Johanni 16:3 - O Debleskro Drom 2021 (Sinte)

³ Jon prindjrenn o dades gar un man witar gar. Doleske krenn jon kowa.

O Debleskro Lab 2024 (Sinte-Manouche)

³ Yon prindjrenn o dades gar oun man vitar gar. Doleske krenn yon kova.

Johanni 16:3 ပူးပေါင်းရင်းမြစ်များ

Louka 10:22

Lauter das miro dad an mire wasta. Un kek djinella, koon o tchawo hi, har kokres o dad. Un kokres o tchawo djinella, koon o dad hi. Un o tchawo sikrell o dades kolende, kai job win rodas.”

Johanni 15:21

Tumer han miro. Doleske hi jon tchilatcho ap tumende. Jon prindjrenn koles gar, kai bitchras man.

Johanni 15:23

Koon man gar kamella, kowa kamell witar gar miro dades.

Johanni 17:25

Tata, tu hal an o tchatchepen tardo! I menshe ap kai phub prindjrenn tut gar. Me prindjrau tut. Un kalla haiwan, kai tu man bitchral.

Johanni 17:3

Kowa hi ko djipen, hoi gar pre-herella: Te prindjrenn jon tut, kai tu hal o tchatcho Dewel, un te prindjrenn jon o Jesus Kristes, koles tu bitchral ap kai phub.

Johanni 8:19

Putchan jon lestar: “Kai hi tiro dad?” Penas o Jesus: “Tumer prindjrenn man gar, witar gar miro dades. Te prindjrans tumer man, jaake prindjrans ninna miro dades.”

Johanni 8:55

Tumer prindjrenn les gar. Me prindjrau les. Te penaus me, kai prindjrau les gar, woms i chocheno har tumer. Me prindjrau les un krau, hoi job penella.

Bičepangre 3:17

Me djinau, mire phrala, kai tumer djinan gar, hoi tumer koi kran o Jesuseha. Un tumare pralstune djinan kowa witar gar.

1. Korintarja 2:8

Kowa prindjran i raja ap kai phub gar. Te nai dikans le an o Debleskro dji, dans le o Jesuses, ko rajes pral i tsele rajende, gar ap o trushel.

2. Tessalonikarja 1:8

un i jag hi trul lende. Palle well o Debleskri choli pral kolende, kai kaman lestar tchi te djinell, kolla kai shunan gar ap o latcho lab maro rajestar, o Jesusestar, un kaman gar ap leskro drom te djal.

1. Timoteo 1:13

His i tsiro, kai rakrom djungeles pral leste, un lom i patslen palla, te marap len. An ko tsiro prindjrom les gar, un djinom gar, hoi me krom. Job kras mange peskro dji pre, un las man dran o tchilatchepen win.

1. Johanni 2:23

Hakeno, kai o Debleskro tchawes buchoste della, prindjrell witar gar o Debles, kai leskro dad hi. Koon ap o Jesuseste patsella, un i menshenge penella, te hi o Jesus o Debleskro tchawo, kowa prindjrella ninna o Debles, leskro dades.

1. Johanni 3:1

Dikenn, har baro o Debleskro kamlepen menge hi. O Dewel, maro dad, penell ap mende: “Mire tchawe.” Un tchatchepah, kolla ham mer. Dran kowa haiwenn men kol menshe gar, kai o Debles gar prindjrenna. Jon haiwenn gar, koon job hi.

1. Johanni 4:8

O Dewel hi pherdo djijeskro kamlepen. Kones kek dji o wawareske hi, kowa prindjrell o Debles gar.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.