Johanni 19:1 - O Debleskro Drom 2021 (Sinte)

¹ Koi las o Pilato o Jesuses, un mukas les i tchupnijah te dell.

O Debleskro Lab 2024 (Sinte-Manouche)

¹ Koy las o Pilato o Yezouses, oun moukas les i čoupniyah te dell.

Johanni 19:1 ပူးပေါင်းရင်းမြစ်များ

Debleskri gili 129:3

Miro dumo dan le pre, har i hacho i phub pre dell un lengste tchinepangre krell.

Jesaja 50:6

Me rikrom kolenge miro dumo, kai dan mange dawa, un rikrom mire tchamja kolenge koi, kai tserdan balla dran miri tchora. Me khatrom gar miro mui, har praassan le man un tchungran ap mande.

Jesaja 53:5

Mari doosh his kowa, kolake job dukedo was. Un koleske, hoi mer tchilatches kram, was job khetne dino. I phagi his ap leste tchiddo, te djas menge mishto. Job was dukedo, te was mer sasto.

Mateo 20:19

Jon denn les an i wasta kolendar, kai kek bibolde hi. Un kolla praassenn les, denn les dawa i tchupnijah, un denn les ap o trushel, te merell lo. Pal triin diwessa krell o Dewel les pale djido.”

Mateo 23:34

Shunenn, bitchrau pash tumende mire rakepangren, mire gosewe murshen, un mire tchatchepangren. Kolen denn tumer ap o trushel, marenn len, un denn len dawa an tumare kangria. Un tumer lenn len palla an hako foro.

Louka 18:33

Jon denn les i tchupnijah, un marenn les. Un pal triin diwessa krell o Dewel les djido.”

Louka 23:16

Me mukau les dawa te dell, un mukau les te djal.”

Louka 23:23

Jon dan sorleder gole, te well lo ap o trushel dino. Un har jon gar tele mukan, shunas o Pilato ap lende un penas:

2. Korintarja 11:24

I biboldendar lom me pantch kope triin-deesh-te-enja (39) dawa i tchupnijah.

Hebrearja 11:36

Wawar wan praassedo, un wan i tchupnijah dino. Wawar wan i sasterne shellentsa pandlo, un an o stilepen witsedo.

1. Petro 2:24

O tchilatchepen, hoi mer kram, las o Jesus Kristo ap peste, un hidjras les ap o trushel. Har job menge meras, hi kowa jaake, har te meram mer leha. Kanna hi o tchilatchepen an mende mulo. Un mer djiwah nai i latcho un tchatcho djipen. Kol duka, hoi o Jesus ap peste las, kran maro djipen sasto.