Johanni 14:9 - O Debleskro Drom 2021 (Sinte)

⁹ “Jaake rah hom pash tumende un tu prindjreh man gar, Filipo?” penas o Jesus. “Koon man dikella, kowa dikell o dades. Har nai peneh tu: Sike mende o dades?

O Debleskro Lab 2024 (Sinte-Manouche)

⁹ “Yaake rah hom pash t'mende oun tou prindjreh man gar, Filipo?” penas o Yezous. “Koon man dikella, kova dikell o dades. Har nay peneh tou: Sike mende o dades?

Johanni 14:9 ပူးပေါင်းရင်းမြစ်များ

1. Mose 26:9

Koi mukas o Abimelech o Isaakes te kharell un penas ap leste: “Dik! Koja hi tiri romni. Hoske penal tu, kai joi tiri pheen hi?” Penas o Isaak ap leste: “Me darom, te denn man le mulo un lenn jon lat.”

Debleskri gili 11:1

I gili o rajeske pral i gipangre. O David kras kai gili. Me tchiwau miro tselo patsepen ap o baro Debleste. Har nai penenn tumer palle ap mande: “Naash har i tchirklo an i berge!

Jeremia 2:23

Har nai peneh tu: Me krom man gar pale-tchiddo? Me nashom gar kol deblenge palla, hoi kharenn Baal. Dik ap tute, hoi tu kreh an i tala! Ma biste, har djiwal! Har i khamela, kai hi bipandlo, nasheh tu trujel,

Markus 9:19

Koi penas o Jesus ap lende: “Hawe menshe han tumer, kai hi tumen kek patsepen! Har rah hunte atchap pash tumende? Har rah rikrap me pash tumende win? Anenn les kate pash mande!”

Louka 12:56

Tumen hi dui djia! Tumer dikenn ap i phub un ap o bolepen un djinenn, hoi wella. Hoske nai haiwenn gar, hoi an kau tsiro glan tumare jaka lauter djala?

Johanni 1:14

Ko lab was i mensho, un djiwas pash mende. Un mer dikam leskro railepen un leskri soor, kai o Dewel peskro tchawes das. Kowa his pherdo latchepen un tchatchepen.

Johanni 10:30

Me un o dad ham jek.”

Johanni 12:45

Un koon man dikella, kowa dikell koles, kai bitchras man.

Johanni 14:20

Ko diwes wella, kai tumer djinenna, kai me an miro dadeste hom, un tumer an mande han, un me an tumende hom.

Johanni 14:7

Te prindjrans man, prindjrans ninna miro dades. Un kanna prindjrenn les tumer un dikan les.”

Johanni 8:19

Putchan jon lestar: “Kai hi tiro dad?” Penas o Jesus: “Tumer prindjrenn man gar, witar gar miro dades. Te prindjrans tumer man, jaake prindjrans ninna miro dades.”

1. Korintarja 15:12

Mer penam tumenge, kai o Jesus Kristo i mulendar pre stas. Har nai penenn menshe mank tumende: “Ko della gar, kai i mule pre stenna.”

Filiparja 2:6

Ninna te his lo o Dewel, mukas lo peskro railepen un peskri soor, hoi les an o bolepen his.

Kolossarja 1:15

Kek nai dikell o Debles. Har leskro tchawo ap i phub was, sikras job har o Dewel hi. O Jesus Kristo hi jaake har peskro dad. Un job hi bareder har lauter, hoi kerdo was.

Hebrearja 1:3

O Debleskro tchawo hi railo un baro har o Dewel. Un kowa, hoi hi o Debles an o dji, hi ninna o tchawes an o dji. Dran leskro sorelo lab rikrell lo lauter khetne, hoi job kras. O Debleskro tchawo las mari doosh un maro tchilatchepen mendar, un job beshas pes ap i tchatchi rig o baro Deblestar an o bolepen.

1. Johanni 5:20

Mer djinah, kai o Debleskro tchawo ap kai phub was, te krell lo mare jaka pre, te prindjras o tchatcho Debles. Un jaake har mer ham khetne o Debleskro Tchaweha, o Jesus Kristeha, jaake ham khetne o tchatcho Debleha. O Jesus Kristo hi o tchatcho Dewel. Un job dell ko djipen, hoi gar pre-herella.