Johanni 13:34 - O Debleskro Drom 2021 (Sinte)

³⁴ Kowa hi newo, hoi me tumenge kanna penau: Te kamell jek o wawares o djijestar, jaake har me kamau tumen o djijestar!

O Debleskro Lab 2024 (Sinte-Manouche)

³⁴ Kova hi nevo, hoy me t'menge kanna penau: Te kamell yek o vavares o djiyestar, yaake har me kamau t'men o djiyestar!

Johanni 13:34 ပူးပေါင်းရင်းမြစ်များ

Debleskri gili 119:63

Me rikrau man pash kolende, kai djiwenn tuha un krenn, hoi tu peneh.

Debleskri gili 16:3

I Debleskre menshe an o them hi railo. Jon krenn miro dji bachteles.

3. Mose 19:18

Ma de o tchilatchepen pale, hoi i wawar ap tute kras, un hidje leske tchi palla. Tu wess jaake latches ap leste, har hal latches ap tute kokres. Me hom o baro Dewel.

3. Mose 19:34

Djan leha jaake trujel, har te wals lo jek tumendar! Tu wess jaake latches ap leste har hal latches ap tute. Tumer ninna hans wi-themarja an o them Egiptia. Me, o baro Dewel, hom tumaro Dewel.

Mateo 5:44

Me penau tumenge: Awenn latches kolenge, kai hi tchilatcho ap tumende! Mangenn o Debles kolenge, kai lenn tumen palla!

Johanni 15:17

“Krenn, hoi me tumenge penau: Kamau, te kamell jek o wawares o djijestar!

Johanni 17:21

Me mangau tutar, te wenn le halauter jek, jaake har tu, tata, an mande hal, un me an tute hom. Jaake te wenn jon jek an mende, te patsenn i menshe, kai tu man bitchral.

Remarja 12:10

Kamenn i phralen un i phenjen o tselo djijestar! Hakeno hunte rikrell o wawares bareder har pes kokres.

Remarja 13:10

Koon kamell o wawares o tselo djijestar, kowa krell leske kek tchilatcho koowa. Tu te kameh o wawares o djijestar, jaake kreh tu kowa lauter, hoi o Dewel tutar kamella.

Remarja 13:8

Te hi tumen i sijaan pash jekeste, ma atchenn an koi sijaan: Plaissrenn lat pale! Jek koowa nai krenn tumer gar doha: Te kamell jek o wawares o tselo djijestar! Koon kowa kras, kras kowa, hoi o Dewel lestar kamella.

Galatarja 5:22

Kones hi o Debleskro Ducho an peskro dji, dran koleste wella latchepen: Les well o Debleskro kamlepen un bacht an o dji. Job kamell kek tchingepen. Job rikrell lauter win. Job hi latches ap i wawarende. Les hi i baro dji i wawarenge. Kowa, hoi job penell, ap kowa rikrell pes job.

Galatarja 5:6

O Jesus Kristeske molell tchi, te hi i mursh ap o mass tchinlo, witar gar, te hi lo gar tchinlo. Kowa, hoi hi budeder moldo har lauter, hi o patsepen. Ko patsepen dikah mer ap o kamlepen, kai jekes hi i wawareske.

Galatarja 6:10

Doleske kras latcho koowa jaake bud, har krah nai, hake menshenge, budeder kol patslenge.

Galatarja 6:2

Jek hunte dikell ap ko wawareste un hidjrella leha, hoi an leskro dji leske dukrella. Jaake krenn tumer kowa, hoi o Jesus Kristo tumendar kamella.

Efesarja 5:2

un djiwenn an o kamlepen, jaake har o Jesus Kristo peskro kamlepen mende sikras, har job menge meras. Un jaake das lo peskro djipen o Debleske. Un o Dewel dikas latches ap leste.

1. Tessalonikarja 3:12

Tumenge mangau me maro rajestar, o Jesusestar, te well tumaro kamlepen baro un bareder mashkral tumende un i wawar menshenge ninna. Jaake baro hi ninna maro kamlepen tumenge.

2. Tessalonikarja 1:3

Mire phrala, mer hunte parkras men tumenge pash o Debleste hako tsiro, jaake bud latchepen shunam tumendar. Tumaro patsepen well baro un bareder. Un pash tumende lauterende well o kamlepen bareder, kai jek o wawareske hi.

Hebrearja 13:1

Mukenn gar tele, te kamenn i phralen un i phenjen o tselo djijestar!

Jakobo 2:8

O Jesus Kristo hi maro baro rai un penell menge: Tu hunte wess jaake latches ap o wawareste har hal latcho ap tute kokres! Jaake hi tchinlo an o Debleskro lab. Te djiwenn jaake, palle krenn tumer, hoi mishto hi.

1. Petro 1:22

Tumer shunan ap o tchatcho lab, un tchiwan o tchilatchepen dran tumaro djipen krik. Kanna nai kamenn tumen tchatchepah har phrala un phenja. Mukenn gar tele, te kamenn tumen o tselo djijestar!

2. Petro 1:7

Koon o Debles kamella, koles hi ninna i dji peskre phralenge un phenjenge. Kones i dji hi peskre phralenge un phenjenge, kowa kamell ninna i tsele menshen ap kai phub.

1. Johanni 3:11

Ko lab, hoi tumer shunan, har patslo wan, hi kowa: Mer patsle hunte kamas men jek o wawares o djijestar.

1. Johanni 3:23

Un kawa kamell o Dewel mendar: te patsas mer ap leskro tchaweste, o Jesus Kristeste, un te kamas men, jek o wawares o djijestar, jaake har o Jesus Kristo les menge penas.

1. Johanni 4:21

Kawa hi, hoi o Jesus menge penas: Koon o Debles kamella, kowa hunte kamell ninna peskro phrales o tselo djijestar.

2. Johanni 1:5

Romnija, kanna tchinau tuke un tire tchawenge i lab, hoi hi tumenge kek newo lab. Tumer shunan les, har wan patslo. Mangau tumendar, te kamell jek o wawares o djijestar!