Johanni 18:1 - O Debleskro Drom 2021 (Sinte)

¹ Har o Jesus kowa penas, djas job peskre malentsa win. Un jon djan wergel ko pani, hoi kharella Kidron. Koi his i baar. Koi dren djas o Jesus peskre malentsa.

O Debleskro Lab 2024 (Sinte-Manouche)

¹ Har o Yezous kova penas, djas yob peskre malentsa vin. Oun yon djan vergel ko pani, hoy kharella Kidron. Koy his i baar. Koy dren djas o Yezous peskre malentsa.

Johanni 18:1 ပူးပေါင်းရင်းမြစ်များ

1. Mose 2:15

Un o baro Dewel, maro rai, las o romes un tchiwas les an i baar ‘Eden’, te budrell job kote, ninna te dell job jak ap i baar.

1. Mose 3:23

Un o baro Dewel, maro rai, bitchras les win dran i baar ‘Eden’, te budrell job ap i hachetikri phub. Dran i tchik i phubjatar was o mensho kerdo. Un kanna hunte budrell job koi pre.

2. Samuel 15:23

Un lauter, kai pale atchan, rowan soreles, har kol tsele lurde glan leste wergel djan. Un o baro rai djas wergel ko tikno pani Kidron. Un khetne leha djan kol tsele lurde dureder ap ko drom, kai djal an ko mulo them.

1. Rajengro liil 15:13

Un ninna kras lo, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

1. Rajengro liil 2:37

Djin, an ko diwes, kai tu djah win un nasheh pral o pani Kidron, hunte meress. An ko diwes well tiro rat pral tute.”

2. Rajengro liil 23:12

Un job kras kol chatchepangre paash, hoi pral ap o kheer koi tardo his, kai o Ahases leskri isema his. Kol chatchepangren mukan i bare raja pral o them Juda te krell. Ninna kolla, kai o Manasse kras, phagas lo tele. Kolla his tardo ap kol dui platse glan o baro Debleskro kheer. Un o Josia djas koi un witsras lengri tchik an ko tikno pani, hoi kharell Kidron.

2. Rajengro liil 23:4

Un o baro rai penas o pralstuno rashajeske Hilkija un wawar bare rashajenge, un kolenge, kai denn garda ap o wudar, te witsrenn le dran o baro Debleskro kheer kol tsele koola win, hoi kol deblenge Baal un Ashera un kol tsele bolepangre momelenge kerdo wan. Un job mukas halauter te chatchrell an i jag, win glan o foro Jerusalem an o telstuno them, hoi kharell Kidron. Un i jagakri tchik mukas lo an o foro Betel te anell.

2. Rajengro liil 23:6

Un o Josia mukas koi kashteni debletsa Ashera dran o baro Debleskro kheer te anell glan o foro Jerusalem pash ko tikno pani, kai kharell Kidron. Un kote mukas lo lat te chatchrell. Un hoi latar pral atchas, mukas lo tiknes te krell har phubjakri tchik, un tchiwas kowa khetne koi jagakri tchik ap o handako, kai i tchorwele paskedo wan.

2. Familjakro liil 15:16

Un ninna kras o baro rai Asa, te his leskri dai, i Maacha, buder gar i rani. Kowa kras lo doleske, kai mukas li i djungeli figura te krell, hoi i debletsa Ashera sikras. Un o Asa das lakri djungeli figura an kotja un chatchras lat pash o pani Kidron.

2. Familjakro liil 29:16

Un i rashaja djan an o baro Debleskro kheer dren, te krenn le les djudjo, un anan ko tselo koowa, hoi pale-tchiddo his, win ap i glanstuni platsa. Un kote lan i Levitarja kowa un anan les win pash o pani Kidron.

2. Familjakro liil 30:14

Un jon kran pen ap i budi, te lenn le kol tsele chatchepangre krik dran Jerusalem, kai i mule debla an-mangedo wan. Ninna kol boba, kai lenge sungepaskro koowa chatchedo was, lan le krik un witsran halauter pash o pani, hoi kharell Kidron.

Nehemia 2:15

klissom i kotar dureder an o telstuno panjeskro them, un dikom mange mishto ko massuri kote an. Palle rissrom man un wom pale pash o Telstuno Wudar, kai glan i tsiro dren djom.

Jeremia 31:40

Un koi tseli tala, kai i mule paskedo hi, un i jagakri tchik win tchoredo was, tele bis pash o pani Kidron, pral bis pash o grajengro wudar, hoi ap koi rig hi, kai o kham pre djal, koi tseli tala hi o baro Debleske. Un ko foro well buder gar tele phagedo un paash kerdo – an kek tsiro.

3. Mose 2:6

Tu phagess koi merkli an kotja un tchoress djet pral. Jaake hunte well i chapen dran djob anlo glan o Debleste.

Mateo 26:30

Un palle giwan le o Debleske i gili, un djan win pash o djeteskri berga.

Mateo 26:36

Un palle djas o Jesus peskre malentsa an i baar, hoi kharella Getsemani. Un job penas ap lende: “Beshenn tumen kate! Me djau kote, te rakrap o Debleha.”

Markus 14:26

Palle giwan le o Debleske i gili, un djan win pash o djeteskri berga.

Markus 14:32

Un jon wan an i baar, koi kharas Getsemani. Un o Jesus penas ap peskre malende: “Beshenn tumen kate jaake rah, har rakrau o Debleha.”

Markus 14:42

Stenn pre! Djas menge! Dikenn, ko phukepaskro wella.”

Johanni 14:31

Me krau, hoi miro dad mange penas, te dikenn i menshe ap kai phub, kai kamau les o djijestar. Stenn pre, te djas menge!”

Johanni 18:26

“Dikom me tut gar an i baar pash leste?” penas jek klisto, kai budrell ko baro rashajeske. Kau klisto his jek koleskre menshendar, koleske o Petro o kand tele das.

Bičepangre 21:11

Un job was pash mende, las koi dori, hoi o Paules trul peskro ripen his, un pandas peskre pire un wasta, un penas: “Kowa penas mange o Debleskro Ducho: Ko mursh, koneske kai dori hi, koles pandenn i bibolde an o foro Jerusalem, un denn les an i wasta kolendar, kai kek bibolde hi.”