Johanni 16:7 - O Debleskro Drom 2021 (Sinte)

⁷ Patsenn man: Hi mishto tumenge, te djap mange. Te djau me gar, nai well ko rakepaskro gar pash tumende, kai wella ap tumari rig. Me te djau mange, bitchrau les pash tumende.

O Debleskro Lab 2024 (Sinte-Manouche)

⁷ Patsenn man: Hi mishto t'menge, te djap mange. Te djau me gar, nay vell ko rakepaskro gar pash t'mende, kay vella ap t'mari rig. Me te djau mange, bičrau les pash t'mende.

Johanni 16:7 ပူးပေါင်းရင်းမြစ်များ

Debleskri gili 68:18

Bud serja wurdja hi o Debles. Lentsa was lo ap i berga Sinai, un djal dren an peskro kheer.

Louka 24:49

Un me bitchrau tumenge koles, kolestar miro dad penas, te well job pash tumende. Atchenn an o foro Jerusalem jaake rah, bis te lan i soor dran o bolepen!”

Louka 4:25

Tchatchepah, me penau tumenge: Ap ko tsiro, kai o Debleskro rakepaskro Elija djiwas, djiwan bud djuwja, kolengre mursha mulo hi, an o them Israel. Ap ko tsiro das triin-te-paash bersha kek brishin. Un i bari bok was an o tselo them.

Louka 9:27

Tchatchepah, me penau tumenge: Kate hi menshe tardo, kolla merenna gar, bis te dikenn le o Debleskro railepen un soor, hoi an mande diklo wella.”

Johanni 14:26

Me te hom buder gar pash tumende, bitchrell o dad tumenge o rakepaskres, kai well ap tumari rig. Kowa hi o Debleskro Ducho. Un job penell tumenge halauter jaake, te nai haiwenn kowa mishto. Un job mukell tumenge halauter an o shero te well, hoi me tumenge penom.

Johanni 14:28

Tumer shunan, hoi me penom: Me djau mange un wau pale pash tumende. Te kamans man o djijestar, wans tumer bachtelo, kai me pash o dadeste djau. Miro dad hi bareder har me.

Johanni 14:3

Un te krom halauter jaake, te nai tserdenn dren, wau me pale, un lau tumen pash mande, te wenn tumer kote, kai me hom.

Johanni 15:26

Te hom pash o dadeste, palle bitchrau tumenge o rakepaskres, kai wella ap tumari rig. Kowa hi o Debleskro Ducho. An leste hi o tchatchepen. Job wella o dadestar, un penell o tchatchepen pral mande.

Johanni 16:8

Job te wella, palle krell job i menshenge i jaka pre pral lengri doosh, pral o Debleskro tchatchepen un pral o Debleskri choli, hoi wella pral kai phub.

Johanni 7:39

Job penas kowa pral o Debleskro Ducho, hoi kolla lenna, kai ap leste patsenna. O Debleskro Ducho his gomme gar koi. Ap ko tsiro his o Jesus gomme gar pash o Debleste an o bolepen, te bitchras lo les ap lende.

Bičepangre 10:34

Un o Petro penas: “Kanna haiwau me tchatchepah: O Dewel dikell gar koi pre, hawe menshendar jek wella: te well lo i biboldendar, – te well lo kolendar, kai kek bibolde hi. Job dikell latches ap hakeneste, kai mangell les an, un kai krell o tchatchepen.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Remarja 8:28

Mer djinah, halauter well mishto kolenge, kai o Debles kamenna. Glan rah tsiro his o Debles an peskro dji, te dell lo menshen gole, te djiwenn le leha khetne.

2. Korintarja 4:17

Ko pharo koowa, hoi mer kanna hidjrah, hi tikno un djal peske. Pal kowa well i baro railepen. Kowa hi shukeder har halauter, hoi kanna djinah, un djal peske gar.