Johanni 18:12 - O Debleskro Drom 2021 (Sinte)

¹² Un i lurde pengro pralstuneha un i biboldengre kliste tapran o Jesuses un pandan les.

O Debleskro Lab 2024 (Sinte-Manouche)

¹² Oun i lourde pengro pralstuneha oun i biboldengre kliste tapran o Yezouses oun pandan les.

Johanni 18:12 ပူးပေါင်းရင်းမြစ်များ

Johanni 18:3

Un o Judas djas kote. Leha wan kol lurde un kliste, kolen i bare rashaja un i Farisarja bitchran. Len his chare un kashta un hidjran momlia un jag.

Mateo 26:57

Kolla, kai o Jesuses pandan, anan les pash o baro rashajeste, o Kajafas. Un kote wan i biboldengre tchatchepangre un phureder khetne.

Bičepangre 21:37

Har jon o Paules an o lurdengro kheer kaman te anell, putchas lo ko pralstunestar: “Nai rakrau tuha?” Kowa penas: “Rakreh tu grichtikes?

Bičepangre 21:31

I menshe djan ap o Pauleste pre un kaman les te marell. Koi was o pralstuneske pral i lurdende penlo, kai halauter an o foro Jerusalem diwjo wan.

Louka 22:54

Un jon pandan les un anan les an o baro rajeskro kheer. O Petro djas lenge palla, un atchas i kotar pal lende.

Markus 15:1

Sik taissarlake wan i bare rashaja un i biboldengre phureder un tchatchepangre khetne i tsele pralstune biboldentsa. Un jon rakran khetne, hoi te krenn le o Jesuseha. Un jon pandan les, anan les pash o Pilateste un dan les an leskre wasta.

Markus 14:53

Un jon anan o Jesuses pash o baro rashajeste. Un i tsele bare rashaja un i biboldengre phureder un tchatchepangre wan khetne.

Mateo 27:2

Un jon pandan les, un anan les pash o themeskro rajeste. Leskro lab his Pilato. Job his i Remari. An leskre wasta dan le o Jesuses.

Čačepangre 16:21

Un i Filistarja tapran les, un dan leske i jaka win tchurje. Un jon anan les tele an o foro Gaza un pandan les sasterne shellentsa. Un an o stilepen hunte kras lo o djob tiknes an i djobeskri.

1. Mose 22:9

Jaake wan le ap koi platsa, hoi o Dewel leske penas. Kote kras o Abraham i chatchepaskri o Debleske, tchiwas ko kasht koi pre, las peskro tchawes, pandas les un tchiwas les ap ko kasht pral pre.

Bičepangre 23:10

Ko tchingepen was jaake baro, te trashas ko pralstuno lurdo, te tserdans jon nai o Paules an kotja. Dran kowa das job peskre lurden gole, te anenn le les pale an o lurdengro kheer.

Debleskri gili 118:27

O baro Dewel hi kokres o Dewel. Kamles dikell lo ap mende. Awenn, lenn palmtikre patria an o wast, un djan khelepah glan o Debleskri chatchepaskri!

1. Mose 40:3

un tchiwas len stildo an ko kheer o pralstunestar i lurdendar. An ko stilepen his ninna o Josef.

Mateo 27:27

Palle anan o Pilateskre lurde o Jesuses an o baro kheer o themeskro rajestar. Un jon dan i tsele lurden gole, te wenn le kote khetne.

Bičepangre 10:1

An o foro Cesarea djiwas i mursh, ko kharas Kornelio. Kowa his i Remarjengro pralstuno pral sheel lurdende. Kolen kharan le i lurde dran Italia.