Johanni 12:16 - O Debleskro Drom 2021 (Sinte)

¹⁶ Ap ko tsiro djinan o Jesuseskre mala gar, kai kowa lestar glan i rah tsiro penlo was. Har o Jesus an o Debleskro railepen djas, haiwan le, kai i menshe kran leha jaake, har pral leste tchinlo his.

O Debleskro Lab 2024 (Sinte-Manouche)

¹⁶ Ap ko tsiro djinan o Yezouseskre mala gar, kay kova lestar glan i rah tsiro penlo vas. Har o Yezous an o Debleskro raylepen djas, hayvan le, kay i menshe kran leha yaake, har pral leste činlo his.

Johanni 12:16 ပူးပေါင်းရင်းမြစ်များ

Johanni 2:22

Pal i tsiro, har o Jesus i mulendar pre stas, wan leskre malenge kol laba pale an o shero, hoi o Jesus penas. Un jon patsan, kai kowa lauter tchatcho hi, hoi an o Debleskro lab tchinlo hi, un hoi o Jesus penas.

Johanni 14:26

Me te hom buder gar pash tumende, bitchrell o dad tumenge o rakepaskres, kai well ap tumari rig. Kowa hi o Debleskro Ducho. Un job penell tumenge halauter jaake, te nai haiwenn kowa mishto. Un job mukell tumenge halauter an o shero te well, hoi me tumenge penom.

Johanni 7:39

Job penas kowa pral o Debleskro Ducho, hoi kolla lenna, kai ap leste patsenna. O Debleskro Ducho his gomme gar koi. Ap ko tsiro his o Jesus gomme gar pash o Debleste an o bolepen, te bitchras lo les ap lende.

Bičepangre 2:36

I tsele menshe an Israel hunte djinenna, o Dewel kras, te hi kau Jesus, koles tumer ap o trushel dan, o rai pral halauter. Job hi ko baro rai, kolestar o Dewel penas, te well job.”

Johanni 12:23

O Jesus penas ap lende: “Ko tsiro hi kanna kai, kai o Dewel sikrell o Menshengro Tchaweskro railepen.

Hebrearja 12:2

Te dikas ap o Jesus Kristeste! Kowa anas men ap o Debleskro drom, un djal glan mende, bis te wah pash leste. O Jesus Kristo meras ap o trushel. Ninna te his kowa i ladj leske, las lo kau merepen ap peste. Job djinas, pal kowa well i bari bacht ap leste. Un kanna hi lo beshdo ap o Debleskri tchatchi rig.

Hebrearja 8:1

Kowa hunte djinenn tumer: Men hi i baro rashai, kowa hi o Jesus Kristo. An o bolepen hi lo beshdo ap i tchatchi rig o Deblestar.

Bičepangre 3:13

Na-a! O Dewel o Abrahamestar, un o Isaakestar un o Jakobestar, ko Dewel mare dadendar sikras tumende kate, hawi bari soor un railepen job peskro budepaskres, o Jesuses, das. Koles dan tumer an o Pilateskre wasta, un dan les buchoste, har o Pilato kamas les te djal mukell.

Bičepangre 2:33

Un o Dewel kras les rai pral halauter, un tchiwas o Debleskro Ducho ap leste, jaake har job penas. Un ko Debleskro Duches tchiwas o Jesus ninna ap mende. Kawa shunenn un dikenn tumer kate.

Johanni 16:4

Te well ko tsiro, hunte djinenn tumer, kai kowa jaake wella, har me les tumenge penom. Me penom tumenge kowa gar, har homs pash tumende. Kanna penau tumenge kowa.

Louka 24:45

Un palle das lo len goswepen, te haiwenn le o Debleskro lab,

Louka 24:25

Koi penas o Jesus ap lende: “Tumer haiwan tchi. An tumaro dji djal tchi dren. Hoske patsenn tumer kowa gar, hoi o Debleskre rakepangre glan i rah tsiro penan?

Louka 18:34

Leskre mala haiwan kek lab. Kowa, hoi job lenge kal labentsa kamas te penell, djas gar an lengro shero dren. Un jon djinan gar, pral hoi job rakras.

Louka 9:45

Kal laba haiwan le gar. Kowa, hoi job lenge kate penas, djas gar an lengro shero dren. Jaake djinan le gar, pral hoi job rakras un trashan, te putchenn le lestar pral kol laba.

Johanni 17:5

Un kanna, tata, de man ko railepen un koi soor, hoi his man pash tute, har o bolepen un i phub gar koi his!

Markus 16:19

Har o rai Jesus jaake lentsa rakras, was lo pral an o bolepen hadedo, un beshas pes ap o Debleskri tchatchi rig.

Markus 9:32

Un jon haiwan kol laba gar un trashan, te putchenn le lestar.