Johanni 13:10 - O Debleskro Drom 2021 (Sinte)

¹⁰ Penas o Jesus ap leste: “Koon tseles thodo hi, hunte well buder gar thodo. Job hi djudjo. Leskre pire kokres hunte thowell lo. Tumer han djudjo. Jek kokres hi gar djudjo.”

O Debleskro Lab 2024 (Sinte-Manouche)

¹⁰ Penas o Yezous ap leste: “Koon tseles thodo hi, hounte vell bouder gar thodo. Yob hi djoudjo. Leskre pire kokres hounte thovell lo. T'mer han djoudjo. Yek kokres hi gar djoudjo.”

Johanni 13:10 ပူးပေါင်းရင်းမြစ်များ

Sikepaskro 7:20

Kek mensho hi jaake an o tchatchepen tardo, te krell lo kokres latcho koowa un anell kek doosh ap peste.

Kamlepaskri gili 4:7

Halauter ap tute hi shukar, hejo! Un kek djunglepen hi ap tute.

Jeremia 50:20

An ko tsiro un an kol diwessa well koi doosh rodedo, hoi o Israel un o Juda ap pende anan. Un kote well kek doosh hatslo. Me lau lat kolendar krik, kai mukom pral atchell. Kowa penau me, o baro Dewel.

3. Mose 16:26

Ko mursh, kai tradas koi mursh busni an o mulo diwjo them, hunte thowell pes un peskre koola, glan te nai djal lo pale ap i platsa, kai i menshe djiwenn.

3. Mose 16:28

Ko mursh, kai kowa lauter chatchras, kowa hunte thowell pes un peskre koola. Pal kowa nai well lo pale ap i platsa, kai i menshe djiwenn.

Mateo 6:12

Un biste mari doosh, hoi mer ap mende anam! Un ninna mer bistrah o tchilatchepen, hoi i wawar ap mende kran.

Johanni 13:18

Kowa penau me gar tumendar halauterendar. Me djinau, kones me win rodom. Kowa hunte well jaake, har an o Debleskro lab tardo hi: Kowa, kai chal kanna o maro mantsa, dell i ladini ap mande.

Johanni 13:9

“Rai,” penas o Simon Petro, “thob mange gar i pire kokres! Thob mange ninna i wasta un o shero!”

Johanni 15:3

Tumer han djudjo. Mire laba, hoi penom tumenge, kran tumen djudjo.

2. Korintarja 5:17

Kanna djinah: Koon o Jesus Kristeha djiwella, kowa hi i newo mensho, un djiwell buder gar peskro phuro djipen. I newo koowa was an leskro djipen.

2. Korintarja 5:21

O Dewel tchiwas mari tseli doosh ap maro rajeste, o Jesus Kristeste, kai job kek tchilatchepen kras, te was mer tchatcho un erligo glan o Debleskre jaka.

2. Korintarja 7:1

Mire phrala, kol latche labentsa penas o Dewel, hoi kamell lo menge te krell. Doleske mukas mer kol tselo djungelo koowa, un kras mare djia djudjo, te djiwas latches un tchatches glan o Debleste, jaake har job mendar kamella.

1. Tessalonikarja 5:23

O Dewel kras i drom, te was pash leste. Lestar mangau, te krell lo tumaro tselo djipen djudjo glan leste, te rikrell lo tumen an peskre wasta, jaake te hatsell lo kek doosh ap tumende ap ko diwes, kai well maro rai, o Jesus Kristo, pale.

Hebrearja 9:10

Ninna rikrenn pen i menshe ap laba, kai penenna, hoi te chan le gar, un hoi te pijenn le gar, un har te thowenn le pen. Kol laba hi menshengre laba. Kowa lauter his mishto jaake rah, har sikras len o Dewel gomme gar o feteder drom, te nai wenn jon pash leste.

Jakobo 3:2

Mer halauter krah bud kope, hoi gar mishto hi. Koon rakrell an kek tsiro tchilatcho koowa, kowa hi i latcho mensho, kai nai rikrell pes khetne.