O Pilato djas pale an peskro kheer, un mukas o Jesuses dren te anell, un putchas lestar: “Hal tu o baro rai pral i biboldende?”

Johanni 18:34

“Peneh tu kowa dran tute win? Penan kowa tuke wawar mandar?” putchas o Jesus.

Johanni 18:37

Putchas o Pilato lestar: “Hal tu tchatchepah i baro rai?” Penas o Jesus: “Awa, hi jaake har tu penal. Me hom i baro rai. Me wom boldo ap kai phub, te penap o tchatchepen. Koon an o tchatchepen tardo hi, kowa shunell ap mande.”

Johanni 19:10

Koi putchas o Pilato lestar: “Rakreh tu mantsa gar? Djineh tu gar, kai kowa an mire wasta hi, te mukap tut te djal. Un te dap tut ap o trushel, hi ninna an mire wasta?”

Johanni 19:8

Har o Pilato kowa shunas, was i bari daar ap leste.

Johanni 8:14

Penas o Jesus: “Ninna te rakrau mandar kokres, hi kowa tchatcho, hoi penau. Me djinau, konestar me wom, un kai me djaua. Tumer djinenn gar, konestar me wom, witar gar, kai me djaua.

Filiparja 1:28

Ma darenn kolendar, kai kamenn gar o Jesus Kristes, un kai chan pen ap tumende! Te han sorelo an o patsepen tardo, sikrell kowa lende, te djan jon nashedo, un te lenn tumer o djipen an o bolepen, hoi wella o Deblestar.

Čačepangre 13:6

Un koi djuwel djas pash peskro romeste un penas ap leste: “I Debleskro mursh was pash mande. Un job dikas win har i bolepaskro o Deblestar, jaake te lom daar. Un doleske putchom me lestar witar gar, kai job wella. Un job penas mange gar, har job kharella.