Johanni 13:1 - O Debleskro Drom 2021 (Sinte)

¹ His o diwes glan kol bare diwessa, kai kharenna Passa. O Jesus djinas, kai leskro tsiro was, te mukell lo i phub, te djal lo pale pash peskro dadeste. O tselo tsiro kamas lo kolen o djijestar, kai leskre his. Un job mukas gar tele, te kamell lo len.

O Debleskro Lab 2024 (Sinte-Manouche)

¹ His o dives glan kol bare divessa, kay kharenna Passa. O Yezous djinas, kay leskro tsiro vas, te moukell lo i phoub, te djal lo pale pash peskro dadeste. O tselo tsiro kamas lo kolen o djiyestar, kay leskre his. Oun yob moukas gar tele, te kamell lo len.

Johanni 13:1 ပူးပေါင်းရင်းမြစ်များ

Gosewe laba 8:31

Ap i phub, hoi job kras, khelom, un miro dji sanas, har homs mashkral i menshende.

Jeremia 31:3

O baro Dewel sikras pes mande fun dural: Me kamom tut hako tsiro, doleske tserdom tut pash mande dran miro latchepen.

Mateo 26:45

Palle djas lo pash peskre malende pale, un penas: “Kamenn tumer dureder sowell un kate tchiddo atchell? O tsiro hi kai, kai denn le o Menshengro Tchawes an i wasta kol tchilatche menshendar.

Mateo 28:20

Penenn lenge, te rikrenn le ap lauter, hoi me tumenge penom! Tchatchepah, me hom pash tumende hako diwes jaake rah, har i phub koi hi.”

Louka 22:53

Hako diwes homs pash tumende an o Debleskro baro kheer, un tumer tapran man gar. Kanna hi tumaro tsiro. Kanna hi o benges penepaske.”

Louka 9:51

Har ko tsiro kai his, te well o Jesus maredo, kras pes lo ap o drom, te djal lo an o foro Jerusalem. Un kek nai rikras les pale.

Johanni 11:55

His i tikno tsiro glan kol bare biboldengre diwessa, kai kharenna Passa. Dran ko tselo them wan i menshe an o foro Jerusalem, te thowenn pen le an o pani glan o Passa, jaake har i biboldengro koowa hi.

Johanni 12:23

O Jesus penas ap lende: “Ko tsiro hi kanna kai, kai o Dewel sikrell o Menshengro Tchaweskro railepen.

Johanni 13:29

Mashkral lende his kolla, kai haiwan, har te penals o Jesus ap leste, te ginell job tchomone dren, hoi len hunte well ap o festo. Kol wawar haiwan, har te penals o Jesus, te dell job tchomone i tchorwelende. O Judas his kowa, kai hidjras koi possita lengre lowentsa pash peste.

Johanni 13:3

O Jesus djinas, kai o Dewel, leskro dad, halauter an leskre wasta tchiwas, un kai job o Deblestar was, un kai job pale pash o Debleste djala.

Johanni 13:34

Kowa hi newo, hoi me tumenge kanna penau: Te kamell jek o wawares o djijestar, jaake har me kamau tumen o djijestar!

Johanni 14:28

Tumer shunan, hoi me penom: Me djau mange un wau pale pash tumende. Te kamans man o djijestar, wans tumer bachtelo, kai me pash o dadeste djau. Miro dad hi bareder har me.

Johanni 14:31

Me krau, hoi miro dad mange penas, te dikenn i menshe ap kai phub, kai kamau les o djijestar. Stenn pre, te djas menge!”

Johanni 16:28

Me wom o dadestar, un wom ap kai phub. Un me mukau pale kai phub, un djau pash miro dadeste.”

Johanni 17:1

Pal kol laba dikas o Jesus pre an o bolepen un penas: “Tata, o tsiro hi kai. Sike, hawo railepen un hawi soor tu tiro tchaweste dal, te sikrell job ninna tiro railepen un tiri soor!

Johanni 17:16

Jon hi gar kai phubjatar, jaake har me hom witar gar kai phubjatar.

Johanni 17:26

Me sikrom lende, koon tu hal. Kowa krau me dureder, te well tiro kamlepen, hoi hi tut mange, ninna an lende. Jaake djiwau me an lende.”

Johanni 17:5

Un kanna, tata, de man ko railepen un koi soor, hoi his man pash tute, har o bolepen un i phub gar koi his!

Johanni 18:4

O Jesus djinas halauter, hoi ap leste wella un djas win pash lende un putchas lendar: “Kones rodenn tumer?”

Johanni 19:28

Pal kowa, har o Jesus djinas, kai job halauter kras, penas lo: “Man hi trush!” Kowa penas job, te well kowa tchatcho, hoi an o Debleskro lab glan-wi penlo was.

Johanni 2:13

Glan kol biboldengre bare diwessa, kai kharenna Passa, djas o Jesus an o foro Jerusalem.

Johanni 6:4

His i tikno tsiro glan i biboldengre bare diwessa, kai kharenna Passa.

Johanni 7:30

Koi kaman jon les te taprell. Un kek nai hadas o wast ap leste. O tsiro his leske kanna gar koi, kai well job tapedo.

Johanni 7:6

Koi penas o Jesus ap lende: “O tsiro hi mange kanna gar kai, te djap kote. Tumer nai djan hako tsiro koi.

Johanni 8:20

Har job kawa penas, his job an o Debleskro baro kheer, kote, kai i pirja tardo his, kai i menshe lowe o Debleske dren tchiwan. Kote penas job i menshenge o Debleskro lab. Un kek tapras les. I tsiro his leske kanna gar koi.

Remarja 8:37

O Jesus Kristo, kai kamell men o tselo djijestar, job krell men soreles an lauter kowa hoi ap mende wella.

1. Korintarja 1:8

Job dell tumen i soor, te atchenn an o patsepen, bis te well lo pale. Un kek nai anell i doosh ap tumende ap ko diwes.

Hebrearja 3:14

Te rikrah soreles ap maro patsepen ap o Jesus Kristeste jaake rah, har djiwah, palle ham tchatchepah leskre.

Hebrearja 3:6

O Jesus Kristo hi o Debleskro tchawo. Un an leskre wasta hi o Debleskre menshe, ap kolende job mishto garda della. Kolla ham mer, te tchiwah maro tselo patsepen ap leste, un dah gar pre bis te lah o railo djipen pash leste.

Hebrearja 6:11

Mer kamah o djijestar, te tchiwell hakeno tumendar peskro dji ap ko shukar djipen, hoi kamell o Dewel les te dell an o bolepen.

1. Petro 1:13

Doleske awenn gar khino an tumare djia, un denn garda, te atchenn ap o Debleskro drom! Dikenn ap ko baro latchepen, hoi o Dewel dell tumen ap ko diwes, kai well o Jesus Kristo pale.

1. Johanni 4:19

O Dewel kamas men o djijestar. Doleske kamah mer o Debles un i menshen ninna.

Debleskro tsiro 1:5

Latchepen un bacht tumenge! Kowa dell tumen o Jesus Kristo! Job sikrell i menshende o tchatcho drom pash o Debleste. Un job hi o glanstuno lauterendar, kai stenn i mulendar pre un wenn djido. Un job hi ninna o rai pral i tsele raja ap kai phub! Job kamell men o tselo djijestar, un las men dran mari doosh win, un plaissras menge peskro rateha.