Johanni 11:53 - O Debleskro Drom 2021 (Sinte)

⁵³ Kowa his ko diwes, kai wan le o ersto kopo khetne, te rodenn le i drom, har nai marenn jon les.

O Debleskro Lab 2024 (Sinte-Manouche)

⁵³ Kova his ko dives, kay van le o ersto kopo khetne, te rodenn le i drom, har nay marenn yon les.

Johanni 11:53 ပူးပေါင်းရင်းမြစ်များ

1. Mose 37:18

Har i phrala dikan, kai o Josef wella, lan jon penge glan, te denn le les mulo.

Nehemia 13:21

Un me dom len trad un penom ap lende: “Hoske atchenn tumer pral i rat win glan i massuri? Te krenn kowa gomme jek kopo, mukau tumen an o stilepen te witsrell.” Fun ko tsiro wan le gar buder ap o Debleskro diwes.

Nehemia 4:16

An ko tsiro penom me ap i pralstunende: “Hakeno te atchell peskre murshentsa rati an o foro Jerusalem, jaake te hi men doha mursha, kai denn jak an i rat un budrenn ap o diwes.”

Debleskri gili 113:2

Mu well o baro Debles sharedo kanna un hako tsireske!

Debleskri gili 2:2

I bare raja ap kai phub stakrenna pre, un i pralstune beshenn khetne, un krenn win, har nai hadenn le pen pral o baro Debleste un pral koleste, kones job win rodas.

Debleskri gili 31:13

Bud bistran man, har te woms mulo un paskedo. Lenge hom har i phagedo tcharo, hoi krik witsedo was.

Debleskri gili 71:10

Kolla, kai mange tchilatchepen kamenn, rakrenn pal mande. Kolla, hoi kamenn mange o djipen te lell, rakrenn khetne,

Jeremia 38:15

Kote penas o Jeremia ap o Zedekja: Me te penau tuke tchomone, palle mareh tu man. Te penau tuke, hoi te kress, palle shuneh gar ap mande.

Jeremia 38:4

Kote rakran kol pralstune o baro rajeha un penan: Muk kau murshes, o Jeremia te marell; jaake har job rakrella, lell lo i soor kol lurdendar krik, kai kate pash mende pral atchan an kau foro. Un jaake djal ninna i tsele menshenge an kau foro. Kau mursh rodell gar, hoi i menshenge mishto hi. Na-a, job anell len an i bibacht.

Mateo 12:14

Koi djan i Farisarja win, un rakran khetne, har jon les nai marenna.

Mateo 16:21

Un ap ko tsiro penas o Jesus peskre malenge, te hunte djal lo an o foro Jerusalem. Un job penas lenge: “Me hunte lap bud duka ap mande. I bare rashaja, un i biboldengre phureder un tchatchepangre, kolla marenn man. Un pal triin diwessa krell man o Dewel djido.”

Mateo 22:46

Un kek lendar nashte penas o Jesuseske jek lab koi pre. Un pal ko diwes trashan le, te putchenn le lestar budeder.

Mateo 26:4

Un jon rodan i drom, har nai taprans le o Jesuses tchorchanes, te marenn le les.

Mateo 26:59

Un i bare rashaja un i tsele pralstune bibolde rodan murshen, kai anenn chocheno koowa ap o Jesuseste, te nai marenn le les.

Markus 14:1

His dui diwessa glan kol bare diwessa, kai kharenna Passa un glan kol diwessa, kai chan i bibolde kek shutlo maro. Un kol bare rashaja un kol biboldengre tchatchepangre rodan i latcho tsiro, te taprenn le o Jesuses tchorchanes, te marenn le les.

Markus 3:6

Un kol Farisarja djan win, un djan pash kolende, kai shunenn ap o Herodeste, un rakran lentsa, har jon nai marenn les.

Johanni 11:47

Doleske wan kol bare rashaja un kol Farisarja i pralstune biboldentsa khetne, un penan: “Hoi kras mer? Job krell bud baro un sorelo koowa, hoi kek wawar nai krell.

Johanni 12:10

Jaake djan bud bibolde pash o Lazareste, un patsan ap o Jesuseste. Doleske rodan kol bare rashaja i drom, har nai marenn jon ninna o Lazares.

Johanni 7:1

Pal kowa djas o Jesus an o them Galilea trujel. Job kamas gar an o them Judea te djal. I pralstune bibolde kote kaman les te marell.

Bičepangre 5:33

Har jon kowa shunan, wan jon chojemen ap lende, un kaman len te marell.

Bičepangre 9:23

Pal budeder diwessa wan kol bibolde khetne, rakran pral ko koowa, un penan: “Mer marah les.”