Johanni 13:4 - O Debleskro Drom 2021 (Sinte)

⁴ Doleske stas job pre, riwas peskre pralstune ripja win un pandas peske i damdira trujel.

O Debleskro Lab 2024 (Sinte-Manouche)

⁴ Doleske stas yob pre, rivas peskre pralstoune ripya vin oun pandas peske i damdira trouyel.

Johanni 13:4 ပူးပေါင်းရင်းမြစ်များ

2. Rajengro liil 3:11

O Josafat penas: “Hi kek baro Debleskro rakepaskro kai, te putchell kowa menge o baro Deblestar?” Koi penas jek kol murshendar ko baro rajestar pral Israel un penas: “Kate hi o Elisa, koleskro dad o Shafat hi. Job budras o Elijeske, tchoras leske o pani ap i wasta.”

Louka 12:37

Bachtele hi kol budepangre, kai sowenn gar, te well lengro rai pale. Me penau tumenge: O rai penell lenge, te beshenn le pen tele, te chan le. Un job pandell peske i damdira trujel, un hi lenge koi.

Louka 17:7

“Shunenn, hoi me tumenge penaua: Kek tumendar penella ap peskro budepaskro, kai pal peskri budi ap o kotar them khere wella: Am, besh tut kate tele, cha un pi!

Louka 17:8

Ko krenn tumer gar. Tumer penenn leske: Rib tut trujel un kre mange chapaske! An ko chapen pash mande! Palle nai chah un pijeh tu ninna.

Louka 22:27

Koon kol dujendar hi bareder: Kowa, kai pash i chapaskri beshdo hi? Kowa, kai tchiwell o chapen ap i chapaskri? Tchatchepah, kowa, kai pash i chapaskri beshdo hi! Un me hom mashkral tumende har jek, kai tumenge budrella.

Johanni 13:12

Har lengre pire thodo his, las o Jesus peskre pralstune ripja, beshas pes pale tele un penas ap lende: “Djinenn tumer, hoi me tumenge krom?

2. Korintarja 8:9

Tumer djinenn, har latcho maro rai, o Jesus Kristo, ap tumende his. Job his brawelo, un was tumenge tchorwelo. Kowa was lo, te wenn tumer brawelo.

1. Johanni 3:11

Ko lab, hoi tumer shunan, har patslo wan, hi kowa: Mer patsle hunte kamas men jek o wawares o djijestar.