Johanni 15:4 - O Debleskro Drom 2021 (Sinte)

⁴ Atchenn an mande un me atchau an tumende! Te atchenn tumer gar an mande, well kek latcho koowa dran tumende, jaake har ko kasht nai anell dran peste kek drake. Job hunte atchell ap o ruk.

O Debleskro Lab 2024 (Sinte-Manouche)

⁴ Ačenn an mande oun me ačau an t'mende! Te ačenn t'mer gar an mande, vell kek lačo koova dran t'mende, yaake har ko kasht nay anell dran peste kek drake. Yob hounte ačell ap o rouk.

Johanni 15:4 ပူးပေါင်းရင်းမြစ်များ

Kamlepaskri gili 8:5

Koon hi koja, kai well pre dran o mulo tato them, mussi an mussi peskri pirneha? Tel o phabjengro ruk djangrom tut, kote, kai tiri dai tuha wawartchandes was, un tu boldo wal.

Hosea 14:8

Un me hom lenge har i ruk, kai leskre mussja pral lende rikrell, un tel koleste jon beshdo hi. Un lenge well djob pale bares. Un jon wenn har i drakengro ruk, koles bud bud drake hi. Latches well pral lende rakedo, har pral koi mool dran o Libanon.

Mateo 12:33

Te hi tumen i latcho phabjengro ruk, hi tumen ninna latche phabja. Te hi tumen i phabjengro ruk, kai gar latcho hi, hi tumen ninna phabja, kai gar latcho hi. Ap kowa, hoi o rukestar wella, dikenn tumer, har ko ruk hi.

Louka 8:15

Koi latchi phub hi har o dji kol menshendar, kai o Debleskro lab shunenna, un djiwenn koi pal. An lengre djia well ko lab sorelo. Un jon atchenn soreles an o patsepen tardo.”

Johanni 14:20

Ko diwes wella, kai tumer djinenna, kai me an miro dadeste hom, un tumer an mande han, un me an tumende hom.

Johanni 17:23

Me djiwau an lende. Un tu djiweh an mande. Jaake te wenn jon jek. Un i menshe dikenna, kai tu man bitchral, un kai tu len jaake kameh, har tu man kameh.

Johanni 6:56

Koon chala miro mass, un pijell miro rat, kowa atchella an mande, un me atchau an leste.

Johanni 8:31

Ap kol biboldende, kai kanna ap leste patsan, penas lo: “Tumer te krenna, hoi me tumenge penau, palle han tumer tchatchepah mire mala, kai mire laba pre lan.

Bičepangre 11:23

Har job koi his un dikas, hoi o Dewel an peskro baro latchepen kote lauter kras, was lo bachtelo un mangas len, te atchenn le pengro tselo djijeha pash o Jesuseste.

Bičepangre 14:22

djan pash i patslende un dan len soor an o dji, un rakran lenge an o dji, te atchenn jon an o patsepen. Un jon penan ap kol patslende: “Ap maro drom pash o Debleste an o bolepen krenn menge i menshe o djipen phares.”

2. Korintarja 13:5

Dikenn ap tumende, har tumer an o patsepen tardo han! Hi tumaro patsepen tchatcho? Djiwell o Jesus Kristo mank tumende? Te haiwenn tumer gar, te hi lo mank tumende, palle hi tumaro patsepen tchi moldo.

Galatarja 2:20

Kowa hom gar me, kai djiwau kanna. Hi o Jesus Kristo, kai djiwell an mande. Un ko djipen, hoi kanna djiwau, djiwau me an o patsepen ap o Debleskro tchaweste. Job kamas te djiwap, un das peskro djipen mange an o merepen.

Efesarja 3:17

Me mangau lestar ninna, te djiwell o Jesus Kristo an tumende dran tumaro patsepen, un te kamenn tumer o Debles un ninna jek o wawares o djijestar. Palle han tumer har i ruk, koleskre draba djan dur an i phub. Un tumer han har i kheer, hoi soreles tardo hi.

Filiparja 1:11

Un ko bud latcho un tchatcho koowa, hoi tumer kran, krell o Debles bares. Kowa kran tumer an i soor, hoi o Jesus Kristo das tumen.

Kolossarja 1:23

Jek koowa hunte krenn tumer: Atchenn ap o Jesuseskro drom! Patsenn soreles ap leste! Mukenn gar tele, te dikenn ap kowa, hoi tumen hi pash o Debleste! Rikrenn soreles ap leskro latcho lab, hoi tumenge penlo was! Ko lab was penlo ap i tseli phub. Ninna me, o Paulo, hunte penap ko lab i menshenge. Kowa hi miri budi.

Kolossarja 1:27

Kolen sikras o Dewel, har baro un shukar ko drom hi, hoi anell ninna kol menshen pash leste, kai kek bibolde hi. Un ko drom hi o Jesus Kristo, kai djiwell an tumende. Doleske djinenn nai, te djiwenn tumer leha khetne an o bolepen.

Kolossarja 2:6

Tumer lan o rajes, o Jesus Kristes, an tumare djia. Djiwenn kanna jaake leha khetne,

1. Tessalonikarja 3:5

Doleske rikrom kowa buder gar win, un bitchrom o Timotes pash tumende, te nai penell lo mange, har han tardo an tumaro patsepen. Man his traash, te anals tumen o beng o Debleskro dromestar tele. Palle wals mari budi pash tumende tchitcheske.

Hebrearja 10:39

Tchatchepah, mer ham gar kolendar, kai mukenn leskro drom un djan nashedo. Na-a. Mer ham kolendar, kai atchah an o patsepen, un lah o djipen, hoi gar pre-herella.

1. Johanni 2:6

Koon penella, te atchell lo o Debleha khetne, kowa hunte djiwella jaake, har o Jesus Kristo djiwas.

2. Johanni 1:9

Hakeno, koon atchell gar pash kol laba, hoi o Jesus Kristo menge penas, un penell wawar koowa, kowa atchell gar o Debleha. Kowa, kai atchell pash kol laba, hoi o Jesus Kristo menge penas, kowa atchell o Debleha, maro dadeha, un peskro Tchaweha.